1-mavzu. Amaliy dasturlar paketi va ularning qо‘llanishi.
.
Dasturiy ta`minotning turkumlanishi.
Amaliyot tizimlari (AT).
Amaliy dasturlar va ularning to‘plami (paketi).
Amaliyot tizimlarining vazifalari va turlari.
Amaliyot tizimlarining tarkibiy qismlari.
Zamonaviy arxivlash vositalari.
Dasturiy ta`minotning turkumlanishi
Dasturiy ta‘minot
deganda, hisoblash texnikasi vositalari bilan ma‘lumotlarni qayta
ishlash tizimini yaratish va ulardan foydalanish uchun dasturiy va hujjatli vositalarni jamlash tushuniladi.
Dasturiy ta‘minot tomonidan bajariladigan funktsiyalarga bog‗liq holda, uni quyidagi to‘rt guruhga bo‗lish mumkin:
Tizimli dasturiy ta‘minot
Amalaiy dasturiy ta‘minot
Xizmat ko‘rsatuvchi dasturiy ta‘minot
Dasturlash texnologiyasining uslubiy vositalari
Tizimli DT kompyuterda axborotni qayta ishlash jarayonini tashkil etadi va amaliy dasturlar uchun me‘yordagi ish muhitini ta‘minlaydi. Tizimli DT apparat vositalari bilan shu qadar yaqin aloqadaki, uni ba‘zida kompyuterning bir qismi deb ham hisoblashadi.
Amaliy DT foydalanuvchining aniq vazifalarini hal etish va umuman axborot tizimining hisoblash jarayonini tashkil etish uchun mo‗ljallangan.
Xizmat ko‘rsatuvchi DT tarkibiga foydalanuvchi va ShK uchun xizmat qiladigan ilova va dasturlar tushuniladi. Bunday dasturlardan foydalanish orqali ShK optimal holatda ishlashini ta‘minlash mumkin.
Dasturlash texnologiyasining uslubiy vositalari orqali tizimli dasturiy ta‘minot, amaliy dasturiy ta‘minot hamda xizmat ko‘rsatuvchi dasturiy ta‘minot uchun zaruriy ilova va dasturlarni yaratish mumkin.
Tizimli DT tarkibiga quyidagilar kiradi: Operatsion tizimlar (OT) xabarni qayta ishlash jarayonini boshqarish va apparat vositalari bilan foydalanuvchilar o‗rtasidagi o‗zaro aloqani ta‘minlaydi. OTning asosiy vazifalaridan biri axborotning kirish - chiqish
jarayonini avtomatlashtirish, foydalanuvchi hal etadigan amaliy vazifalarning bajarilishini boshqaradi. OT kerakli axborotni EHM xotirasiga kiritadi va uning bajarilishini kuzatadi; to‗g‗ri hisoblashga halal beruvchi
vaziyatlarni tahlil etadi, qiyinchiliklar paydo bo‗lganda nima qilish zarurligi haqida ko‗rsatma beradi. Bajaradigan vazifalaridan kelib chiqib, OTni uch guruhga bo‗lish mumkin:
bir funksiyali(bir foydalanuvchili);
ko‗p funksiyali (ko‗p foydalanuvchili);
tarmoqli.