• Taqrizchilar
  • Zamonaviy qurilish materiallari, buyumlari va texnologiyalari




    Download 13.32 Mb.
    bet1/39
    Sana02.05.2022
    Hajmi13.32 Mb.
    #20578
      1   2   3   4   5   6   7   8   9   ...   39
    Bog'liq
    Тулаганов Замонавий қурилиш материаллари
    Zamonaviy operatsion tizimlar va ularning vazifalari

    O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI


    TAQI, BuxIMI, SamDAQI
    TO‘LAGANOV A.A., KAMILOV X.X., VOHIDOV M.M., SULTONOV A.A.


    ZAMONAVIY QURILISH MATERIALLARI, BUYUMLARI VA TEXNOLOGIYALARI

    Toshkent - 2014
    UDK 691 – Stroitelnыe materialы i izdeliya.


    To‘laganov A.A., Kamilov X.X., Vohidov M.M., Sultonov A.A. Zamonaviy qurilish materiallari, buyumlari va texnologiyalari. O‘quv qo‘llanma, Toshkent, TAQI, 2014. ____ b.

    O‘quv qo‘llanmada zamonaviy qurilish materiallari va buyumlarining asosiy xillari, xossalari, shuningdek yangi texnologiyalarga oid ma’lumotlar keltirilgan bo‘lib, u arxitektura va qurilish yo‘nalishidagi oliy ta’lim muassasalarida ta’lim olayotgan bakalavr va magistrantlar, shuningdek kasb-hunar kollejlarining o‘quvchilari uchun mo‘ljallangan.




    Taqrizchilar:

    Texnika fanlari doktori, professor Xodjayev S.A.

    Texnika fanlari nomzodi, dotsent Yusupov R.A.


    O‘zbеkistоn Rеspublikаsi Оliy vа o‘rtа mахsus tа’lim vаzirligining 2014-yil, 9-iyundаgi 220-sоnli buyrug‘igа аsоsаn o‘quv qo‘llаnmа sifаtidа nаshr etishgа ruхsаt bеrildi (g.№220-081).


    © TAQI - 2014


    K I R I SH
    O‘zbekiston Respublikasida yangidan-yangi ko‘plab turar-joy, jamoat, sanoat, qishloq qurilish binolari va inshootlari barpo etilmoqda, keng miqyosdagi kapital-ta’mirlash ishlari bajarilmoqda.
    Mamlakatimizda Prezidentimiz Islom Karimov rahnamoligida bunyodkorlik ishlari ko‘lami kengayib, qurilish materiallariga bo‘lgan talab hamda ularni ishlab chiqarish hajmi tobora oshmoqda. Bugun shaharu - qishloqlarimizda amalga oshirilayotgan ulkan bunyodkorlik ishlari samaralari keng va ravon yo‘llar, zamonaviy ko‘priklar, yuksak me’moriy yechimga ega mahobatli inshoot va imoratlar, shinam uy-joylar, milliy qadriyatlarimizni o‘zida mujassam etgan koshonalarda o‘z ifodasini topayotir. Bu xalqimiz turmush tarzi, hayoti va yashash sharoiti tubdan o‘zgarayotganidan dalolatdir.
    Davlatimiz rahbarining 2009 yil 3 avgustda qabul qilingan “Qishloq joylarda uy-joy qurilishi ko‘lamini kengaytirishga oid qo‘shimcha chora-tadbirlar to‘g‘risida”gi qarori bilan yurtimizning barcha hududlarida namunaviy loyihalar asosida barpo etilayotgan zamonaviy uy-joylar qishloqlarimiz qiyofasini yangilash, shahardagidan kam bo‘lmagan sharoit yaratishda muhim omil bo‘layotir. 2013 yilda joylarda namunaviy loyihalar asosida yakka tartibdagi 2500dan ortiq uy-joy foydalanishga topshirilgani, qurilish uchun zarur xomashyo va materiallar tayyorlashga ixtisoslashgan 155 yangi korxona ish boshlagani buning yorqin dalilidir.
    An’anaviy qurilish materiallarini ilmiy asosda sifatli ishlab chiqarish, ularni yaratish texnologiyalarini zamon talablariga moslash, arzon, tejamkor va sifatli ashyolar va texnologiyalar ishlab chiqish, korxonalarda yig‘ilib kelinayotgan chiqindilardan yangidan-yangi va puxta materiallar olish, ularning tejamkor texnologiyalarini yaratish, binolar va inshootlarni ta’mirlash va rekonstruksiya qilish usullarini mukammallashtirish hamda bu jarayonda ashyolardan samarali foydalanish kabi vazifalar muhim masalalari safidan o‘rin egallaydi.
    O‘zbekiston Respublikasi Prezidentining 2005 yil 24 mart №PF-3586-sonli “Iqtisodiy islohotlarni chuqurlashtirish va qurilish materiallari sanoati rivojlanishini jadallashtirish” farmonida iqtisodiy islohotlarni yanada chuqurlashtirish va qurilish materiallari sanoati rivojlanishini jadallashtirishning asosiy yo‘nalishlari sifatida qurilish materiallari ishlab chiqarishning yangi zamonaviy texnologiyalarini o‘zlashtirish va joriy etish ko‘rsatilgan.
    Mazkur farmonda qurilish materiallarini ishlab chiqarish hajmini oshirish, ularning turlarini ko‘paytirish, yangi zamonaviy texnologiyalarni o‘zlashtirish va tatbiq etish, qurilish materiallarini ishlab chiqaruvchi quvvatlarni respublikamiz hududlarida oqilona joylashtirish ko‘zda tutilgan bo‘lib, unga ko‘ra 2005-2010 yillar davomida jami 120 ta loyihalar amalga oshirildi.
    Respublikamiz qurilish materiallari sanoati uchun yetarli mineral-xom-ashyo resurslariga boy bo‘lib, hozirda 500 dan ortiq xom-ashyo konlari aniqlangan. Markaziy Osiyo mintaqasida qurilish materiallari ishlab chiqarish uchun xom-ashyo zahiralari bo‘yicha mamlakatimiz yetakchi o‘rinni egallaydi. Iste’mol bozorini zamonaviy qurilish materiallari bilan boyitish, unga bo‘lgan talab va ehtiyojni qondirish maqsadida, davlatimiz tomonidan tarmoqni rivojlantirishga alohida e’tibor qaratilmoqda.
    1-2 - rasmlarda bino va inshootlarni qurish va pardozlash ishlari uchun foydalaniladigan an’aniviy va zamonaviy qurilish materiallarini respublikamizda ishlab chiqarilishi va ishlab chiiqarishning respublikamizdagi mavjud quvvatlari haqida ma’lumotlar keltirilgan.
    Hozirgi vaqtda respublikamizda mavjud korxonalar texnologiyalarini rekonstruksiya va modernizatsiya qilish, yangi zamonaviy texnologiyalarni joriy etish borasida keng ko‘lamli ishlar bajarildi va jadal sur’atlarda davom etdirilmoqda.
    Jumladan bularga misol qilib, Toshkent viloyatida “PentUz” qo‘shma korxonasi tomonidan yumshoq tomyopqich materiallari, Buxoro viloyatida dunyoga mashxur “Knauf” firmasi texnologiyasi bo‘yicha quvvati yiliga
    20 mln. m2 bo‘lgan zamonaviy texnologiyalarga asoslangan holda to‘liq avtomatlashtirildi gipskarton buyumlari va quruq qurilish qorishmalari ishlab chiqarishning yo‘lga qo‘yilishi, Qoraqalpog‘iston Respublikasida quvvati yiliga 1 mln. tonna sement ishlab chiqarish imkonini beradigan “Rahnamo-Nur” O‘zbekiston–Amerika qo‘shma korxonasini qurish, Navoiy viloyatida quvvati 12 mln. m2 bo‘lgan oyna ishlab chiqarishni tashkil qilish, Toshkent shahridagi “Italceramica” kompaniyasi bilan hamkorlikda keramogranit mahsulotini ishlab chiqarishni tashkil qilish loyihasini amalga oshirish kablarni misol qilib keltirish mumkin. Bu ishlarni amalga oshirishda “O‘zqurilishmateriallari” aksiyadorlik kompaniyasining rolini alohida e’tirof etish zarur. Mamlakatimiz qurilish ob’etlarini sifatli qurilish materiallari bilan ta’minlash, respublikamiz qurilish
    bozorini mahalliy xom-ashyolardan ishlab chiqarilgan yuqori sifatli, zamonaviy qurilish materiallari bilan ta’minlash, eksport hajmini oshirishga xizmat qilishda ushbu kompaniyaning alohida o‘rni bor.
    Ushbu o‘quv qo‘llanma arxitektura va qurilish yo‘nalishidagi oliy o‘quv yurtlarida ta’lim olayotgan bakalavr va magistrantlari, shuningdek kasb-hunar kollejlarining o‘quvchilari uchun foydali va kerakli ma’lumot manba’i bo‘lib xizmat qiladi.

    1-rasm. Turar-joy, sanoat binolarni barpo etish uchun foydalaniladigan qurilish materiallari (2012 yil ma’lumotlari).

    2-rasm. Turar-joy, sanoat binolar intererlarini pardozlash uchun foydalaniladigan qurilish materiallari.

    Download 13.32 Mb.
      1   2   3   4   5   6   7   8   9   ...   39




    Download 13.32 Mb.

    Bosh sahifa
    Aloqalar

        Bosh sahifa



    Zamonaviy qurilish materiallari, buyumlari va texnologiyalari

    Download 13.32 Mb.