Darsning borishi:
Tashkiliy qism:
Salomlashish
Davomatni aniqlash
Darsga tayyorgarlik ko‘rish
O‘quvchilar diqqatini darsga qaratish.
Uyga vazifani so‘rash:
Savol – javob o‘tkazish
Topshiriqlarni tekshirish
Amaliy mashg‘ulotda tugallanmagan ishning oxiriga yetkazilganini tekshirish
Yangi mavzu bayoni:
Metall buyumlarni yuqori harorat hisobiga bir-biriga ulash payvandlash deb ataladi.
Qizdirish usuliga qarab payvandlash gazli yoki elektrpayvandlash deyiladi.
Gazli payvandlash qalinligi uncha katta bo‘lmagan metal jismlarni ulash uchun ishlatiladi. Bunda issiqlik manbayi, yonuvchi gazning (atsetilen, propan, vodorod va boshqa) kislorodda yonishi hisobidan paydo bo‘ladi. Ko‘pincha atsetilen bilan texnik kislorod qo‘shilmasi ishlatiladi.
26-rasmda gaz bilan payvandlash uchun kerak bo‘lgan uskunalar tasvirlangan. Oq rangli ballonda atsetilen bo‘ladi. Atsetilen vintel va reduktor orqali chiqadi. Kislorod ko‘k rangdagi ballondan reduktor orqali chiqadi. Ikkala gaz shlanglar orqali qizdirgichda qo‘shiladi. Atsetilen va kislorodning ma’lum nisbatida yonish harorati 3150°C ga ko‘tariladi. Gaz bilan payvandlanayotgan paytda payvand tizimi uchun metall
sim ishlatiladi. Payvandlanayotgan metall va ishlatiladigan simning kimyoviy tarkibi bir-biriga yaqin bo‘lishi kerak.
Maxsus qizdirgich va gaz bilan payvandlash uskunasi yordamida kesish ham mumkin. Kesish metallni 1000–1180°C haroratgacha qizdirishdan boshlanadi. Keyin
kislorodning qirquvchi oqimi qizigan metall bilan reaksiyaga kirishadi, natijada issiqlik ajralib chiqadi va metallning pastki qatlamlarini qizdiradi.
Gaz bilan payvandlash
uchun uskunalar:
1 – qizdirgich; 2 – shlanglar;
3 – rеduktor; 4 – kislorodli
ballon; 5 – atsеtilеnli ballon
.
Elеktrpayvand
uchun uskunalar: 1 – himoya
niqobi; 2 – elеktrod; 3 – buyum;
4–payvand apparati; 5–similar
Elektrpayvandning ikkita turi mavjud: yoyli va kontaktli.
Elektr yoyli payvandda asosiy bo‘lgan uskuna payvandlash apparati hisoblanadi. Simlarning biri ishlanadigan detalga, ikkinchisi elektrodga ulanadi. Elektordlarpo‘lat elektrodli simlardan tayyorlanadi. Payvand sifati yuqori
bo‘lishi uchun elektrodlar maxsus o‘rama bilan qoplanadi va u metallni oksidlanishdan saqlaydi. Qo‘l bilan ishlatiladigan elektr yoy payvandlash jarayoni quyidagicha . Avval ulanadigan detallarning qalinligiga qarab tok kuchi to‘g‘rilanib olinadi. Keyin detal va elektrod qisqa tutashtiriladi, natijada kontakt bo‘lgan joyda harorat keskin ko‘tariladi. Bundan keyin elektrod detaldan 3–5 mm uzoqlikka olinadi va elektr yoy paydo bo‘ladi. Keyin elektrod asta yurg‘iziladi va erigan metall ulanadigan joyga oqizib tushiriladi.
|