Ájiniyaz atındaǵı Nókis mámleketlik pedagogikalıq institutında «Coursera» onlayn bilimlendiriw resurslarınan paydalanıw boyınsha agetaciya jumıslar ámelge asırılmaqta
Ózbekstan Respublikası Sanlı texnologiyalar ministrligi tárepinen jaslarǵa «Bir million ózbek dástúrshi» joybarınıń https://uzbekcoders.uz platforması arqalı AQShtıń «Coursera» kompaniyasınıń onlayn bilimlendiriw resurslarınan paydalanıw imkaniyatı jaratılǵan.
Usı joybar sheńberinde 2023-2025-jıllarda 1,2 million jastı 8 baǵdardaǵı onlayn kurslarda biypul oqıtıw jobalastırılǵan hám IT-Park tárepinen barlıq kontentlerden paydalanıw imkaniyatın beretuǵın ulıwma 10 mıń licenziya satıp alıw jobalastırılǵan.
Maǵlıwmat ornında atap ótiw orınlı, «Coursera» sertifikatları pútkil dúnya júzinde tán alınǵan bolıp, jaslarǵa joqarı miynet haqı tólenetuǵın jumısqa ornalasıwına hám qosımsha dáramat tabıwına imkaniyat jaratadı.
Studentler usı «Coursera» sertifikatların oqıp alıwı ushın institut IT-inkubaciyası tárepinen turaqlı túrde seminar treyningler shólkemlestirilip barılmaqta. NMPI professor-oqıtıwshıları hám student jasları 7000(https://uzbekcoders.uz/ бир миллион дастурчи (Coursera платформаси) - Google Таблицы) nan aslam «Coursera» sertifikatınıń birinshi basqıshlı sertifikatın qolǵa kirgizdi. Endi student jaslar arasında professional kurs sertifikatların oqıp alıw boyınsha jumıslar ámelge asırılmaqta.
| 