|
«biotexnologiya» kafedrasi O‘zbekiston respublikasi oliy va o‘rta maxsus ta’lim vazirligi
|
| bet | 61/204 | | Sana | 07.06.2024 | | Hajmi | 0,76 Mb. | | #261363 |
Bog'liq Mikologiya algologiya majmua 2020 SamVMIGastromitsetkabilar guruhi – Gasteromysetidae
Bu guruhga kiruvchi zamburug‘larning meva tanasi yopiq - angiokarp deb ataladi. Angikarp ichida gimeniy joylashgan bo‘lib, bazidiosporalar pishgan vaqtda u yemirilib, sporalar tashqariga chiqadi. Meva tana ichida bazidiyalar tartibsiz o‘rnashadi, ular dumaloq bo‘lib, har birining to‘rttadan bazidiosporasi bor, ba’zan sporalarning soni 6 - 14 taga etadi, bu sporalar uzun-qisqa bo‘ladigan strigmalar uchida turadi. Sporalar qo‘ng‘ir rangda bo‘ladi. Gastromitsetlilar guruhining spora hosil qiluvchi meva tana qismiga gleba deb ataladi. Gleba dastlab, ya’ni yoshligida oq yumshoq va bir xil moddalardan iborat bo‘ladi. U har xil shakldagi katakchalarga yoki bo‘shliqlarga ega. Katakchalar ustida shakli har xil bazidiylar taraqqiy etadi. Bazidiosporalar uzun strigmalar uchida hosil bo‘ladi. Kameralar (katakchalar) bir-biridan trama deb ataladigan mevasiz to‘qimalar qatlami bilan ajraladi. Bu qatlamdan keyinchalik kapilisiy hosil bo‘ladi. Kapilisiy sporalarning meva tana ichida chiqib tarqalishiga yordam beradi.
K/ajdod: Teliobazidiomisetkabilar – Teliobasidiomytetidae
Klassifikatsiya:
Bo‘lim: Zamburug‘lar – Mycota
Ajdod: Bazidiomitsetsimonlar – Basidiomysteses
K/ajdod: Teliobazidiomitsetkabilar – Teliobasidiomytetidae
Qabila: Q orakuyanamolar - Ustilaginales
Oila: Ustilaginagodoshlar - Ustilaginaceae
Turkum: Qorakuyasi - Ustilago.
Tur: Bug‘doychang qorakuyasi – Ustilago tritici.
Oila: Tilletsiyadoshlar - Tilletiaceae
Turkum: Tosh qorakuyasi - Tilletia
Tur: Bug‘doyning tosh qorakuyasi - Tilletia tritici
Bu ajdodiga kiruvchi zamburug‘lar parazitlikka moslashish natijasida mevatanalarini yo‘qotgan bo‘ladi. Bazidiy qishlovchi qalin po‘stli teliospora yoki teleytospora deb ataladigan hujayradan o‘sib chiqadi. Teliobazidiomisetkabilar ajdodi qorakuyanamolar va zangnamolar qabilalarga bo‘linadi. Bu qabilaga kiruvchi zamburug‘larning hammasi parazitlikka moslashgan bo‘lib, qishloq xo‘jalik ekinlariga juda katta zarar keltiradi.
|
| |
