| e) To‘la yumshatish. Yumshatishning bu xilidan yirik donachali po‘lat buyumlarning donachalarini maydalash va tekis donachali bilan ichki zo‘riqish kuchlanishlardan holi etish maqsadida foydalaniladi. Buning uchun evtektoidgacha bo‘lgan po‘latlarni As3 kritik temperaturadan, evtektoid va evtektoiddan keyingi po‘latlarni As, kritik temperaturadan
30–50°C dan yuqoriroq temperaturagacha qizdirib shu temperaturada ma’lum vaqt saqlab keyin pechda birga sovitiladi. Shuni ham qayd etish lozimki, agar evtektoiddan keyingi po‘lat buyumlarni austenit strukturali (Ast kritik chiziqdan yuqoriroq temperaturagacha) qizdirib, shu temperaturada ma’lum vaqt saqlab pech bilan birga sekin sovitilsa, ajratilayotgan ikkilamchi sementit perlit donachalarini o‘rab uni mo‘rtlashtirib yuboradi. Shu sababli, bu po‘latlar austenit strukturali holgacha qizdirilmaydi. f) Izotermik yumshatish. Bu usuldan to‘la yumshatish kabi maqsadlarda foydalaniladi. Bunda evtektoidgacha bo‘lgan po‘lat buyumlarni As3 kritik temperaturadan, evtektoid va evtektoiddan keyingi po‘latlarni esa As, kritik temperaturadan 30–50oС dan yuqoriroq temperaturaga qizdirib, shu temperaturada ma’lum vaqt saqlab keyin zaruriyatga ko‘ra masalan, 600–700oС li muhitga o‘tkazib,
unda austentni ferrit bilan sementit fazalarga to‘la parchalanguncha saqlab, so‘ngra havoda sovitiladi.
|
