FOYDALANILGAN ADABIYOTLAR RO„YXATI:
1. Айнакулов М.А., Абдухамидов Э.М. Нормативно-правовая база
интегратсионных отношений хозяйствующих субъектов // «Молодой
ученый». Международный научный журнал. Спес выпуск Джизакский
политехнический институт. 2016. № 7.2 (111.2) С. 48-50.
2. Aynaqulov M.A. Xudayberdiyev B.B. Xatamov A.Ya. Qurilish
majmuasida xo‗jalik yuritish kooperatsiyasi va klasterining tavsiyaviy yo‗nalishlari
// in Volume 1, Issue 5 of Oriental Renaissance: Innovative, educational, natural
andsocial sciences in Jine 2021
560
Namangan muhandislik-texnologiya instituti 7-8 oktabr 2-tom
JIZZAX VILOYATIDA INTEGRATSIYA NEGIZIDAGI PAXTA –
TO„QIMACHILIK KLASTERLARI UCHUN OILADA
KASANACHILARNI SHAKLLANTIRISH YO„NALISHLARI
Muxitdinov Abduvali Burxonovich, katta o„qituvchi
Jizzax Politexnika instituti
Annotatsiya: Maqolada oilaviy pudratning iqtisodiyotning yengil sanoat majmuasining
iqtisodiy tizimlaridagi alohida o„rni uning mikroiqtisod bilan so„ngra makroiqtisod bilan
uyg„unlashuv asoslari, shuningdek, pandemiya davrida oilaviy sharoitlarda uy mehnatini tashkil
etish yo„nalishlari bayon qilingan.
Kalit so„zlar: Pandemiya, inqiroz, uy xo„jaligi, oilaviy pudrat, mikro va makroiqtisod,
mehnat resurslari, inson kapitali, bozor konyukturasi.
Iqtisodiy jihatdan qaraganda, uy xo‗jaligi bu oilada yuritilib faoliyatini olib
boradi, lekin buni ro‗zg‗ordagi xo‗jalik ishlari deb tushunish noto‗g‗ri, chunki bu
tushuncha iqtisodiy faoliyat yurituvchi oilaviy mexnat sub‘ektini anglatadi. Uy
xo‗jaligining aksariyat qismini oilaviy pudrat asosida ishlovchilar tashkil etadi.
Oilaviy pudratning iqtisodiy mazmuni shundan iboratki, u pirovard maxsulot
ishlab chiqarish jarayonida oilaviy pudrat a‘zolari bilan yirik xo‗jalik subyekti
o‗rtasidagi iqtisodiy munosabatlar, ya‘ni integratsiya shakllaridir. Oilaviy pudrat
mikro (kichik doiradagi) iqtisodning bir ko‗rinishi deb qaraladi. O‗z navbatida esa
mikroiqtisodga makroiqtisod, ya‘ni mamlakatning milliy iqtisodi bog‗liq bo‗ladi.
Shu sababdan ham oilaviy pudratning milliy iqtisodiyot uchun ahamiyati katta va
buni uning mexnat resurslarini yetkazib berish, ya‘ni inson kapitalini
shakllantirish, iste‘mol etish va uy xo‗jaligini yuritish, shuningdek ishlab chiqarish,
xizmat ko‗rsatish kabi funksiyalarini bajarishida ko‗rish mumkin.
Mamlakatimizda ayniqsa paxtani dastlabki qayta ishlashda, masalan sanoat
sohasida klaster asosida oilaviy pudratni yo‗lga qo‗yishning imkoniyatlari juda
keng, chunki istiqomat qilayotgan aholi tarkibida mehnat yoshidagilar 50 % dan
561
Namangan muhandislik-texnologiya instituti 7-8 oktabr 2-tom
ko‗proqni tashkil qiladi. Har yili oilalardan 120 ming nafar mehnat yoshiga yetgan
kishilar mehnat resurslari safiga qo‗shilib boradi.
Ilmiy tadqiqot natijalaridan shu narsa aniqlanganki, xizmat ko‗rsatishda
oilaviy pudrat usulida ular kam salmoqqa ega bo‗lganligi uchun, qolaversa bozor
talablariga, bozor konyukturasiga tez moslasha olishi bilan eng yaxshi natijalarga
erishadi. Shu bois, oilaviy pudrat a‘zolari soni 8-12 kishi atrofida bo‗lishi kerak
[1]. Bu esa o‗z navbatida, mustaqillik, mas‘uliyat va manfaatdorlik kabi boshqaruv
tamoyillarining uyg‗unlashuvini keltirib chiqaradi. Oilaviy pudrat azaldan O‗rta
Osiyo respublikalarida yengil xizmat ko‗rsatish ishlarida, xususan paxsa devor
ko‗tarishda, tomning ustini suvoq qilishda keng qo‗llanilib kelingan va mavjud
mehnat resurslaridan oqilona foydalanish, xizmat ko‗rsatishni tashkil etish
usullaridan biri sifatida o‗zini oqlagan.
Bugungi kunda O‗zbekistonda oilaviy pudratni yo‗lga qo‗yish uchun
iqtisodiyotning bazaviy tarmoqlaridan paxta-to‗qimachilikda keng miqyosdagi
imkoniyatlar mavjud. Chunki mazkur sohaga qarashli xo‗jalik yurituvchi
subyektlar iqtisodiyotning asosiy negizini tashkil etadi. Xususan, 2021 yilda yalpi
ichki mahsulotdagi tarkibi paxta-to‗qimachilik sohasida nufuzli salmoqni tashkil
etdi.
Jizzax viloyatida qishloq xo‗jaligining paxtachilik, chorvachilik va
kartoshka yetishtirish, poliz ekinlarini yetishtirish kabi turlari keng rivojlanganligi
sababli xizmat ko‗rsatish xo‗jalik yurituvchi sub‘ektlarida asosiy xizmat ko‗rsatish
ishlari faoliyatidan tashqari diversifikatsion faoliyat sifatida qishloq xo‗jalik
faoliyatini ikkilamchi passif faoliyat daromad manbai sifatida yo‗lga qo‗yish va
mazkur faoliyatda oilaviy pudrat imkoniyalaridan foydalanish maqsadga
muvofiqdir. Xususan, viloyatning sug‗oriladigan cho‗l hududlari (Mirzacho‗l,
Paxtakor, Do‗stlik, Arnasoy, Zafarobod, Zarbdor va h.) asosan paxtachilik va
poliz mahsulotlari yetishtirishga, viloyatning lalmikor hududlari esa asosan
chorvachilikka ixtisoslashtirilgan. Chunki, sug‗oriladigan hududlarda yerning
zaxligi sababli chorvachilikning ko‗p kasalliklarga chalinishi oqibatida undan
562
Namangan muhandislik-texnologiya instituti 7-8 oktabr 2-tom
chorvachilik tarmog‗i bo‗yicha samarali xo‗jalik yuritishda foydalanib bo‗lmaydi
[2].
Paxta-to‗qimachilik sohasida oilaviy pudratning ijobiy jihatlaridan yana biri
shundaki, ish kuchiga bo‗lgan mavsumiy talabni qondiradi, ishga qo‗shimcha
ishchi kuchlari – maktab, akademik litsey va kasb-hunar kolejlari o‗quvchilarini,
shuningdek, oliy ta‘lim muassasalarining talabalarini, ijtimoiy ishlab chiqarishda
muntazam ishtirok etmaydigan fuqarolarni jalb etish imkoniyatida namoyon
bo‗ladi. Bu esa yozgi paytlarda xizmat ko‗rsatish ishlarida asosan qo‗l keladi.
Shuningdek, mazkur sohada umumiy ovqatlanish shaxobchalarida, texnik xizmat
ko‗rsatishda, savdo shaxobchalarida ijaradagi yo‗lovchi transportlarida oilaviy
pudratning afzallik tomonlari borki, bu jarayon odatda, ularning qarindoshlik
rishtalari, o‗zaro bir-birini qo‗llashga tayanganliklari bilan izohlanadi [3].
Paxta-to‗qimachilik sohasida oilaviy pudratning yalpi ichki mahsulot
sur‘atini oshirishdan tashqari, uning ham ijtimoiy-iqtisodiy ham ma‘naviy-ma‘rifiy
tomonlari mavjud.
Ijtimoiy-iqtisodiy jihatdan, xizmat ko‗rsatishda oilaviy pudrat asosidagi
qilingan ishlar natijasida olingan daromaddan ulushbaychilik qoidalariga binoan,
oila mulki shakllanadi, so‗ngra umumiy daromadning jamg‗arilishi asosida
ko‗payib boradi. O‗z navbatida, oilaviy pudrat mehnatlarining hosilasi sifatida
shakllangan oila mulki - mamlakat milliy boyligining tarkibiy qismi hisoblanadi.
Ma‘naviy-marifiy jihatdan, paxta-to‗qimachilik tarmog‗idagi oilaviy
pudratda inson kapitali shakllanadi. Ya‘ni, bu jarayonda oila tarbiyasidan chetda
qolmagan holda kelajak yosh avlodning aqliy va jismoniy qobiliyatlari kamol
topadi, o‗z kasbining ustasi sifatida mehnat resurslari safiga kelib qo‗shiladi.O‗z
navbatida moddiy ne‘matlar yaratishda qatnashadi hamda jamiyatning iqtisodiy
salohiyati va uning taraqqiyoti uchun hissa qo‗shadi.
Mamlakatimizda oila iqtisodiga e‘tiborning qaratilayotganligi oilaga
munosabatning tubdan o‗zgarishiga olib keladi va bu sohada ko‗plab ijobiy
o‗zgarishlar yuz beradi. Biroq, hozirgi vaqtda jamiyat rivojlanishida uy
563
Namangan muhandislik-texnologiya instituti 7-8 oktabr 2-tom
xo‗jaliklari, oila iqtisodi masalasi asosiy e‘tiborda turganiga qaramasdan, jamiyat
debochasi bo‗lgan oilaning va uning asosiy boshqaruv sub‘ekti hisoblangan
ayollar mehnatini tartibga solish va uni takomillashtirish yo‗nalishlarini
belgilashga e‘tibor yetarli darajada emas. Ana shunday yo‗nalish va vositalardan
biri bu kasanachilik faoliyatidir.
Paxta-to‗qimachilik sohasida kasanachilik negizidagi oilaviy pudratning
aholi yashash tarzini oshirishda, ayniqsa karantin sharoitlarida iqtisodiy inqirozga
yuz tutmaslikda juda ko‗plab qulay tomonlari borki, buning uchun uni
rivojlantirishga ko‗maklashishning quyidagi potensial imkoniyatlariga e‘tibor
qaratilishi kerak:
- mintaqalarning potensial imkoniyatlariga qarab tarmoqlar ichida yoki
tarmoqlararo oilaviy pudrat yo‗lga qo‗yilishi va bu jarayon davlat boshqaruv
idoralari tomonidan amalga oshirilishi kerak;
-xo‗jalik yuritishning bozor mexanizmlarini kengaytirish;
- oilaviy pudratchilarning innovatsion faoliyatini kengaytirish uchun
moliyaviy mexanizmlar va rag‗batlardan foydalanish;
- kasbga oid yo‗nalishlar bo‗yicha ko‗nikmalarni shakllantirish maqsadida
ta‘lim xizmatlarini ko‗rsatuvchi maxsus kurslarni tashkil etish.
Kasanachilik faoliyatining iqtisodiy jihati bilan birga uning ma‘naviy-
ma‘rifiy jihatlari ham mavjuddir, ya‘ni ayollar ish faoliyatini farzand tarbiyasi
bilan qo‗shib olib boradi, o‗z vaqti bilan farzandini hunarga o‗rgatib mehnat
resurslari safiga qo‗shadi. Shuningdek, bu faoliyatni rivojlantirish orqali
ajdodlarimizdan meros bo‗lib kelayotgan, yo‗qolib ketish arafasida bo‗lgan
hunarmandchilikning ayrim turlarini-kosibchilik, zardo‗zlik, do‗ppido‗zlik,
duradgorlik, temirchilik va boshqalarni saqlab qolishimiz va ularni kelgusi
avlodlarga yetkazishimiz, qisqasi, an‘ana va urf-odatlarimizni saqlab qolishimizga
yordam beradi.
|