|
Universiteti
|
| bet | 13/102 | | Sana | 24.11.2022 | | Hajmi | 4.93 Mb. | | #31542 |
Bog'liq OMK-Kontrukciya QQTexnikalıq usınıs. Texnikalıq usınıs tek texnikalıq tapsırmada kózda tutilǵan jaǵdayda ǵana islep shıǵıladı. Texnikalıq usınıstıń quramı hám wazıypaları GOST 2.118-82 “Texnikalıq usınıs”da orın alǵan. Bul basqıshta texnikalıq tapsırmanıń óz aldına talapların anıqlaw hám islep shıǵarılatuǵın konstruksiyaǵa qoyılǵan talaplardı anıqlaw maqsetinde analiz qılınadı.
Konstruktorlıq hújjetleri
GOST 2.102-82 boyınsha konstruktorlıq hújjetleri (KH)ge tekstli hám grafikli hújjetler kiredi. Proekt basqıshına qarap hújjetler proektlik yaki jumısshı bolıwı múmkin. Tekstli hújjetlerge spetsifikatsiyalar, turli qaydnamalar, túsindiriw xatları, texnikalıq shártler, sınaw metodı hám dástúri, esap kitaplar, ekspluatatsion - sazlaw hújjetler kiredi.
GOST 2.106-82 “Tekstli hújjetler”de ornatılǵan talap boyınsha túsindiriw xatında tómendegi bólimler bolıwı zárúr: kirisiw; wazıypası hám qollaw sheńberi, proektlestirilip atırǵan ásbapqa qoyılǵan texnikalıq talaplar, tańlanǵan konstruksiya anıqlaması hám tiykarlanıwı, esap kitap bólimi, islep shıǵılıp atırǵan kriteriyalardı qollaw boyınsha shólkemleskenlik jumısları anıqlaması, kútilip atırǵan texnikalıq effektler kórsetkishi, unifikatsiya qáddi. Grafikli hújjetler 2 túrli kóriniste: sxemalı hám sızılmalı boladı.
GOST 2.701-82 boyınsha sxemalar fizikalıq tábiyatına kóre: elektr, kinematikalıq, grafikalıq, aralas hám optoelektron bolıwı múmkin. Elektr sxemalardı qollawda KXYAT standartlarında ornatılǵan 2 túrdegi grafikalıq belgiler isletildi: shártli hám tuwrı múyeshli.
Konstruktorlıq hújjetleriniń sisteması Ózbekistan Respublikasınıń konstruktorlıq hújjetleriniń jalǵız sisteması (ÓzKHJS) kompleksine kiriwshi standartlardı maqsetli mólsherleniwi, klassifikaciyalaw gruppalarınıń quramı hám belgileniwi boyınsha ulıwma qaǵıydalardı belgileydi. Óz KHJS standartınıń talapları konstruktorlıq hújjetlerin islep shıǵıw menen shuǵıllanatuǵın barlıq ekonomikalıq tarmaqları hám xojalıq júritiwshi sub’ektler ushın majburiy esaplanadı.
Óz KHJS - Ózbekistan kárxanaları hám xójalik júritiwshi sub’ektleriniń konstruktorlıq hújjetlerini islep shıǵıw, súwretiylestiriw, qollaw boyınsha shólkemlesken hám texnikalıq jalǵızlıǵın támiynleytuǵın, óz-ara baylanısqan, tiykar bolıwshı ulıwmatexnikalıq hám shólkemlesken metodikası, standartlar kompleksi esaplanadı.
|
| |
