|
1-Mavzu : Noutbuklar haqida ma’lumot. Noutbukni ta'mirlash. Reja: Noutbuklar haqida ma’lumot. Noutbuklarni ta'mirlash
|
| bet | 1/2 | | Sana | 26.09.2024 | | Hajmi | 494,5 Kb. | | #272587 |
Bog'liq 1-mavzu
1-Mavzu : Noutbuklar haqida ma’lumot.
Noutbukni ta'mirlash.
Reja:
1. Noutbuklar haqida ma’lumot.
2. Noutbuklarni ta'mirlash.
Noutbuklar bugungi kunda eng katta ko‘makchi ish qurollaridan biri. Ularning ixchamligi, ko‘tarib yurish osonligi, foydalanish qulayligi asosiy xususiyatlaridir. Hozirgi qurilmalarning ajdodlari katta, noqulay va o‘ta kichik xotirali bo‘lgan. Chunki o‘sha paytdagi texnika taraqqiyoti shunga mos edi. Xo‘sh, noutbuklarning yaratilish tarixi o‘zi qanday bo‘lgan?
Dastlabki tashabbus
Bloknot o‘lchamidagi ixcham kompyuterlar yaratish tashabbusi 1968 yilda Xerox firmasi laboratoriyasi rahbari Alan Keydan chiqqan. Lekin Keyga jahondagi ilk noutbukni yaratish nasib etmaydi.
Foto: Alan Key
Ilk qurilmani yasash Grid System kompaniyasi ishchisi Vilyam Mogridjga nasib qiladi. U 1982 yilda NASAning buyurtmasi bilan bu ishni amalga oshiradi.
Ilk noutbuk(8 MGs, Intel 8086 protsessorli)ning operativ xotirasi bor-yo‘g‘i 340 kilobaytni tashkil qilardi. Ammo qirq yil avvalgi davr uchun bu katta gap edi.
Foto: Astronavt va Grid Compass
Birinchi noutbukka Grid Compass deya nom berildi. Uning og‘irligi naq besh kilocha kelardi, qurilmada yana qattiq disk va disketa ham mavjud bo‘lgan. Noutbukka o‘zining GRiD O/S operatsion sistemasi o‘rnatilgan. Qurilmaning dasturiy ta’minoti 8-10 ming dollargacha mablag‘ talab qilgan, asosiy buyurtmachi AQSh hukumati edi. NASA ham o‘z izlanishlarida undan foydalangan. Shuningdek, AQSh maxsus kuchlari ham Grid Compass qurilmasidan keng foydalangan.
Garchi birinchi noutbuk bo‘lsada, hozirda uning nomi va ishlab chiqaruvchilarini ko‘p ham eslashmaydi. Grid Compass ham kelajakda ko‘pchilikning tanloviga aylangan brend bo‘la olmadi.
Adam Osbornning qurilmasi
Keng ommaga mo‘ljallangan ilk noutbuk muallifi Adam Osborn sanaladi. U Osborne 1 deya nomlangan. Uning og‘irligi naq 11 kilogramm kelar, operativ xotirasi esa 64 kbni tashkil qilgan.
Foto: Osborne 1
Qurilma ikkita 5,25 dyuymli drayverlar, uchta port, jumladan, modem ulanishi, monoxrom displeyni o‘z ichiga oladi.
Osborne 1 1981 yilda 1795 dollarga baholangan. Bu o‘sha davr uchun anchagina qimmat narx edi. Afsuski, Osborne Vixen rusumi reklamasi marketing xatosi tufayli ancha ilgari e’lon qilib yuborildi, bu Osborne 1 savdosiga katta zarba berdi va kompaniya tanazzulga uchradi.
1982 yilda Epson kompaniyasi ilk suyuq kristal displeyli noutbukni taqdim etdi. Epson HX-20 qulay o‘lcham va yengillik bo‘yicha boshqalardan ancha ustunligi sabab mashhurlikka erishdi. Uning og‘irligi bor-yo‘g‘i 1,6 kilogramm kelardi.
BusinessWeek jurnali ushbu qurilmalarni "shaxsiy kompyuterlar tarixidagi to‘rtinchi inqilob" deya ta’riflagandi. Kompyuterlarning bir quvvatlashdan so‘ng ishlash vaqti 50 soatgacha yetardi. Epson HX-20ning operativ xotirasi 64 kbgacha bo‘lgan.
Xuddi shu vaqtda IBM o‘z noutbukining versiyasini ommaga taqdim etdi va aynan IBM PC bu sohada de-fakto standartga aylandi. Ikki yil o‘tib, yana ikkita kompyuter giganti Compaq va Toshiba poygaga qo‘shilib, qurilmalarni takomillashtirishga hissa qo‘shdilar. LCD monitorli birinchi shaxsiy noutbuk 1984 yilda paydo bo‘lgan va u asta-sekin o‘sib borayotgan Apple tomonidan yaratilgan.
1990 yilda noutbuklar uchun katta yangilik bo‘ldi: Intel mobil shaxsiy kompyuterlar uchun birinchi maxsus protsessor Intel 386CL’ni taqdim etdi va batareyaning ishlash muddatini oshiruvchi, kuchlanishni kamaytiruvchi texnologiyani amalga kiritdi.
|
|
Bosh sahifa
Aloqalar
Bosh sahifa
1-Mavzu : Noutbuklar haqida ma’lumot. Noutbukni ta'mirlash. Reja: Noutbuklar haqida ma’lumot. Noutbuklarni ta'mirlash
|
