maksimal tezlikda taqdim etilgan hajmni sarflaydi. Tarif paketi doirasida taqdim etilgan trafik
hajmi ishlatib tugatilganida boshqa qurilmalar tomonidan trafik sarf qilinishiga yo'l qo'yilmaydi.
Barcha Tariflarda, Tarif paketlarida piring fayl almashuvi tarmoqlaridan foydalanishda (jumladan,
BitTorrent va shunga o'xshash fayllarni taqsimlagan holda tarqatish texnologiyalari yordamida)
Tarmoq resurslaridan foydalanayotgan servislar uchun tezlik soniyasiga 32 kbit'gacha
chegaralanadi.
Tariflar va Tarif paketlari smartfonlar yoki planshetlarda foydalanishga mo’ljallangan, agar
Arizada boshqa shartlar ko’rsatilmagan bo’lmasa. Smartfon yoki planshetdan tashqari boshqa
qurilmalardan foydalanilganligi aniqlangan holatlarda barcha Tariflarda, Tarif paketlarida tezlik 0
kbit/s gacha chegaralanishi mumkin. SIM-kartadan smartfon yoki planshetda foydalanilsa ushbu
cheklanish amal qilishda davom etmaydi.
Mijozlarning manfaatlari yo'lida, tasodifiy qo'ng'iroqlarning salbiy oqibatlaridan saqlanib qolish
maqsadida Provayder ovozli ulanish davomliligini bir soat bilan chegaralab qo'yishga haqli.
Xizmatlarni, Tarifni, Tarif paketlarini boshqarish HUMANS.uz mobil ilovasidan (Ilovadan)
foydalangan holda amalga oshiriladi. Ilovani Mijoz o'z abonent qurilmasiga o'rnatib olishi kerak.
Mijoz tomonidan Ilova o'rnatilmaganida Mijoz uchun yuzaga kelishi mumkin bo'lgan salbiy
oqibatlar uchun Provayder javobgar emas.
Roumingda Mobil internet xizmatiga ega bo'lish uchun Mijozning Shaxsiy hisobvarag'idagi
mablag' 30 000 so'mdan kam bo'lmasligi kerak.
