Informatika va axborot texnologiyalarini o’qitishning uzluksiz tizimi Reja

1. 
   O’zbekiston Respublikasi uzluksiz ta’lim tizimida informatika yo’nalishdagi fanlar
   
2. 
   Maktablarning boshlashg’ich sinflarida informatikani o’rganish
   
3. 
   Umumo’rta ta’limning Davlat ta’lim standarti
   
4. 
   «Informatika va hisoblash texnikasi asoslari» kursining mazmuni
   

O’zbekiston Respublikasining mustaqil davlat maqomiga yega bo’lishi, o’ziga xos va o’ziga mos iqtisodiy rivojlanish yo’lini tanlashi ta’lim tizimida tub islohotlarni amalga oshirish, kadrlar tayyorlash tuzilmasi va mazmunini qayta ko’rib chiqish zaruratini tug’dirdi. SHu munosabat bilan qabul qilingan «Ta’lim to’g’risida»gi Konun va «Kadrlar tayyorlash milliy dasturi» islohotlarning ko’lami va hususiyatlarini o’zida aks yettirdi.

• 
  kompyuterlar, axborot va kommunikatsion texnologiyalar dunyodagi axboriy inqilobning mahsulidir;
  
• 
  O’zbekiston Respublikasidagi ta’lim jarayonida ta’limni kompyuterlashtirishning jahon darajasiga moslashtirish yo’llarini izlash zarur;
  
• 
  kompyuter ta’lim jarayonining samaradorligini oshiruvchi quvvatli vositadir, chunki u o’quv axborotlarini sifatli yetkazish imkoniyatlarini kengaytiradi, fanni o’rganishga bo’lgan qiziqishni oshiradi, ta’limni qiziqarli olib borish imkonini kengaytiradi, o’quv faoliyatini boshqarish usullarini o’zgartiradi, o’qituvchining axborot uzatuvchi sifatidagi rolining yuqori darajada bo’lishini ta’minlaydi va hokazo;
  
• 
  zamonaviy kompyuterlarda grafik interfeys, «do’stona» muloqot vositalari va boshqa imkoniyatlarning mavjudligi barcha soha mutaxassislariga, umuman foydalanuvchilarga komp’yuter bilan bemalol muloqot qilish imkonini beradi;
  
• 
  kompyuter savodxonligi natijasida bolalar rivojlanib borayotgan dunyoda kelajak hayotga va moddiy farovonlikka yerishishga yaxshiroq tayyor bo’lishlari mumkin;
  
• 
  zamonaviy kompyuter texnologiyalarining imkoniyatlari shu darajadaki, ulardan nafaqat ta’limda, balki, har tomonlama yetuk, barkamol avlodni tarbiyalashda ham foydalanish mumkin.