ASOSIY QISM
«Dehqonchilik»
Kirish
Fanning maqsadi, vazifasi va rivojlanish tarixi. O’simliklarning hayot omillari va dehqonchilik konunlari. Madaniy o’simliklarning yorug’lik, harorat, havo, oziq va suvga bo’lgan talabi. Dehqonchilikning minimum (minimum, optimum, maksimum), hayot omillarini birgalikda ta’sir etish, tuproqdan olingan moddalarni qaytarish, hayot omillarining teng ahamiyatliligi va bir-birini almashtira olmasligi qonunlari va ularning dehqonchilikdagi ahamiyati.
Tuproq unumdorligi va madaniyligi. Struktura va uning ahamiyati
Tuproq unumdorligi haqida tushuncha. Tabiiy, sun’iy, potensial va samarali unumdorlik tushunchalari. Tuproq unumdorligini oshirish usullari. Tuproq madaniyligi. Tuproqni madaniylashtirishning: agrofizikaviy, agrokimyoviy va biologik usullari. Tuproqdagi organik moddalar va ularning o’simliklar hayotidagi ahamiyati.
Tuproqning suv va havo rejimlari hamda ularni boshqarish usullari
Tuproqning suv rejimi va uni boshqarish usullari. O’simlik hayotida va tuproqda suvning ahamiyati. O’simliklarning o’sishi va rivojlanishi uchun talab qilinadigan suvning miqdori. Tuproqdagi namning asosiy manbalari, suv shakllari. Tuproqning suv xossalari(nam sig’imi, suv o’tkazuvchanligi, suv ko’taruvchanlik qobiliyati, suv bug’latish xususiyati). O’simliklarning transpirasiya koeffisiyenti. Suv rejimini boshqarish usullari.
Tuproqning havo rejimi va uni boshqarish usullari. O’simlik hayotida atmosfera hamda tuproq havosining ahamiyati va uning kimyoviy tarkibi. Tuproq havo rejimini uni donadorligiga, namligiga, unga ishlov berilishiga va suv rejimiga bog’likligi. Havo rejimini boshqarish usullari.
|
