• Assalomu alaykum! Hurmatli vazir, hurmatli deputatlar va yig‘ilish qatnashchilari.
  • 26 ta
  • 336 mlrd
  • Assalomu alaykum! Hurmatli vazir, hurmatli deputatlar va yig‘ilish qatnashchilari




    Download 36.65 Kb.
    Sana15.03.2017
    Hajmi36.65 Kb.

     Davlat va xo‘jalik boshqaruvi organlarida, mahalliy davlat hokimiyati organlarida maqsadli yo‘nalishlar va belgilangan normalarga muvofiq infratuzilmani rivojlantirish va axborot-kommunikatsiya texnologiyalaridan samarali foydalanishda davlat dasturlarining ijrosi bo‘yicha Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasining roli mavzusida ma’ruza

      Davlat va xo‘jalik boshqaruvi organlarida, mahalliy davlat hokimiyati organlarida maqsadli yo‘nalishlar va belgilangan normalarga muvofiq infratuzilmani rivojlantirish va axborot-kommunikatsiya texnologiyalaridan samarali foydalanishda davlat dasturlarining ijrosi bo‘yicha Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasining roli mavzusida ma’ruza



    Ma’ruzachi: Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi boshlig‘i F.Umarxodjaev

     Assalomu alaykum!



    Hurmatli vazir, hurmatli deputatlar va yig‘ilish qatnashchilari.

     Inspeksiya 1991 yilda Davlat aloqa inspeksiyasi sifatida tashkil etilgan bo‘lib, O‘zbekiston Respublikasi Prezidentining “O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasini tashkil etish to‘g‘risida” 2012 yil 16 oktabrdagi PF-4475-son Farmoniga hamda O‘zbekiston Respublikasi Prezidentining “O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi faoliyatini tashkil etish to‘g‘risida” 2012 yil 23 oktabrdagi PQ-1836-son qaroriga muvofiq Davlat aloqa inspeksiyasi negizida Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasi tashkil etildi.

    Inspeksiya mulkchilik shakllari va idoraviy mansubligidan qat’iy nazar aloqa, axborotlashtirish va telekommunikatsiya texnologiyalari sohasidagi xo‘jalik yurituvchi sub’ektlar tomonidan normativ-huquqiy hujjatlar, standartlar, texnik reglamentlar talablari, litsenziyalar talablari va shartlari, sertifikatlashtirilgan uskunalardan foydalanishning belgilangan tartibi, telekommunikatsiyalar, pochta aloqasi, davriy matbuot nashrlarini tarqatish xizmatining sifat normativlari bajarilishi hamda ularga rioya qilinishi, shuningdek davlat va xo‘jalik boshqaruvi, mahalliy davlat hokimiyati organlarida axborotlashtirish va telekommunikatsiya texnologiyalarini joriy etish va ulardan samarali foydalanish yuzasidan davlat nazorati organi hisoblanadi.

    O‘zbekiston Respublikasi Vazirlar Mahkamasining 2012 yil 19 dekabrdagi 355-son qarori bilan Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasining Nizom tasdiqlangan bo‘lib, unga muvofiq davlat va xo‘jalik boshqaruvi organlarida, mahalliy davlat hokimiyati organlarida AKTni joriy etish va rivojlantirish holatini nazorat qilishda Inspeksiyaning vazifa va funksiyalari etib quyidagilar belgilangan:

    davlat va xo‘jalik boshqaruvi organlarida, mahalliy davlat hokimiyati organlarida, shuningdek aloqa, axborotlashtirish va telekommunikatsiya texnologiyalari sohasi korxonalari va tashkilotlarida AKTni joriy etish va rivojlantirish jarayonlarini belgilangan tartibda nazorat qiladi, monitoring olib boradi va o‘rganadi, ularning yakunlari bo‘yicha tegishli xulosalar tayyorlaydi;

    davlat organlarida AKT sohasidagi normativ-huquqiy va boshqa hujjatlar talablarining bajarilishini nazorat qiladi, AKT infratuzilmasining joriy holatini o‘rganadi, shuningdek, axborot resurslari va interaktiv davlat xizmatlarining mavjudligi va ulardan foydalanishning qulayligini nazorat qiladi;

    davlat organlarida AKTni joriy etish va rivojlantirish jarayonlarini nazorat qilish, monitoring olib borish va o‘rganishlar natijalari bo‘yicha tegishli xulosalar tayyorlaydi hamda ularni O‘zbekiston Respublikasi axborot texnologiyalari va kommunikatsiyalarini rivojlantirish Vazirligiga yuboradi.

    davlat va xo‘jalik boshqaruvi organlarida, mahalliy davlat hokimiyati organlarida axborot-kommunikatsiya texnologiyalari sohasi bo‘yicha malakali kadrlar bilan ta’minlanganlik xolatini o‘rganadi.

    elektron raqamli imzolar sohasida, shu jumladan elektron raqamli imzo kalitlarini ro‘yxatga olish markazlari faoliyatida qonun hujjatlariga rioya etilishini nazorat qiladi.

    Inspeksiya davlat va xo‘jalik boshqaruvi organlarida, mahalliy davlat hokimiyati organlarida AKTni joriy etish va rivojlantirish bo‘yicha belgilangan maqsadli yo‘nalishlar, ulardan samarali foydalanish yuzasidan qabul qilingan davlat dasturlarini amalga oshirish ishlarida faol qatnashib kelmoqda.



    Jumladan:

    O‘zbekiston Respublikasi Prezidentining 2013 yil 27 iyunda tasdiqlangan “O‘zbekiston Respublikasining Milliy axborot-kommunikatsiya tizimlarini yanada rivojlantirish chora-tadbirlari to‘g‘risida”gi PQ-1989-son qarori.

    O‘zbekiston Respublikasi Prezidentining 2014 yil 3 aprelda tasdiqlangan “Iqtisodiyotning real sektorida axborot-kommunikatsiya texnologiyalarini yanada joriy etish choralari to‘g‘risida” PQ-2158-son qarori.

    O‘zbekiston Respublikasi Prezidentining 2014 yil 7 aprelda tasdiqlangan “O‘zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo‘shimcha chora-tadbirlar to‘g‘risida”gi PF-4609- son farmoni.

    O‘zbekiston Respublikasi Prezidentining 2015 yil 


    4 fevralda tasdiqlangan “O‘zbekiston Respublikasi axborot texnologiyalari va kommunikatsiyalarini rivojlantirish Vazirligini tashkil etish to‘g‘risida”gi PF-4702-son farmoni.

     

    Yuqoridagi belgilangan loyihalarni amalga oshirishda Vazirlik, vazirlikning tizimidagi tashkilot va korxonalarda, xususan Inspeksiya tomonidan bajarilishi lozim bo‘lgan vazifalar yuklatilgan.

    O‘zbekiston Respublikasi Vazirlar Mahkamasining 2014 yil 


    23 apreldagi 102- son qarori bilan tasdiqlangan nizomga muvofiq, Inspeksiyaga Axborot-kommunikatsiya texnologiyalarini davlat va ho‘jalik boshqaruvi, maxalliy davlat hokimiyati organlari faoliyatida joriy etish va rivojlantirishning holatini, shuningdek NIS.UZ tizimiga taqdim etiladigan axborotning sifati va ishonchliligini o‘rganish huquqi berilgan.

    Inspeksiyaning davlat organlarida o‘tkazadigan o‘rganish o‘tkazish jadvali  “Elektron hukumat” tizimini rivojlantirish markazi va Axborot xavfsizligini ta’minlash markazi tomonidan berilgan takliflari asosida 3 oy muddatga Vazirlik tomonidan tasdiqlanadi.

    O‘rganishni o‘tkazishda rasmiy veb-saytning qonunchilik talablariga muvofiqligi, davlat interaktiv xizmatlari ko‘rsatilishining sifati, axborot tizimlarini, axborot resurslarini va elektron hujjatlar aylanishini joriy etish, axborot havfsizligini ta’minlash, ixtisoslashtirilgan tarkibiy bo‘linmalar faoliyatini tashkil etish darajasi, AKTni joriy etish va rivojlantirish uchun mas’ul shahslarning mavjudligi, tayinlanganligi, shuningdek o‘tkazilgan o‘rganishlarning natijalarini (AKTni joriy etish va rivojlantirishning joriy xolatini) NIS.UZ tizimiga taqdim etilgan axborot bilan taqqoslash yo‘li orqali NIS.UZ tizimiga taqdim etilayotgan axborotning sifati va ishonchliligi masalalari hamda Inspeksiyaga yuklangan vazifalar va funksiyalarga muvofiq uning vakolatiga kiruvchi boshqa masalalar ko‘rib chiqish vazifalari yuklatilgan.

    Mazkur qarorga muvofiq Inspeksiya tomonidan Davlat va xo‘jalik boshqaruvi organlarida, mahalliy davlat hokimiyati organlarida AKT joriy etilganligi va rivojlantirish holati yuzasidan o‘rganishlar o‘tkazilmoqda bular;

    2013 yilda 26 ta (Qo‘mitaning o‘rganishlarni o‘tkazish to‘g‘risidagi vaqtinchalik nizomi asosida).

    2014 yilda 32 ta Davlat organlarida o‘rganishlar o‘tkazildi. (Davlat organlari ro‘yhati ilova qilinadi).



    2015 yil fevral oyida 2 ta (Ma’daniyat va sport ishlari vazirligi, Ma’naviyat ma’rifat markazi) Davlat organlarida o‘rganishlar o‘tkazildi. Hozirgi kunda o‘rganish ma’lumotnomalari imzolash jarayonida.

    O‘tkazilgan o‘rganishlar yakuni bo‘yicha ikki tomonlama ma’lumotnomalar rasmiylashtirilib, Davlat organlarida AKTni rivojlantirish bo‘yicha tegishli xulosa va takliflar Davlat organiga va nusxasi Vazirlikga kiritilgan.

    Xozirgi kunga qadar o‘rganish o‘tkazilgan Davlat organlari tomonidan ishlab chiqilgan 58 ta chora-tadbirlar ijrosi bo‘yicha ma’lumotlar Inspeksiya tomonidan nazorati olib borilmoqda.

    O‘zbekiston Respublikasi Prezidentining 2014 yil 3 apreldagi “Iqtisodiyotning real sektorida axborot-kommunikatsiya texnologiyalarini yanada joriy etish choralari to‘g‘risida” PQ-2158-son qaroriga asosan 2014-2016 yillarda iqtisodiyot tarmoqlarida axborot-kommunikatsiya tizimlari va dasturiy mahsulotlarni joriy etish bo‘yicha jami qiymati 336 mlrd so‘mga teng bo‘lgan 86 ta ustuvor loyihalarni amalga oshirilish holati bo‘yicha Inspeksiya tomonidan 2014 yilda 11 ta Davlat organlarida o‘tkazilgan o‘rganishlarda 19 ta loyiha holati o‘rganildi.

    Ushbu dastur doirasida kechikish holatlarini bartaraf qilish, davlat organlariga amaliy ko‘mak berish maqsadida Vazirlik, Inspeksiya va “Elektron hukumat” tizimini rivojlantirish markazi bilan hamkorlikda 2015 yil mart-iyun oylari davomida mazkur qaror ijrosini ta’minlash bo‘yicha qo‘shimcha o‘rganishlar rejasi ishlab chiqildi.

    O‘zbekiston Respublikasi Prezidentining 2014 yil 7 apreldagi “O‘zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo‘shimcha chora-tadbirlar to‘g‘risida”gi PF-4609- son farmoni bilan belgilangan vazifalar  ijrosini davlat organlari tomonidan ta’minlanib kelinayotganligiga ham alohida e’tibor qaratilgan.

    O‘rganish davrida ushbu davlat organlarining rasmiy veb-saytlari orqali farmonda belgilab o‘tilgan vazifalar ya’ni, tadbirkorlik sub’ektlari bilan o‘zaro munosabatlar masalalarini tartibga soluvchi axborotlarni (ular tomonidan qabul qilingan idoraviy me’yoriy-huquqiy va boshqa hujjatlar) joylashtirilmaganlik holatlari aniqlanib, davlat organining mas’ullariga tegishli ko‘rsatma va tavsiyalar berildi va rasmiylashtirilgan o‘rganishlar ma’lumotnomasiga alohida band sifatida kiritildi.

    O‘zbekiston Respublikasi Vazirlar Mahkamasining 2012 yil 30 dekabrdagi “Interaktiv davlat xizmatlari (IDX)ni ko‘rsatilishni hisobga olgan holda Internet tarmog‘ida O‘zbekiston Respublikasining Hukumat portali faoliyatini yanada takomillashtirish chora-tadbirlari to‘g‘risida”gi 378-son qarori ijrosini ta’minlash maqsadida davlat organlarining Yagona interaktiv davlat xizmatlari portali (www.my.gov.uz) orqali aholiga va tadbirkorlik sub’ektlariga interaktiv davlat xizmatlarini ko‘rsatishi yuzasidan har oy davomida monitoring o‘tkazilib, natijasi bo‘yicha Vazirlikga ma’lumotlar kiritib boriladi.

    Undan tashqari Inspeksiyaning mutaxassis xodimlari O‘zbekiston Respublikasi Oliy Majlisi (Sog‘liqni saqlash vazirligi tizimida Samarqand, Toshkent shahri) va O‘zbekiston Respublikasi Vazirlar Mahkamasining (Statistika qo‘mitasi, Soliq qo‘mitasi, Uztransgaz, Xalq ta’limi vazirligi) yillik ish rejalariga asosan AKT sohsidagi o‘rganishlarda ishtirok etib kelmoqda.

    Amaliyotga keladigan bo‘lsak, o‘tgan 2013-2014 yillarda Vazirlikning tegishli qarori buyruqlari bilan tasdiqlangan jadvalga muvofiq Inspeksiya tomonidan jami 58 taDavlat organlarida AKTni joriy etish va rivojlantirish holati o‘rganildi. Inspeksiya mutaxassislarining sohada mavjud amaliy bilim va ko‘nikmalarini davlat organlari faoliyatida AKTni joriy etish va rivojlantirish holati o‘rganish va monitoringini olib borish amaliyotiga joriy etilishi o‘zining ijobiy samarasini berdi.

    Bevosita o‘tkazilgan o‘rganishlar yakuni bo‘yicha tegishli xulosa va takliflardan to‘g‘ri xulosa chiqargan holda faoliyatga AKTni maqsadli joriy etyotgan tashkilotlar jumlasiga quyidagi tashkilotlarni kiritish mumkin bular sirasiga, Markaziy bank, Moliya vazirligi, Favqulodda vaziyatlar vazirligi, Ichki ishlar vazirligi, Dori-darmon, Toshkent shahar hokimligini kiritish mumkin.

    Ta’kidlash joizki, shu davr mobaynida o‘tkazilgan o‘rganishlarda davlat organlari tomonidan bir qator kamchiliklarga yo‘l qo‘yildi. Jumladan, savolnomaga muvofiq ma’lumotlarni o‘z vaqtida Inspeksiya xodimlariga taqdim etmaslik, asoslanmagan ma’lumotlar berish, ma’lumotnomani imzolashni cho‘zib yurish, o‘rganish natijalari xulosasiga muvofiq ishlab chiqib, tasdiqlangan tadbirlar rejasini o‘z vaqtida taqdim etmaslik hamda rejada belgilangan muddatlarda Inspeksiyaga ma’lumotlar taqdim etib bormaslik holatlari ham afsuski, mavjud.

    Shuni alohida aytmoqchimanki, o‘z vazifalariga mas’uliyat bilan yondashadigan, Prezidentimiz va Hukumatimiz tomonidan qabul qilingan Qarorlarning ijrosiga yuqori mas’uliyat bilan qarab, ularning talablarini so‘zsiz bajarishga bel bog‘lagan davlat organlari rahbarlari va mutasaddi xodimlari ham ko‘plab uchraydi.

    Yuqorida qayd etilgan muammolarni bartaraf etish va kelgusida qaytarilmaslik holatlarini oldini olish maqsadida quydagi takliflarni berilishi maqsadga muvofiq deb xisoblaymiz:

    - O‘zbekiston Respublikasi Prezidentining 2015 yil 4 fevraldagi “O‘zbekiston Respublikasi axborot texnologiyalari va kommunikatsiyalarini rivojlantirish Vazirligini tashkil etish to‘g‘risida”gi PF-4702-son farmonida belgilangan ustuvor vazifalardan kelib chiqgan holda, faoliyatga AKTni joriy etish bo‘yicha AKT masalalariga doir chiqarilgan xukumat qarorlari hamda topshiriqlariga be’tiborlik va befarqlik bilan yondashayotgan davlat organlari rahbarlarining egallab turgan lavozimlariga munosib ekanliklari yuzasidan takliflarni e’tiborga olinishi lozim.

    - “Elektron hukumat” tizimi doirasida O‘zbekiston Respublikasi Prezidenti hamda Hukumat tomonidan qabul qilinayotgan va maqsadli yo‘nalish sifatida belgilab olingan davlat dasturlariga kiritilgan loyixalar davlat organlari tomonidan ijrosi sifatli ta’minlanishida, O‘zbekiston Respublikasi Vazirlar Mahkamasining 2013 yil 16 sentabrdagi 250-son qarori bilan tashkil etilgan “Elektron xukumat” tizimini rivojlantirish markazi tomonidan loyihalarni amalga oshirilishida doimiy ko‘maklashish.

    - Faoliyatga AKTni zamon talablari (tendensiyalari)ni hisobga olgan holda eng muhim va ustuvor idoralararo loyihalar (idoralarar integrallashgan axborot tizimlari, resurslari va ma’lumotlar bazalarini shakllantirish bo‘yicha) bo‘yicha davlat buyurtmasiga kiritish yuzasidan ishlarni jadallashtirish maqsadida davlat organlari rahbarlari mas’uliyatini yanada oshirish lozim.

    - Davlat va xo‘jalik boshqaruv organlari, mahalliy davlat hokimyati organlarida AKTni rivojlantirish bo‘yicha tashkilot va tizimda ish hajmini inobatga olgan holda AKT bo‘limlarni tashkil etish lozim bo‘ladi.



    - Davlat va xo‘jalik boshqaruv organlari, mahalliy davlat hokimyati organlarida (alohida ho‘jalik tashkilotlar) AKTni rivojlantirish bo‘yicha berilishi belgilangan ustama haqni (O‘zR VMning 18- son qarori) 50%dan 100%gacha tashkilot imkoniyatlaridan kelib chiqib oshirish.

     

     


    Download 36.65 Kb.

    Bosh sahifa
    Aloqalar

        Bosh sahifa


    Assalomu alaykum! Hurmatli vazir, hurmatli deputatlar va yig‘ilish qatnashchilari

    Download 36.65 Kb.