| SMMni amalga oshirish
Sizga SMM aksiyasini qanday boshlashni aytamiz. SMM-ni reklama qilish uchun reja tuzib, keyin uning asosida harakat qilish kerak.
Rejani ishlab chiqishda siz quyidagi savollarga javob topishingiz kerak (javoblar yozib olinishi va saqlanishi kerak):
Nima kerakli natija? Bu sizning oldingizga qo'ygan maqsadingiz. Maqsadlarni tavsiflang, ular aniq, favqulodda, erishish mumkin va o'lchovli bo'lishi kerak.
SMM kimga qaratilgan? Maqsadli auditoriyani aniqlash kerak.
Iste'molchi qanday ma'lumotni xohlaydi?
Inson qanday qilib potentsialdan haqiqiy mijozga o'tishini tasavvur qilishga harakat qiling. Shunga asoslanib, kontent rejasini tuzing.
Maqsadli auditoriyangiz qanday ijtimoiy tarmoqlardan foydalanadi? Yoshi, joylashuvi, afzalliklarini hisobga olish muhimdir.
Maqsadli auditoriya qachon ijtimoiy tarmoqlardan foydalanadi? Bu sizga kontentni joylashtirish vaqtini to'g'ri rejalashtirishga imkon beradi.
SMM platformalari bilan tanishish. Instagram tarmog‘i
SMM bilan ikki xil usulda shug’ullanish mumkin: 1. Faol tarzda, 2. Sust holatda. Agar SMM bilan faol shug’ullanishni istasangiz, ijtimoiy tarmoqlarning maxsus SMM uchun mo’ljallangan xizmatlarini harid qilishingiz kerak bo’ladi. Bu xizmatlarga o’ziga xos postlar, foydalanuvchi qiziqishlaridan kelib chiqib ko’rsatiladigan reklamalar, tarmoq qidiruvidagi natijalarda tavsiya sifatida ko’rsatilishi va boshqalar kiradi. Xullas, faol SMM chiqimni talab qiladi va ko’proq foydalanuvchiga yetib borish uchun kuchli vositalardan foydalaniladi. Sust holatda SMM bilan shug’ullanishga esa tabiiy tarzda postlar, statuslar, xabarlar yozish orqali foydalanuvchilarga yetib borish misol bo’lishi mumkin. Agar ijtimoiy tarmoq platformasiga pul to’lamasangiz, shunchaki o’zingiz guruh, sahifa yoki kanal ochib uni yuritish orqali foydalanuvchi yig’sangiz, Siz sust holda SMM bilan shug’ullanayotgan bo’lasiz. Albatta, har ikki holatda ham SMM bilan shug’ullanish sayt reytingi uchun yaxshi foyda keltiradi.
Hozirgi vaqtda saytlar SMMga juda muxtoj. Ayniqsa, yangi ochilgan va imkon qadar tezroq foydalanuvchilarga tanilishni istovchi saytlar ko’tarib berilishi uchun pul to’lashga doim tayyor bo’lishadi. SMM mutaxassislari, SEOni yaxshi tushungan tadbirkorlar ham kam.
Nima qilish kerak?
Agar Siz SMM va ijtimoiy tarmoqlarda ommalashtirish tijoratiga qiziqib qolgan bo’lsangiz, bu soha bilan kelajakda yaxshi daromad qilishni istasangiz, Facebook (yoki istalgan boshqa ommabop ijtimoiy tarmoq)da sahifa yoki guruh oching. Bu mutlaqo bepul. Boshlanishiga guruhingizga qiziqarli ma’lumotlar joylang, ko’proq foydalanuvchilarni jalb qiling. Ularning har biri bilan shaxsiy muloqotda bo’lishni ham unutmang. A’zolar 10 mingtadan oshgandan so’ng guruhingiz yoki sahifangizga reklama joylash uchun buyurtma olishni boshlashingiz mumkin. Bundan tashqari, o’zingiz istagan saytni sahifa yoki guruhingizda ommalashtira oladigan bo’lasiz. Eng muhimi, soha bo’yicha ko’proq izlanib, ko’proq o’rganishga va doim rivojlanishga harakat qiling.
O’zingiz yoqtirgan ish bilan daromad ko’rishingiz mumkin SMM sohasi Siz uchun shunday yo’nalishlardan biri bo’lsa ajab emas.
Har bir saytning ijtimoiy tarmoqlarda sahifasi (guruhi, kanali) bo’lishi shart. Bu sahifa, guruh yoki kanal orqali foydalanuvchilar sayt (tashkilot, kompaniya) bilan jonli muloqotga kirishadi. Kompaniyaga har qancha yaxshi mahsulot tayyorlamasin, sayt har qancha yaxshi xizmatlarni taklif qila olmasin, agar odamlar bilan jonli shaxsiy muloqotga kirisha olmasa, har doim iste’molchilar va kompaniya o’rtasida bo’shliq bo’laveradi. Ijtimoiy tarmoqlarda to’g’ridan-to’g’ri muloqot qilish imkoniyati bilan odamlar kompaniyaga yaqinlashishadi: savol so’rashadi, javob olishadi, taklif yoki shikoyatlarini bildirishadi. Bu esa, o’z navbatida, iste’molchilar va kompaniyalar o’rtasidagi munosabatni iliqlashtirishdan tashqari kompaniya saytining qidiruvda yuqoriroq o’rin egallashiga zamin yaratadi.
|
