• Dissertatsiyaning vazifalari
  • 2.NAZARIY QISM. 2.1.“YAShIL KIMYO – BARQAROR RIVOJLANIShINING MUHIM OMILI
  • “Yashil kimyo” - bu atrof muhitga ijobiy ta’sir qiladigan kimyoviy jarayonlarni takomillashtirishdir.
  • Dissertatsiyaning maqsadi




    Download 0.95 Mb.
    bet2/17
    Sana02.03.2022
    Hajmi0.95 Mb.
    #2865
    1   2   3   4   5   6   7   8   9   ...   17
    Dissertatsiyaning maqsadi barqaror rivojlanish konsepsiyalariga amal qilishni ta’minlashga erishish uchun kimyogar olimlarning ilmiy ishlari asosida yangi ilmiy yo’nalish va mo’jizakor kimyo fanini o’rganishda yangi revolyusion metodologik qarash hisoblangan “Yashil kimyo” prinsiplarini yoritib berish, yosh kimyogarlarda kimyoviy jarayonlarga yangicha qarashni tarbiyalash, “Yashil” kimyo prinsiplari asosida o’quvchilar va talabalarda kimyoviy ta’lim va tarbiyani uyg’unlashtirish strategiyasini ishlab chiqish, kimyoviy bilimlarga yashillikni kiritish asosida atrof-muhitning sofligini saqlash imkonini yaratishning metodik asoslarini yaratishdir.
    Dissertatsiyaning vazifalari:
    1. “Yashil“ kimyo ilmiy yo’nalishi bo’yicha Jahonda va O’zbekistonda bajarilayotgan ilmiy ishlarni o’rganish va umumlashtirish.
    2. Kimyo fanini o’rganishga yangi metodologik qarash “Yashil” kimyo prinsiplarini umumlashtirish.
    3. Yaratilgan majmuani maktab o’qituvchilari va o’quvchilari orasida targ’ib qilish, ularning natijalarini umumlashtirish.
    4. “Yashil” kimyo prinsiplari asosida kimyogar yosh o’qituvchilarga qator sikl ma’ruzalar tashkil qilishning metodik prinsiplarini ishlab chiqish.
    5. “Yashil“ kimyo ilmiy yo’nalishi bo’yicha maktablar, lisey va kollejlarda elektiv kurslar dasturlarini taklif qilish va o’qitishga tavsiyalar ishlab chiqish.
    Barqaror rivojlanishning muhim omillaridan biri bo’lgan kimyo fanini yangicha o’rganish yangi avlod kimyogarlarini tarbiyalaydi va ular atrof –muhit tozaligi va sofligini ta’minlash uchun xizmat qiladi.
    2.NAZARIY QISM.
    2.1.“YAShIL KIMYO – BARQAROR RIVOJLANIShINING MUHIM OMILI
    Insoniyatning XXI asrga qadam bosgan davri bir qancha global ekologik muammolarga to’g’ri keldi. Shular sabab bo’lib, Rio-de-Janeyroda (1992 yil) o’tkazilgan Xalqaro konferensiya barqaror rivojlanish, atrof muhit muammolariga bag’ishlangan bo’lib bunda asosan quyidagi uchlik – ekologiya, ijtimoiy masalalar va iqtisodiy rivojlanish muhokama asosini tashkil qildi [3-7].
    Konferensiya qabul qilgan asosiy qarorlardan biri barqaror rivojlanish konsepsiyasi bo’lib uni hayotga tatbiq qilishda kimyo fanining o’rni beqiyosligini hamma ham yaxshi tushunadi. YuNESKOning bosh assembleyasida 2011 yilni Xalqaro kimyo yili deb e’lon qiladi va bu yig’ilish «Kimyo - bizning hayotimiz va kimyo - bizning kelajagimiz “ shiori ostida o’tkazildi. Ma’ruzalar turli xilda bo’lib ular asosan hozirgi jamiyatda kimyoning o’rni, insoniyatning global muammolarini hal qilishda kimyo fanining xizmatlari, zamonoviy kimyoning turli aspektlari -toza suv, qazilma boyliklar, energiya manbalari, bioenergetika kabi muhim muammolarga qaratildi.
    Bugungi kunda yangi daromad manbalarini yo’lga qo’yish uchun birinchi o’rinda ilmiy yutuqlarga va innovasiyalarga sarmoya yo’naltirish lozim, busiz hayot davom etishi mumkin emas. Fundamental fanlar – barcha innovasiyalarning asosidir. Davlat kelajagi yangi kashfiyotlar asosida qurilishi maqsadga muvofiqdir va aynan shunga mamlakatimiz rahbari da’vat etmoqda. Xulosa qilib aytish mumkinki, agarda mamlakatda yetarli darajada kimyo faniga e’tibor qaratilsa, mamlakatimiz kelajakda dunyo miqyosida munosib o’rin egallashiga aminmiz.
    Hozirgi vaqtda jamiyatni innovasion rivojlanishi yo’lida ishlar olib borilmoqda. Yangi texnologiyalarni o’z o’rnida qo’llamaydigan mamlakat zamonaviy hayot oqimida rivojlanishga ega bo’la olmaydi. Innovasion yo’ldan borish uchun esa, sifatli ta’limga ega bo’lish lozim.Yoshlarni zamonaviy fan yutuqlaridan foydalanmagan holda o’qitish mumkin emas. Ammo ko’pchilik kimyoning o’rnini to’lig’icha tushunib yetmaydilar. Shu o’rinda kimyo yilini belgilash g’oyasi jamiyatda kimyoning o’rnini – ayrim hollarda salbiy va ko’p hollarda ijobiyligini tushuntirish, ongiga singdirishga yo’naltirilgan edi. Albatta ayrim yirik kimyoviy kombinatlarda xavfsizlik texnikasiga rioya qilinmaydi: chiqindilar havoga va suvga zarar keltiradi, ammo kimyoning ijobiy tomonlari bir necha barobar ko’pdir. Kimyo bizlarni kiyintiradi, iste’mol mollari tabiiy sharoitlarda yetishtiriladi, ammo kimyo yordamida hosildorlik saqlanadi va oshiriladi. Dori-darmonlar ham kimyo fani yutug’idir. Kimyo elektr energiyani ishlab chiqarishda asosiy ishtirokchi. Bugungi kunda bioenergetika davri kelmoqda, ya’ni qishloq xo’jaligi chiqindilari qayta ishlanadi. Kimyo karbonat angidridni o’zlashtiruvchi bakteriyalarni faoliyatiga (bir vaqtning o’zida havodan ham karbonat angidriddan tozalashi mumkin) xizmat qilishi va avtomashinalar uchun yonilg’i ishlab chiqarishga mo’ljallangan biomateriallarni berishi mumkin. Albatta koinot ham kimyosiz o’rganilmagan bo’lardi. Bizning fikrimizcha, aynan olimlarning o’zlari jamiyatga, keng ommaga kimyoning o’rni haqida obyektiv ma’lumot yetkaza olishmayapti. Shu sababli butun dunyo mamlakatlari bo’ylab kimyo kunini belgilaganligi bu bo’shliqni to’ldirishga yo’naltirilgan edi.
    Parijda o’tkazilgan kimyogarlar uchrashuvining “Kimyo – bizning hayotimiz, bizning kelajagimiz” shiori mamlakatimiz aholisi ongiga singib borsa butun dunyo kimyo yilining asosiy yutug’i shunda edi va shunday ham bo’ldi.
    Prizdentimiz tomonidan Ustyurt gaz-kimyo majmuasiga tamal toshi qo’yilishi bu fanning hayotimizdagi o’rnini yana bir marta ko’rsatdi desak mubolag’a bo’lmaydi.
    Kimyo fani ko’p yillar davomida ishlab chiqarishni eski texnologiyalar asosida amalga oshirib atrof - muhitga juda ko’p zarar yetkazdi. Natijada “kimyoviy ekologiya”, “atrof muhit kimyosi” yo’nalishlari paydo bo’lib ularning asosiy maqsadi atrof-muhitga ajralib chiqayotgan zararli komponentlarni aniqlash va o’z vaqtida yo’qotishga qaratilgan. Yuzaga kelgan vaziyat masalani bunday hal qilish noto’g’riligini ko’rsatdi va juda katta iqtisodiy zarar ko’rilayotgani ma’lum bo’lib qoldi. Buning asosida kimyo fani yotishini hisobga olib bu fanga nisbatan “xemofobiya” kayfiyatlari paydo bo’ldi. Ana shu holatlar bu fandagi metodologik qarashlar va yo’nalishlarni qayta ko’rib chiqishga olib keldi. Turli davlatlardagi kimyogar olimlar o’zlarining ijtimoiy o’rni va hayotdagi ma’suliyatlarini qayta ko’rib chiqib kimyoda yangi ilmiy yo’nalish, falsafiy – metodologik qarash “Yashil” kimyoni taklif qilishdi. “Yashil” kimyo ilmiy yo’nalishi o’tgan asrning 90-yillarida Amerikalik olimlar tomonidan taklif qilingan bo’lib tez orada kimyogarlar orasida yangi falsafiy metodologik qarash sifatida qo’llab-quvvatlandi. Nima uchun Amerika olimlari buni birinchilar qatori hayotga tatbiq qilishga kirishdi. Sababi oddiy, chunki dunyodagi neft, gaz,metallar va plastmassalar kabi xom-ashyoning uchdan bir qismini ular o’zlashtirib kelmoqda. Bu xom - ashyolar ham tugab bormoqda. Agar hozirgiday ularni ishlatish davom etsa Amerika iqtisodiyoti asosan neft va gazning bahosiga qaram bo’lib, bo’ysinib qoladi. Bundan qutilishning yagona yo’li “Yashil” kimyoga suyanib ish ko’rish ekanligi, juda katta maydonga ega bo’lgan AQSh Davlati insonlar va atrof muhitga ta’sir qilmasdan biotexnologiyaga asosiy mahsulot - kungaboqar yetkazishi mumkin. Biotexnologiya uchun yana boshqa yangilanib turadigan xom - ashyolarni o’simliklar dunyosidan topish mumkin.
    "Yashil kimyo" – an’anaviy kimyodan atrof-muhitga zarar qilmaydigan kimyoviy ishlab chiqarishga ega bo’lishi bilan farq qiladi. Bu kimyoviy ishlab chiqarish iqtisodiyotning rivoji uchun asos bo’ladi.
    Bu atama–qattiq sharoit(yuqori temperatura va bosim) talab qilinmaydigan, reaksiya natijasida zaharli moddalar hosil bo’lmaydigan va atrof-muhitga zararli moddalar ajralib chiqmaydigan kimyoviy jarayonlarni ifodalaydi. Boshqacha aytganda “yashil” kimyogarlar amalga oshirayotgan reaksiya sikllari o’simliklar va hayvonlar organizmlaridagi sikllarga yaqin bo’lishlari kerak. Bunga oddiy misol sifatida azotobakteriyalarning dukkaklilar tomirida azotni oddiy sharoitda to’plashini keltirish mumkin. Bu azotdan dukkaklilar keyin oqsillar hosil qiladi. An’anaviy kimyo sanoatida esa ammiak olish uchun havodan azotni olishga juda yuqori bosim (30 atm. bosimgacha) va 5000 C selsiy temperatura kerak bo’ladi.
    Bu yo’nalishning boshlang’ich sanasi 1998 yilga to’g’ri keladi. P. T. Anastas va Dj. S. Uornerlar «Yashil kimyo:nazariya va amaliyot» kitobida 1998 yil Yashil kimyoning 12 prinsipini taklif qildi.
    Bu 12 prinsip kimyoviy jarayonlar insonlar va atrof-muhitga hyech qanday zarar keltirmasligini ko’rsatadi. Bu prinsiplarga MDU kimyo fakulteti dekani, akademik V.V.Lunin va kimyo fanlari doktori Yekaterina Lokteva 13 –prinsipni taklif qiladi: agar hamma narsani xuddi odatdagiday amalga oshirsangiz har doimgiday natijaga erishasiz .
    Yashil kimyo – bu o’simliklarda bo’ladigan kimyoviy jarayonlar emas. Yashil kimyoning asosiy yo’nalishi kimyoviy mahsulotlarni arzon, samarali insonlar va atrof muhitga ta’sir qilmaydigan holda olishga qaratilgan.
    Kimyogar agar bu qarashlar bilan qurollangan bo’lsa u zaharli, ekologiya nuqtai – nazaridan foydalanish mumkin bo’lmagan erituvchilarni suv bilan almashtirish yoki jarayonni erituvchisiz amalga oshirishlari kerak bo’ladi, reaksiyani rejalashtirishning boshida ko’p bosqichli reaksiyalarni bir bosqichda amalga oshirishi va chiqindilarni ajralmasligini ko’ra bilishi, stexiometrik reaksiyalar o’rniga katalitik reaksiyalardan foydalanishlari, oldindan reaksiya mahsulotlarining insonga va tabiatga zaharli tomonlarini bilishlari kerak bo’ladi. Bular natijasida o’z-o’zidan kimyoviy ishlab chiqarishga kam energiya sarf qilinadi. Olimlar va ishlab chiqarish vakillarining birgalikdagi ishlari natijasida amalga oshirilayotgan jarayonlarni faqat ekologik toza emas balki yana yuqori iqtisodiy samaradorlikka erishiladi.
    Bu yo’nalishiga Anastas va Uornerlar quyidagicha ta’rif beradi: “Yashil kimyo” - bu atrof muhitga ijobiy ta’sir qiladigan kimyoviy jarayonlarni takomillashtirishdir.
    Belfastadagi Koroleviy universiteti professori Ken Seddon: « Yashil kimyo – zaharli va xavfli moddalar chiqishini kamaytiradigan yoki umuman ajratmaydigan kimyoviy mahsulotlarni oladigan jarayonlarni ishlab chiqishdir» degan ta’rifni beradi.
    Buning asoschilaridan biri P.Anastas kimyogar olimlarning eng yaxshilari “yashil” kimyo bilan shug’illanadi, chunki “yashil” kimyo – kimyoning eng yaxshi yo’nalishi hisoblanadi deb ta’kidlaydi.
    Demak “Yashil kimyo” dastlabki reagentlarni tanlash va kimyoviy jarayonlarni amalga oshirishda eng avvalo zaharli moddalardan foydalanmaslikni o’zining strategik maqsadi deb belgilaydi.
    Hozirgi vaqtda “Yashil kimyo” ning uch yo’nalishi – sintezning yangi yo’llari(katalizatorlar yordamida), qayta tiklanadigan dastlabki reagentlardan foydalanish(neft mahsulotlaridan foydalanmaslik) va an’anaviy organik erituvchilardan foydalanmaslikdan iborat ekanligi ko’rsatib beriladi. Bir so’z bilan aytganda bu qarash eng avvalo kimyoviy ishlab chiqarishlarda mavjud bo’lgan atrof muhitga ajralib chiqayotgan turli xil zaharli moddalarni yo’qotishga qaratilgan bo’lib, natijada insonlar yashab turgan muhit yaxshilanadi va ekologiyamizning musaffoligiga olib keladi.
    "Yashil " kimyo – yuqori darajada fanlar kesimi orasidagi bilimlar sohasi hisoblanadi. U organik kimyo bilan (yangi va alternativ sintetik usullar), anorganik kimyo bilan( yangi materiallar va katalizatorlar ochish), fizikaviy kimyo(erituvchilar xossalari), analitik kimyo (moddalarni aniqlashning selektiv usullari) sanoat kimyosi va kimyoviy injeneriya (mavjud kimyoviy jarayonlarni modifikasiyalash), iqtisodiyot fani bilan(kimyoviy mahsulotlar va materiallar analizi) toksikologiya, mikrobiologiya va bioximiya (fermentlash, biotexnologiya, gennaya injeneriya), qishloq xo’jalik fanlari (yangilanadigan xom –ashyo)), ekologiya va huquq (Davlat boshqaruvi va nazorat) fanlari bilan ham kesishadi va ko’rsatib o’tilgan masalalarni birgalikda yechimini topishga xizmat qiladi.
    Bir so’z bilan aytganda “Yashil” kimyo prinsiplarini hayotga tatbiq qilish O’zbekiston ekologik harakatining o’z oldiga qo’ygan eng ustuvor vazifalarni bajarishga asos bo’lishiga ishonamiz. Bu esa sog’lom avlod tarbiyasining garovi bo’lib hisoblanadi.
    Konferensiyada -"Yashil kimyo" O’zbekiston barqaror taraqqiyotining omillaridan biri ekanligi, Jahon tajribasi, uning tamoyillari, ekologik xavfsiz moddalar va ularning sintezi, ekologik kataliz, kimyoviy va ekologik xavfsizlik yo’nalishidagi muammolar ko’rib chiqildi[8-11].
    Yana bir muhim masala “Yashil” do’stona texnologiyaning kimyo sanoatida qo’llanilishi, yangilanadigan xom-ashyolarning kimyoviy jarayonlarda qo’llanilishi, xavfsiz va zararsiz texnologiyalar bilan kimyoviy mahsulotlar olish, sanoat ishlab chiqarishning modernizasiyasi yangi kimyoviy-texnologiya va ekologik-iqtisodiy yondashuvlar ham kun tartibidagi asosiy masalalardan hisoblanadi..
    Nanotexnologiya va kimyoviy dizayn, yashil nanotexnologiya sohasida fundamental va amaliy tadqiqotlarni umumlashtirish, polimer kompozision materiallar hamda belgilangan xossa va tuzilishli moddalar olish muammolari kun tartibidan asosiy o’rin egallagan.


    Download 0.95 Mb.
    1   2   3   4   5   6   7   8   9   ...   17




    Download 0.95 Mb.