Nozima Muqimovna Hamdamova 2005 yil Buxoro davlat
universitetining fizika-matematika fakultetiga o’qishga kirib, 2009
yil mazkur fakultetning kasb ta’limi ixtisosligi bakalavr
yo’nalishini imtiyozli diplom bilan tugatgan. 2010
yilda mazkur
ta’lim muassasasini “Nazariy fizika” mutaxasisligi bo’yicha
magistraturaga qabul qilinib,2012 yilda magistraturani muvafaqiyatli tamomlagan.
N.M.Hamdamova talabalik yillaridayoq o’zining bilim olishga bo’lgan
intiluvchanligi, tirishqoqligi va iqtidorini namoyon etdi.U universitet va
Respublika miqyosida o’tkazilgan
ilmiy-amaliy konferensiyalarda, jamoat ishlarida
faol ishtirok etgan.
N.M.Hamdamova magistraturani tamomlagach, 2012-2019
yillari Buxoro
shahar 23-son maktab internatiga fizika va mehnat ta’limi o’qituvchisi lavozimida
ishlab,2019-yilda Buxoro davlat universiteti fizika kafedrasining 13.00.02-ta’lim
va tarbiya nazariyasi va metodikasi(fizika) ixtisosligi tayanch doktoranti bo’lib,
2021 yilda “O’quvchilarning texnik ijodkorligini muqobil energiya manbalari
qurilmalari vositasida rivojlantirish” mavzusidagi dissertatsiyasini
muvafaqiyatli
himoya qildi.2021-yildan Buxoro davlat universitetining Pedagogika instituti
“Pedagogika ,psixologiya va texnologik ta’lim” kafedrasi o’qituvchisi lavozimida
ishlab,2022 yil 5-sentabrdan Buxoro davlat universitetining “Texnologik ta’lim”
kafedrasi mudiri v.v.b. lavozimida ishlab kelmoqda.
O’qituvchilik faoliyati bilan bir qatorda u ilmiy
tadqiqot ishlarini samarali
olib bormoqda.
Uning ilmiy izlanishlari natijasi Respublikamizning nufuzli ilmiy nashrlarida
chop etilgan.N.M.Hamdamova tomonidan 1ta darslik ,3ta o’quv qo’llanma,36 dan
ortiq ilmiy risola va maqolalar e’lon qilingan.U xalqaro,Respublika
va universitet
miqyosidagi ilmiy-amaliy anjumanlarda muntazam ishtirok etib kelmoqda.
“BEST PUBLICATION” ilmiy- tatqiqotlar va yoshlarni qo’llab quvvatlash
markazi tomonidan o’tkazilgan “Tashabbuskor islohotchi” xalqaro tanlovda
qatnashib, joriy yilning 24-25-sentabr kunlari ko’hna va
navqiron Samarqand
shahrida bo’lib o’tgan tantanali taqdirlash marosimida “tashabbuskor islohotchi”
esdalik nishoni bilan taqdirlandi.
