Lecture 14
MAVZU: JIHOZLARNI O`RNATISH, SOZLASH VA TA`MIRLASHDA
MEHNATNI MUHOFAZA QILISH VA YONG’IN XAVFSIZLIGI
Mehnatni muhofaza qilish umumiy qoidalari
Mamlakatimizda mehnatni muhofaza qilish - ijtimoiy-iqtisodiy, texnik, gigienik va tashkiliy tadbirlardan tashkil topgan qonunlar majmuasi bo`lib, mehnat qilish jarayonida insonning sog’ligi, xavfsizligi va ishga layoqatliligini himoya qiladi. Texnik yo`nalishdagi mehnatni muhofaza qilish tadbirlari ishlab chiqarishda shikastlanish va baxtsiz hodisalarning oldini olish, mehnat jarayonini engillashtirish, shikastlanishni keltirib chiqaruvchi va inson organizmiga salbiy ta`sir ko`rsatuvchi omillarni yo`qotishga yo`naltirilgan. Gigienik yo`nalishdagi tadbirlarda qurilish maydonchalarida ishchilar uchun mehnat va maishiy sharoitlarni yaxshilash (maishiy xonalar, oshxonalar, yuvinish xonalari tashkil qilish), ish o`rinlarida ratsional yorug’likni tashkil qilish ko`zda tutilgan. Texnika xavfsizligi tadbirlari yong’inga qarshi kurashish tadbirlari bilan chambarchars bog’liq bo`lib, insonlarni va jihozlarni yong’indan saqlashni ta`minlaydi.
Oziq-ovqat korxonalarida ishga yangi qabul qilingan ishchilar, hamda ish jarayonida boshqa xodimlar korxona rahbariyati tomonidan DSt 12.0.004-79 talablari asosida mehnat xavfsizligi qoidalari va yo`riqnomasi bilan tanishtirilishi ta`minlanishi lozim. Barcha xodimlar uchun qayta yo`riqnoma har 3 oyda o`tkazilishi kerak.
Ishlab turgan korxona hududida instruktaj shu korxona mehnatni muhofaza qilish xizmati xodimlari yoki ma`muriyat tomonidan o`tkaziladi.
Xodimlar ishga qabul qilinganida bir oy davomida mehnat xavfsizligi qoidalari bilan tanishtirilishi kerak.
Korxona shtat jadvalida belgilanganligi bo`yicha tizim muhandis- texniklar (usta, prorab, katta prorab, uchastka mexaniklari) va boshka muhandis-texnik xodimlar 1 yilda bir marta bajaradigan va nazorat qiladigan ishlariga qarab mehnat va texnika xavfsizligi qoidalarini bilishi bo`yicha sinovdan o`tkaziladi. Rejadan tashqari xodim boshqa lavozimga ishga o`tkazilganda, hamda davlat mehnatni nazorat qilish va inspektsiya organlari talabi bo`yicha texnika xavfsizligi bo`yicha sinovdan o`tkaziladi.
Korxona rahbari tomonidan tasdiqlangan komissiya bilim saviyasini tekshirib, guvohnomalarni qayd qilish va tarqatish daftarida yozib boradi. Texnika xavfsizligi qoidalari va ishlab chiqarishning sanitariya qoidalari bo`yicha bilim darajasi qoniqarsiz bo`lgan xodimlarga qayta sinovdan o`tgunga qadar rahbarlikdan chetlashtiriladi.
|