TO’QIMACHLIK VA ENGIL SANOATI MAHSULOTLARINI ISHLAB CHIQARUVCHI KORXONALARDAGI MUAMMOLAR

TO’QIMACHLIK VA ENGIL SANOATI MAHSULOTLARINI ISHLAB CHIQARUVCHI KORXONALARDAGI MUAMMOLAR.

• Milliy standartlar va to‘qimachilik mahsulotlarining sinovlari bo‘yicha laboratoriyalarning xalqaro standartlar va talablar bilan uyg‘unlashtirish ishlarining qoniqarsizligi, shuningdek, sifat menejmenti zamonaviy tizimlarini joriy etishning past darajada ekanligi mahalliy mahsulotlarni yirik xorijiy savdo bozorlariga chiqarishga, eksport salohiyatini yuksaltirishga hamda mahsulotlar sifati va xavfsizligiga bo‘lgan ishonchni oshirishga to‘siq bo‘lmoqda. 
• Tarmoqqa zamonaviy axborot-kommunikatsiya texnologiyalarini joriy etish darajasi pastligi mavjud muammolarni tizimli tahlil qilish va to‘qimachilik sanoati rivojlanishining istiqbolli yo‘nalishlarini belgilash uchun shart-sharoit yaratmayapti.
• Sohaga zamonaviy axborot texnologiyalarining joriy etishda dasturiy ta’minotlarning murakkabligi va versiyalarining yangilash amaliyotlari qimmatligi ishlab chiqaruvchilarning moddiy tomondan imkoniyati cheklanganligi.

TO’QIMACHLIK VA ENGIL SANOATI MAHSULOTLARINI ISHLAB CHIQARUVCHI KORXONALARDAGI MUAMMOLAR BARTARAF ETISH BO’YICHA VAZIFALAR

• To‘qimachilik sanoati sohasidagi standartlashtirish va sertifikatlashtirish tizimini xalqaro talab va standartlarga uyg‘unlashtirish, shuningdek, mahsulotlar sinov laboratoriyalarini modernizatsiya qilish va akkreditatsiyadan o‘tkazish orqali yanada takomillashtirish. 
• Tarmoqqa to‘qimachilik mahsulotlari mahalliy va xorijiy bozorlarining holati hamda rivojlanish tendensiyalari haqidagi ishonchli va o‘z vaqtida axborotlar olishni ta’minlash imkonini beruvchi ilg‘or axborot-kommunikatsiya texnologiyalarini keng joriy etish, tarmoq rivojlanishining ustuvor yo‘nalishlarini aniqlash maqsadida uni tizimli va kompleks tahlil qilish. 
• Talab yuqori bo‘lgan mutaxassisliklar bo‘yicha yo‘nalishlarni kengaytirgan holda to‘qimachilik sanoati uchun kadrlar tayyorlash, qayta tayyorlash va malakasini oshirish tizimini tubdan takomillashtirish, ta’lim muassasalarining o‘quv dasturlarini tarmoqning zamonaviy rivojlanish tendensiyalarini hisobga olgan holda qayta ko‘rib chiqish, ilmiy-tadqiqot faoliyatini, shuningdek, ushbu sohada xalqaro hamkorlikni faollashtirish.