|
1-Mustaqil ish Fan:“Operatsion tizimlar” Guruh : tt 21-04 Talaba: Norbekov J. Rahbar : Raximov R. Samarqand 2024
|
| bet | 1/8 | | Sana | 26.04.2024 | | Hajmi | 98.18 Kb. | | #207633 |
Bog'liq Amaliyot Titul, Tilshunoslik asoslari AMALIY TOPSHIRIQ, The-Paper-Menagerie by Ken Liu, 5-sinf-informatika-testlar-1, Karimov I.M. Axborot xavfsizligi asoslari, “Balli, bilimdon biolog” tadbir, metodika bayonnoma, PQ-319-сон 28.09.2023. Aholiga ijtimoiy xizmatlar va yordamlar ko‘rsatish tizimini yanada takomillashtirish chora-tadbirlari to‘g‘risida, 7 sho\'ba Qurilish materiallarini ishlab chiqarishda innovatsion, 7-м, Mustaqil ish Mavzu simsiz aloqa tarmoqlarida ofdm texnologiyala, 1-2 amaliy ish SImsiz T, 6-Amaliy mashg'ulot, Elektr ta\'minoti asoslari Raxmonov I.U.
O‘ZBEKISTON RESPUBLIKASI RAQAMLI
TEXNALOGIYALARIVAZIRLIGI
MUHAMMAD AL-XORAZMIY NOMIDAGI
TOSHKENT
AXBOROT TEXNOLOGIYALARI UNIVERSITETI
SAMARQAND FILIALI
1-Mustaqil ish
Fan:“Operatsion tizimlar”
Guruh : TT 21-04
Talaba: Norbekov J.
Rahbar : Raximov R.
Samarqand 2024
Mavzu: UNIX operatsion tizimlarida amalga oshirilgan dispetcherlash
REJA:
Unixʼsimon tizimlarning o’ziga xosligi.
Unixʼsimon tizimlarning Tarixi.
Unixʼsimon bepul va pullik operatsion tizimlar.
Unix tizining operatsion tizimlar evolyutsiyasiga taʼsiri.
Uskunalarni boshqarish va Resurslarni boshqarish.
Xulosa.
UNIX (talaffuzi: yuniks; UNIX — The Open Group kompaniyasining roʻyxatdan oʻtgan savdo belgisidir) — portativ, koʻp vazifali va koʻp foydalanuvchili operatsion tizimlar oilasi boʻlib, ular 1970-yillarda Ken Tompson, Dennis Richi va boshqalar tomonidan Bell labaratoriyasi (Bell Labs)da ishlab chiqilgan original AT&T Unix loyihasi gʻoyalariga asoslangan. Unix tizimining yuzaga kelishida Multics operatsion tizimining taʼsiri katta boʻlgan. Unix turkumiga kiruvchi operatsion tizimlar modulli konstruksiya bilan ajralib turadi, bunda har bir vazifa alohida yordamchi dastur tomonidan bajariladi, oʻzaro aloqa yagona fayl tizimi orqali amalga oshiriladi va utilitlar bilan ishlash uchun buyruqlar satri qoʻllaniladi. Unix gʻoyasi kompyuter operatsion tizimlarining rivojlanishiga katta taʼsir koʻrsatdi. Unix tizimlari hozirda tarixiy eng muhim operatsion tizimlardan biri sifatida tan olingan.
Umumiy maʼlumot
Birinchi Unix tizimi AT&Tʼning Bell Labs boʻlimi tomonidan ishlab chiqilgan. Oʻshandan beri koʻp sonli turli xil Unix tizimlari tuzildi. Qonuniy jihatdan, faqat „Yagona UNIX spesifikatsiyasiga muvofiqligi“ (Single UNIX Specification) uchun sertifikatlangan operatsion tizimlar „UNIX“ deb nomlanish huquqiga ega. Qolganlari, oʻxshash tushuncha va texnologiyalardan foydalansalar ham, Unixʼsimon operatsion tizimlar (inglizcha Unix-like) deb ataladi.
Oʻziga xosligi
Unixʼsimon tizimlarning boshqa operatsion tizimlardan asosiy farqi shundaki, ular dastlab koʻp foydalanuvchili, koʻp vazifali tizim hisoblanishidadir. Unixʼda koʻp odamlar bir vaqtning oʻzida har biri oʻz terminali (vazifalarni bajarish uchun buyruqlar berish vositasi)da ishlashi mumkin, shu bilan birga ularning har biri ushbu kompyuterning resurslaridan foydalanadigan koʻplab turli xil hisoblash jarayonlarini amalga oshirishi mumkin.
Unixʼning ikkinchi ulkan afzalligi uning koʻp platformaliligidir. Tizimning yadrosi deyarli har qanday mikroprotsessorga osongina moslasha oladigan tarzda tuzilgan.
Unix boshqa muhim xususiyatlarga ega:
tizimni sozlash va boshqarish uchun oddiy matnli fayllardan foydalanish;
buyruq satridan ishga tushirilgan yordamchi dasturlardan keng foydalanish;
virtual qurilma — terminal orqali foydalanuvchi bilan oʻzaro aloqani taʼminlash;
jismiy va virtual qurilmalarni va jarayonlararo aloqaning ayrim vositalarini fayllar shaklida taqdim etish;
har biri bitta vazifani bajaradigan bir nechta dastur konveyerlarini qoʻllash.
|
| |
