Bog'liq 2.3-amaliy mashg\'ulot.Turizmni rejalashtirish
2.3.2. Turizm siyosatini va rejasini ishlab chiqish Turistik rivojlanishning reja va siyosatini ishlab chiqish oldin o’rganilgan va tahlil qilingan ko’p elementlarni qayta ko’rib chiqishni talab qiladi. Turizmning mazkur mintaqa rivojlanish rejasiga va umumiy olib borilayotgan siyosat tomon integratsiyasi eng asosiy holatlardan sanaladi. Turizm siyosatni ishlab chiqishda uning har xil shakllarini qabul qila olishi
mumkinligini hisobga olish kerak. Bunda quyidagi masalalar asosiy hisoblanadi:
• Turizmni rivojlantirishni iqtisodiy, ekologik sotsial – madaniy nuqtai
nazardan asoslab berish.
• Rivojlanishning maqsadga muvofiq shakllarini tanlab olish va ular halqaro
va ichki turizm bozori turlariga to’g’ri kelishi kerak, hamda turistlarni jalb qila
olish imkoniyatiga ega bo’lishi kerak.
• Tashqi ta’sirlarga qaramasdan turizmni rivojlantira oladigan va atrof – muhit
jamiyat bilan ham moslasha oladigan quyidagi mavzudagi qarorlarni qabul qilish
kerak va asoslash kerak: “Turizm davom eta oladimi “, “Bozorga moslashuv” va
“Mahsulotga moslashuv”.
• Turizm rivojlanishining amalga oshirsa bo’ladigan darajasini aniqlash.
Turizm iqtisodiyotining ustuvor sektorlaridan biri bo’lishligi uchun uni o’rtacha
darajada ushlab turish kerakmi, chegaralash kerakmi yoki rag’batlantirish kerakmi,
ana shunga qarab qarorlarni qabul qilish.
Katta mamlakatlar va mintaqalar o’zining ekologik, ijtimoiy – madaniy,
infrastrukturalari rivojlanishi sharoitlaridan kelib chiqqan holda turizmni
rivojlantirish bo’yicha o’ziga xos har xil mavsumlarda, har xil darajada va har xil
tumanlarda qarorlar qabul qilishi mumkin.
Quyidagi 3 xil rivojlanish sur’atlarini tanlab olish mumkin:
1. Asta – sekin
2. O’rtacha
3. Tez o’sib boruvchi.
Agarda turizmni tez o’sib boruvchi sur’atda rivojlantirishga salohiyat yetarli
bo’lgan taqdirda ham, uning rivojlanishini quyidagi sabablarga ko’ra biroz
to’xtatib turish mumkin:
1. Ijtimoiy xarakterdagi sabablar (mahalliy aholining turizmga qarashi)
2. Infrastruktura rivojlanishi bilan turistik ob’ektlarni qurish o’tasidagi
bog’liqlik sababi.
3. Inson resurslari omilini rejalashtirish (kadrlar tayyorlash)
4. Iqtisodiy xarakterdagi sabablar (turizmning iqtisodiyotning boshqa sektorlari
bilan bog’liqligi)
Tavsiyalarda albatta tarmoqning hozirgi holati uchun savollar va ko’rsatgichlar
ro’yxati bo’lishi lozim. Ular boshqa investitsion loyihalarni taklif etish, investitsiya
marketingni kiritishga qaratilgan chora – tadbirlarni beradi undan tashqari
tavsiyalarda albatta bo’limlar bo’yicha tushinchalar berilishi va materialni taqdim
etish usullari kiritilishi kerak.
