O`ZBEKISTON RESPUBLIKASI
XALQ TA`LIMI VAZIRLIGI
RESPUBLIKA TA`LIM MARKAZI
UMUMIY O`RTA TA`LIM MAKTABLARINING 11-SINF O`QUVCHILARI UCHUN IMTIHON MATERIALLARI VA METODIK TAVSIYALAR
TO`PLAMI
FIZIKA FANI
Fizikadan og‘zaki imtihon quyidagicha o‘tkaziladi:
Imtihon boshlanishida komissiya stol ustiga uchta konvertni qo‘yadi. Konvertlar ochilib savollar yozilgan kartochkalar uch qator qo‘yiladi Har bir qatorda tegishli uchta bo‘limdan savollar bo‘ladi. O‘quvchilar har bir qatordan bittadan savolni olib tayyorlanishga o‘tiradi. Tayyorgarlik ko‘rishga 15 minut vaqt ajratiladi.
Bo‘limlardagi savollar 6-11 sinflarda o‘tilgan materiallar asosida tuzilgan.
Birinchi bo‘lim o‘z ichiga mexanika, molekulyar fizika va termodinamika, gidro va aerostatikadan savollarni olgan.
Ikkinchi bo‘limga elektrodinamika, optika, atom va yadro fizikasi va koinot tuzilishi haqidagi tasavvurlar haqidagi savollar kiritilgan.
Uchinchi bo‘limda laboratoriya ishlari va masalalar beriladi.
Laboratoriya ishlarini bajarishda o‘quvchi ishni bajarishdan maqsad, ishlatiladigan asboblarni tanlash, tajriba chizmasini chizish, tajribani o‘tkazish, jadvallar tuzish va grafiklarni chizish, formulalar yordamida hisoblash ishlarini bajarish va nazariy jihatdan tahlil qilish kerak. Laboratoriya ishlarini bajarish uchun asboblar yetarli bo‘lmasa, boshqa teng kuchli ish yoki eksprimental xarakterdagi masala bilan almashtirilishi mumkin.
Fizika chuqur o‘rganiladigan sinflarda konvertlar soni 4 ta bo‘ladi. Unda ikkita nazariy savol va ikkita amaliy topshiriq (laboratoriya ishi va masala yechish) bo‘ladi.
Quyidagi bo‘limlarda tegishli savollar, masalalar va laboratoriya ishlari beriladi.
| 