|
Xalqımızdıń ertengi kúniniń qanday bolıwı perzentlerimizdiń búgin qanday tálim hám tárbiya alıwına baylanıslı”
|
| bet | 1/26 | | Sana | 03.08.2022 | | Hajmi | 8.85 Mb. | | #25098 |
Bog'liq 2 Tema 4-ona tili tarqatma, 8 O\'z tarix yangi zamon, Xasanova Moxira Shaydullayevna, FirstPage 3, NANOIQTISODIYOT VA XULQ-ATVOR NAZARIYASI, 12777 1 1A1D4B4D4E604A40DFCE21D85C8B7B3BC46B967E, VAZIFA (6), VAZIFA (6), 11 Mavzu Tarmoq ahvolini ta’riflovchi omillar Raqobatni tavsiflovchi, Mavzu Ozbekiston Respublikasi taraqqiyot strategiyasi., UrDU OTMlararo ko\'chirish, 10-sinf adabiyot testlar yangi darslik, Holidays, Сабак исленбе
Kirisiw
“Jaslar zamanagóy ilim-pán hám texnologiyalardı puxta iyelewi zárúr. Bunıń ushın biz barlıq kúsh hám imkaniyatlarımızdı qollawımız kerek. Sebebi, xalqımızdıń ertengi kúniniń qanday bolıwı perzentlerimizdiń búgin qanday tálim hám tárbiya alıwına baylanıslı”.
Sh.M.Mirziyoyev
Temanıń aktuallıǵı. Bárshemizge belgili, XXI ásir globallasıw dáwiri, texnika texnologiya ásiri esaplanadı. Ilim-pán hám texnika jedel pát penen rawajlanıp baratırǵan búgingi kúnde, jańa texnologiyalardan paydalanıp sabaq ótiw áhmiyetli máselelerdiń biri bolmaqta. Keleshegimiz bolǵan jaslardı joqarı mádeniyatlı, tereń bilimli etip tárbiyalawda hár bir pedagog qániyge ózin juwapkerli shaxs ekenligin sezingen halda, sabaq nátiyjeliligin asırıp barıwı, jańa texnologiyalardan únemli paydalanıwı aktual másele esaplanadı.
Ǵárezsiz rawajlanıw jolınan barıp atırǵan respublikamızda jańa ekonomikalıq sharayatlar júzege keldi. Bul bolsa xalıq xojalıǵınıń barlıq tarawlarında, sol qatardan tálim sistemasında da bir qatar rawajlanıwlardı ámelge asırıwdı payda etpekte. Pán hám texnika rawajlanıwınıń jedel pát penen ósip baratırǵanlıǵı, kompyuter texnikasınıń keń qollanılıp atırǵanlıǵı, oqıwshılarǵa beriliwi kerek bolǵan bilim kóleminiń barǵan sayın artıp baratırǵanlıǵı, tálim processin túpten jaqsılawdı, pánler boyınsha milliy hám aymaqlıq sharayatlarǵa sáykes keletuǵın hámde qábiletli kadrlardı tayarlaw imkaniyatın beretuǵın programma hám sabaqlıqlar, pedagogikalıq programmalıq qurallar, pedagogikalıq texnologiyalar, tálimniń zamanagóy metodların islep shıǵıwdı talap etedi.
Búgingi kún tálim processi, texnika hám islep shıǵarıwdıń rawajlanıwı, tálimde teoriya menen ámeliyattıń birligi, oqıwshılardıń ózbetinshe aktiv hám sanalı túrdegi miynetine tiykarlanǵan, onıń dóretiwshilik jumısın qollap – quwatlaytuǵın, sana sezimin rawajlandıratuǵın, waqıttı tejeytuǵın, bilim úyreniwdi jeńillestiretuǵın zamanagóy pedagogikalıq programmalıq qurallardı jaratıwdı hám olardı tálim processinde qollanıwdı talap etpekte. Tálimde oqıwshılardıń bilimlerin baqlawda zamanagóy pedagogikalıq qurallardı qollaǵanda oqıwshı esitiw, kóriw, kórgenleri tiykarında erkin pikirley alıw imkaniyatına iye boladı. Tálim processinde zamanagóy pedagogikalıq programmalıq qurallardan paydalanǵan halda sabaqlardı interaktiv usıllarda shólkemlestiriw ushın belgili bir shart-sharayatlar jaratılǵan. Zamanagóy pedagogikalıq programmalıq qurallar hám informaciya texnologiyalarınıń teması búgingi kúnniń aktual mashqalalarınıń biri esaplanadı. Búgingi kún oqıwshısı tek ǵana bilim, kónlikpe, qábiletlerdi ózlestirip qoymastan, sonıń menen bir qatarda olardıń sanasına milliy ǵárezsizlik ideası sińdirilip barıladı. Búgingi kúnge kelip tálim processinde tek ǵana pedagogtıń aktiv túrde miynet etiwi jeterli dárejede nátiyje bermey qaldı. Oqıtıw, úyreniw processinde oqıwshılardıń aktivligin asırıw, olardıń óz betinshe pikirley alıwı, óz betinshe úyrene alıwı, óz betinshe máseleler sheshe alıwı, tálim nátiyjeliligin asırıwda oqıwshılardıń erkin bilim alıwlarınıń áhmiyeti úlken.
Házirgi dáwirde qálegen tarawda jumıs islew ushın onı basqarıwdı kompyutersiz kóz aldımızǵa keltiriw qıyın. XXI ásirde zaman menen teń qádem atıw ushın eń dáslep, informaciyalıq texnologiyalardı puxta iyelew kerek. Hár bir qánige qaysı tarawda islesede, óz wazıypasın zaman talabı dárejesinde orınlawı ushın informaciyanı qayta isley alıwı, kompyuter tarmaqların hám internet xızmetinen paydalanıw usılın biliwi, olarda islew kónlikpesine iye bolıwı zárúr. Sol sebepli búgingi kúnde ǵárezsiz respublikamızda bilimlendiriw tarawında ámelge asırılıp atırǵan túp ózgerislerdiń mazmunı, áhmiyeti, máqset hám wazıypaları anıq belgilep alınǵan.
|
| |
