|
bob. Korporativ tarmoqlarni himoyalash muammolari
|
| bet | 2/14 | | Sana | 15.05.2024 | | Hajmi | 1,96 Mb. | | #234941 |
Bog'liq Bakalavr bitiruv ishi
1.1. Komyuter tarmoqlari, tarmoq texnologiyasi va ularning topologiyalari
Kompyuter tarmoqlarining o‘zaro aloqalari asosini tarmoq texnologiyalari tashkil etadi. Bu texnologiyalar tarmoqning o‘lchami, uni shakillantirish qoidalari va tarmoqda ko‘rsatiladigan xizmatlarga bog‘liq ravishda xilma-xil bo‘ladi. Cheklangan hududlarda ishlaydigan uncha katta bo‘lmagan tarmoqlarda Ethernet, Token Ring, FDDI texnologiyalari ko‘p tarqalgan. Shaharlar va mintaqaviy chegaralarda, katta masofalarda ishlaydigan tarmoqlarda Frame Relay, ATM kabi olisdan o‘zaro aloqa texnologiyalari ishlatiladi. Komyuter tarmoqlarining kommunikatsion jihozlari passiv (kabellar, ulovchi razyomlar, kommutatsion panellar) va aktiv (tarmoq adapterlari, konsentratorlar, kommutatorlar, ko‘priklar, mashrutizatorlar) kabi turlarga bo‘linadi. Yordamchi turdagi jihozlarga uzluksiz elektr ta‘minot qurilmalari, montaj uskunalari, kommutatsion jihozlarni joylashtirish shkaflari kiradi. Komyuter tarmoqlarining asosiy komponentalari serverlar, ishchi stansiyalar, terminallar, printerlar, tarmoq interfeysi bilan ta‘minlangan audio va video aloqa vositalari hisoblanadi. Terminallar tarmoqning oxirgi elementlari hisoblanadi va ular orqali foydalanuvchilar kopyuter tizimining apparat, dasturiy yoki axborot resurslariga murojat etadilar. Bular grafik va alfavit raqamli qurilmalar va ish joylarida bo‘lgan printerlar, skanerlar hisoblanadi. Ishchi stansiyalar ko‘pincha shaxsiy kompyuterlar ko‘rinishida tarmoqning resurslariga va tarmoq xizmatlarini foydalanuvchilarga murojat etish imkoniyatini ta‘minlaydi. Ishchi stansiya ish joyining vazifalarini ta‘minlash uchun dasturiy vositalarga (operatsion tizimlar), tarmoqning boshqa kompyuterlar bilan o‘zaro aloqasi uchun tarmoq dasturiy komponentalari, shuningdek aloqa liniyalari bilan moslashtirish va ma‘lumotlarni uzatishni ta‘minlash uchun apparat kommunikatsion vositalariga (modemlar, tarmoq adapterlari) kiradi. Serverlar tarmoqlarning ishini boshqarish funksiyasini bajaradigan, axborot resurslarini saqlaydigan va foydalanishga
beradigan, umuman tarmoqning ajratiladigan resurslariga ishchi stansiyalar
tomonidan murojat etishni ta‘minlaydigan quvvatli kopyuterlardir. Tarmoqning ishlash jarayonida tarmoq bo‘yicha uzatiladigan axborotlar oqimi trafik deyiladi. Trafik tushunchasiga ham oxirgi qurilmalar orasida uzatildigan foydali axborot hamda qabul qilingan protokollarga mos ravishda bog‘lamalarining o‘zaro aloqasini ta‘minlaydigan xizmat axboroti kiradi. Tarmoqlarni qurishda muxim muammolardan biri axborotlar va paketlarini tezkor etkazish maqsadida kommutatsiyalash hisoblanadi. Trafikning tranzitli uzatilishini bajaradigan tarmoqning har bir bog‘lamasi oxirgi foydalanuvchilar orasida trafikni kommutatsiyalashni bilishi kerak. Kommutatsiyalash texnologiyasiga tarmoq orqali axborot oqimlarini uzatish marshrutini tanlash prinsipi bevosita ta‘sir qiladi. Marshrut bu ma'lumotlar belgilangan manzilga etib borishi uchun ular o'tishi kerak bo'lgan tarmoqning tranzit bog‘lamalarining ketma-ketligidir. Axborot oqimlari foydalanuvchiga qisqa vaqtda minimal o'zgarish bilan yetkazilishi kerak. Kompyuter tarmog‘ining dasturiy ta‘minoti tarmoq operatsion tizimlari va ishlov berish amaliy dasturlari foydalanuvchiga tarmoqning apparat, dasturiy va axborot resurslariga murojat etish imkoniyatini beradi. Kompyuter tarmoqlari rivojlanib katta hududlarni egalladi, keng xizmat turlarini ko'rsatadigan bo'ldi, o'z tarkibiga yuqori unumli kompyuter va kommunikatsion vositalarini oldi. Egallangan hudud va xizmat ko'rsatiladigan abonentlar soni nuqtai nazaridan barcha kompyuter tarmoqlari shartli ravishda lokal (LAN-Local Area Network), mintaqaviy yoki shahar (MAN-Metropolitan Area Network) va global (WAN-Wide Area Network ) tarmoqlarga bo'linadi[2].
Korxonalar, davlat muassasalari, kompaniyalar, ofislar, banklar, universitet binolarida va inshootlar doirasida ishlaydigan tarmoqlar lokal tarmoqlar deyiladi. Ularning asosiy vazifasi funksional bir xil foydalanuvchilarni (tarmoq abonentlarini) tarmoq orqali birlashtirishdan iborat. Odatda bular bugalteriya, kadrlar bo'limi, marketing xizmatlari, o'quv guruhlari, doimo qo'shma faoliyat olib boradigan tadqiqot laboratoriyalari hisoblanadi. Lokal tarmoqlar ma‘lumotlarni uzatishning eng yuqori tezligini ta‘minlaydi, chunki tarmoq bo'yicha uzatiladigan paketlar dastlabki ulanishning o'rnatilishini talab etmaydi. Lokal tarmoqlarda har
bir kompyuter o'zining tarmoq adapteriga ega bo'ladi, u ma‘lumotlarni uzatish muhiti bilan bog‘lashga xizmat qiladi.
Mintaqaviy yoki shahar tarmoqlari o'nlab va yuzlab kilometr masofalarga tarqalgan, uncha katta bo'lmagan ma‘muriy hududiy bo'linmalarini qamrab oladi. Bunday tarmoqlar lokal tarmoqlarni bir-birlari bilan tejamkor ulanishini ta‘minlaydi va global tarmoqlar bilan tezkor almashtirish magistrallariga ulanishlarga ega. Mintaqaviy tarmoqlarda foydalanuvchilarni ulash uchun aktiv kommunikatsion qurilmalar ishlatiladi.
Global tarmoqqa butun dunyo Internet tarmog‘i misol bo'ladi. Bunday tarmoqlarda ma‘lumotlarni uzatish tezligidagi farqdan tashqari boshqa mavjud farqlar bor. Global tarmoqlarda masofadan ma'lumotlarni uzatish uchun tezkor aloqa kanallari bilan birlashtirilgan marshrutizatorlar ishlatiladi [13]. Tarmoqning masshtabiga bog‘liq bo'lmagan holda texnik va dasturiy komponentlarni majmualashtirib, tarmoqni yagona axborot tizimi sifatida ishlatishda bir necha majburiy shartlar bajarilishi kerak:
tarmoq strukturasi, uning ish tartiblari va ma‘lumotlar formatlari bilan mos ravishda funksional komponentlarning axborot moslashuvchanligi;
qabul qilish-uzatish elementi turlari, signallarning chastota va dinamik diapazonlari, aloqa liniyalari bo'yicha uzatiladigan signallarning statik va dinamik parametrlarining elektr moslashuvchanligi;
ulovchi elementlar interfeys qurilmalarining barcha turlarini konstruktiv moslashuvchanligi;
kompyuterlarning dasturiy ta'minoti va kommunikatsion komponentlari pog‘onasida interfeysning mavjudligi;
foydalanuvchilar o'zaro ishlaganda yoki ularning umumiy resurslarga murojat qilishda almashtirish proseduralari va ma‘lumotlar formatlarini aniqlaydigan qabul qilingan protokollar, standart qoidalar to'plamiga rioya etilishi.
Kompyuter tarmog‘ining serverlari va ishchi stansiyalarining bir-birlariga nisbatan fizik joylashishi, ularni aloqa liniyalar bilan ulanish usuli va geometrik
chizmasi topologiya deb tushuniladi. Topologiya tarmoqqa qo'yiladigan
talablardan qo'yidagilarga, ya'ni foydalanuvchilarga operativ va to'liq xizmat ko'rsatishga bog‘liq bo'ladi. Kompyuter tarmoqlarini qurishda asosiy vazifalardan biri qurilmalarni elektrik va mexanik xarakteristikalari mosligini va kodlashtirish tizimlari, ma‘lumotlar formati mosligini ta‘minlash. Bu masalani yechish standartizatsiyalashtirish sohasiga tegishli [2]. Asosiy topologiyalar quydagilar:
Shina (bus);
Yulduz (star);
Halqa (ring).
Agar kompyuterlar bir kabel (segment) bo'ylab ulangan bo'lsa, bunday topologiya shina deb ataladi. Bu topologiya 1.1 rasmda keltirilgan.
rasm. Shina topologiyasi
Agar kompyuterlar bir nuqtadan chiqqan segmentlarga yoki to'plagichga ulangan bo'lsalar, bunday topologiya yulduz deb ataladi. Bu topologiya 1.2 rasmda keltirilgan.
rasm. Yulduz topologiyasi
Agar kompyuterlar ulangan kabel halqa qilib ulangan bo’lsa, bunday topologiya halqa deb ataladi. Bu topologiya 1.3 rasmda keltirilgan.
|
| |
