|
Joba: Kurs jumısı temasın tańlaw
|
| Sana | 02.05.2023 | | Hajmi | 20.89 Kb. | | #55799 |
Bog'liq Kurs jumisin jaziw qagiydalari ffff, FIZIKA 11-SINF 2023, Karimov Mirza, dars tahlili bayonnomasi rasmiylashtirish, ELEMENTARY TEST, Lecture 11, Кулланма 1С ни кичик булими учун (2), китоб номерлари1, portal.guldu.uz-QISHLOQ XO`JALIK b i o t e x n o l o g i y a s i, KIRISH, 3x4, ochiq dars, 09, file
Tema: Kurs jumislari.
Joba:
1. Kurs jumısı temasın tańlaw
2. Kurs jumısın orınlaw processi
3. Kurs jumısı dúzilisi
4. Kurs jumisina qoyilǵan tiykari talaplar
5. Kurs jumisin bahalaw
Kurs jumısı temasın tańlaw
Kurs jumısı temaları kafedra professor-oqıtıwshıları tárepinen duzilip, kafedra májilisinde talqılanadi hám tastıyıqlanadi. Kurs jumısı teması qısqa hám anıq bolıwı kerek hám tema talabaniń ilimiy hám ámeliy qızıǵıwshılıqların esapqa alǵan halda ǵárezsiz túrde tańlap alınadı. Pán boyınsha lekciya alıp baratuǵın professor-oqıtıwshı talaba tańlaǵan temanı dizimge aladı hám kurs jumısı jazılıwın qadaǵalaydi.
Kurs jumısı temasın tańlawda, onıń áhmiyeti, teoriyalıq hám ámeliy materiallardıń bar ekenligi hám jetkilikli bolıwı, jańa máselelerdiń úyreniliwi, saylanǵan tema haqqında ulıwma oyda sawlelendiriwge iyeligı, saylanǵan máselelerge qızıǵıwshılıgida zárúrli áhmiyetke iye.
Tema júdá keń máselelerge baǵıshlanbawi, qısqa máselelerdi anıqlaw menen shegaralanbawi kerek.
Tema tańlawda soǵan itibar qaratıw kerek, bul máseleni úyreniw talabaniń bilmegen zatların bilip alıwǵa, kurstıń náwbettegi bólimlerin úyreniwge jaqınnan járdem beriwi kerek.
Talabalar ush yamasa tórt pánnen jazatuǵın kurs jumısınıń bir-biri menen baylanısqan bolıwı talabaniń óz-ara baylanısqan máselelerin izbe-iz úyreniwge járdem beredi.
Kurs jumısı temasın tańlaǵaningizdan keyin saylanǵan temaǵa tiyisli sorawlar sheńberi menen tanısıp, lekciya materialların jıynap shıǵıń. Pán boyınsha oqıw programmasında bul temanı úyreniw ushın usınıs etilgen ádebiyatlar menen qaytaldan tanısıp, olardı analiz etiń.
Kurs jumısın orınlaw procesi
Kurs jumısın orınlaw processinde ilimiy hám tárbiyalıq jumıslar kompleks tiykarda ámelge asırılıp, olar arasında tómendegiler birinshi dárejeli áhmiyetke iye:
1. Pánniń aktual teması hám máseleleri tereń úyreniledi. Kurs jumısı ústinde islew processinde talaba tańlaǵan temanı tereń úyreniwi, onıń baǵdarların analiz qılıw haqqında túsinikke iye boladı ;
2. Ózbetinshe islew usılları menen tanısadı, ekonomikalıq, teoriyalıq hám ámeliyattıń aktual máselelerin jazba bayanlaw usılların úyrenedi;
3. Bibliografiya dúziw, statistikalıq jıynaqlardan paydalanıw, temalar boyınsha konspekt dúziw, usınıslarınan kelip shıǵıp, rásmiylestiriledi;
4. Huqıqıy normativ hújjetlerdi ámeliyatda nátiyjeni ámelde qollanıwin úyrenedi.
Kurs jumısın orınlaw basqıshları.
Kurs jumısın orınlaw tómendegi basqıshlarda ámelge asıriladı :
1. Kurs jumısı temasın tańlaw ;
2. Kafedra tárepinen usınıs etilgen ádebiyatlardı toplaw, olardı úyreniw, konspektlew, kerekli jerlerin jazıp alıw ;
3. Kurs jumısı rejesin dúziw;
4. Teoriyalıq máseleler hám ámeliy materiallardı ulıwmalastırıw, analiz qılıw, qaytaldan islep shıǵıw ;
5. Kurs jumısı tekstin jazıp shıǵıw, onı rásmiylestiriw hám ilimiy basshiǵa recenziya ushın usınıs etiw;
6. Recenziyanıń talapları tiykarında jumısqa ayırım duzetiwler kirgiziw, qosımsha sorawlarǵa juwap beriw;
7. Kurs jumısı qorǵanıwına tayarlanıw.
Kurs jumısı rejesin dúziw.
Kurs jumısı rejesin dúziw usınıs etilgen ádebiyatlardı úyrenip shıǵılǵannan keyin baslanadı.
Joba eń qısqa jazba tekst esaplanıp :
- pikrler izbe-izligin ózinde sáwlelendiredi hám ulıwmalastıradı ;
- derek mazmunın yadta saqlaydi;
- konspekt hám tezisler ornın basadı ;
- hár túrlı túrdegi jazıwlar, lekciya, xabarnama, esabat dúziwge járdem beredi;
- óz-ózin baqlawdı tezlestiredi;
- itibardıń bir noqatda bolıwına hám shınıǵıwlardı xoshametlewge múmkinshilik beredi;
- jaqsı tanıs teksttiń yadta payda bolıwında paydalanıladı.
Kurs jumısı dúzilisi
Kurs jumısınıń dúzilisi ulıwma qaǵıyda retinde ornatılǵan kirisiw, tiykarǵı bólim, juwmaq, statistikalıq maǵlıwmatlar, paydalanılǵan ádebiyatlar hám qosımshalardan dúziledi. Kurs jumısınıń barlıq bólimleri bir-biri menen óz-ara baylanısqan hám temanı ashıp beriwge xizmet etiwi talap etiledi.
Temaǵa tiyisli ámeliy maǵlıwmatlardı toplaw, tártipke keltiriw, xarakteristikalw, analiz etiw hám ulıwmalastırıw processinde kurs jumısınıń jobası rawajlandiriliwi yamasa onıń baǵdarı ózgertiliwi múmkin.
Kurs jumisina qoyilǵan tiykari talaplar
Kurs jumısınıń kólemi hám formatı
Kurs jumısınıń ulıwma kólemi kompyuterde jazılǵan tekstte ortasha 32-36 bet, qol jazbada 45-50 bet bolıwı kerek.
Kurs jumısı dúzilgen rejege muwapiq bólek bántlerge, yaǵnıy paragraflarg’a bólinedi. Bul bántlerdiń atı qısqasha bolıp, temanıń mazmunına uyqas túsiwi hám tekstke muwapiq tárzde bas ha’ripler menen jazılıwı kerek. Betler arap nomerleri menen tómengi bólektiń ortasında qoyılıwı kerek.
Kurs jumısı A4 (210 x 297) formatlı aq bettiń bir tárepine 1, 5 interval aralıqta, 14 shriftte jazıladı jáne onı jazıw processinde tómendegi tarepler ólshemine ámel etiliwi kerek:
Shep tarep - 30 mm. Oń tarep - 15 mm. Tómengi tarep -20 mm. Joqarı tarep- 20 mm.
Kurs jumısı teztikkichga (skoroshivatelga) tikiladi yamasa ápiwayı muqaba etiledi hám titul beti (1-qosımsha ) onıń ústine jelimlenedi.
Kurs jumısın nomerlew joba jazılǵan betten baslanıp, aqırǵı betke shekem hámme betlerin qamtıp alıwı kerek. Joba jazılǵan bet birinshi bet esaplanadı hám oǵan nomer qoyılmaydı.
Kurs jumısındaǵı barlıq grafiklar, sızılmalar, súwretler, diagrammalar hám basqalardıń atı anıq etip ústine jazılıwı hám nomerlep shıǵilıwı kerek.
Jobada kurs jumısınıń barlıq bántleri, yaǵnıy kirisiw, tiykarǵı bólim, paragraflar, juwmaq hám usinislar keltiriledi.
Kurs jumısınıń quramı
Kurs jumısınıń strukturalıq dúzilisi tómendegi bólimlerdi qamtıp alıwı kerek:
- titul beti
- joba
- kirisiw bólimi
- tiykarǵı bólim
- juwmaq hám usinislar
- paydalanılǵan ádebiyatlar dizimi
- qosımshalar
- mazmun.
Kirisiw
Kirisiw bóliminiń kólemi 3-5 betdan aspawı kerek. Ol jaǵdayda teoriyalıq hám ámeliy tárepten temanıń aktuallıǵı tiykarlanadı, maqsetler qáliplestiredi hám wazıypalar belgilenedi.
Tiykarǵı bólim
Tiykarǵı bólim tek paragraflar yamasa baplar jáne onıń ishinde paragraflar formasında xarakteristikalaniwi múmkin. Bul bólim kurs jumısınıń ulıwma kóleminiń shama menen 80-85 payızın uliwmalastırıwı kerek.
Kurs jumısınıń tiykarǵı bólegi paragraflarda beriliwi hám paragraflar sanı keminde bes yamasa altı bolıwı kerek.
Tiykarǵı bólimniń temanıń tiykarǵı teoriyalıq hám metodikalıq máseleleri kórip shıǵıladı, statistikalıq maǵlıwmatlar analizi nátiyjeleri ashıp beriledi.
Juwmaq hám usinislar
Kurs jumısınıń juwmaq hám usinislar bólimi 3-6 bet atirapinda bolıp, ol jaǵdayda talaba ilimiy izertlewdiń juwmaq hám usinislarin aytadı.
Kurs jumısınıń aqırında temaǵa tiyisli sózlerdiń (20 -30 ta) túsindirmeli mánisi beriliwi maqsetke muwapiq.
Paydalanılǵan ádebiyatlr
Paydalanılǵan ádebiyatlar diziminde talaba kurs jumısı jazıw dawamında paydalanılǵan derekler dizimin keltiredi.
Qosımshalar kestesi
Qosımshalarda tiykarǵı tekstte oqıwdı qıyınlastiratuǵin kesteler, grafiklar, hújjetler nusqaları, diagrammalar keltiriledi hám nomerlenedi. Talaba tárepinen baspadan shiǵarilǵan jumıslarda qosımshada beriliwi múmkin.
Kurs jumısınıń tiykarǵı tekstinde temanı ashıp beriwge qaratılǵan hám tuwrı duzip shıǵılǵan kesteler, grafiklar, súwretler, slayt diagrammalar hám basqa zárúrli materiallar keltiriliwi kerek. Bettiń atiraplarina bezewli sızıqlar beriliwi múmkin.
Mazmunda kurs jumısınıń barlıq bólimleri, yaǵnıy kirisiw, bap yamasa bólimler, paragraflar, juwmaq, paydalanılǵan ádebiyatlar, qosımshalar jaylasqan bet nomerleri menen birgelikte keltiriledi.
Kurs jumisına qoyılǵan talaplar
Kurs jumısları oqıw procesi alıp barılıp atırǵan tilde jazıladı. Kurs jumısı orfografiya qátelersiz, tuwri túsinikli tilde jazılıwı, gápler anıq ańlatılıwı, olar óz-ara baylanıslı bolıwı hám bir-birin toltırıp turıwı kerek. Ol jaǵdayda keltirilip atirǵan statistikalıq maǵlıwmatlar tek ǵana kórgezbe (illyustratsiya) wazıypasın o'tep qalmastan, juwmaqlar shıǵarıw hám olardı tastıyıǵı ushın xizmet etiwi kerek. Kurs jumısında keltirilgen barlıq tiykarlar hám maǵlıwmatlardıń anıqlıǵı hám haqıyqıylıǵı ushın onıń avtori juwapker bolıp tabıladı.
Kurs jumısı talaba tárepinen ǵárezsiz túrde jeke orınlanıwı shárt. Talaba tárepinen hár qıylı dereklerden dáliller, statistikalıq maǵlıwmatlar, túrli avtorlardin pilikrlerinen kóshirip alǵanlarin keltiriw tuwrı hám ilimiy maǵlıwmatları menen támiyinlengen bolıwı kerek.
Kurs jumısın jazıw processinde talaba sol tarawda bar bolǵan hám ózi paydalanǵan basqa ilimiy izertlewler, ilimiy maqalalar, málimlemelerden dáliller keltiriwi zárúr.
Ilimiy-maǵlıwmatlarǵa duzetiw beriw dawamında talaba tómendegi shártlerge ámel qılıwı kerek:
kurs jumısın jazıw dawamında paydalanılǵan ádebiyatlar hám basqa dereklerden dálillew bir qıylı tártipte sáwlelendiriliwi kerek;
Tekstte paydalanılǵan derekler bet astında túsindirme (snoska) formasında anıq hám tolıq keltiriliwi, yaǵnıy avtor hám ádebiyattıń atı, baspası, jılı hám beti keltirilishi kerek;
bet astındaǵı túsindirme formasındaǵı jazıwda waqıtlı baspalar, kitaplar, maqalalar atı tırnaqshaǵa alınbaydı ;
bet astındaǵı túsindirme (snoska) intervalda 10 shriftte jazılıwı kerek.
kurs jumısları jazıw processinde paydalanılǵan ádebiyat hám ilimiy derekler sanı temanı ashıp beretuǵın dárejede bolıwı zárúr.
Kurs jumisin bahalaw.
Maksimal ball - 100
Saralaw ball - 55
86 -100 ball -ayriqsha
71-85 ball -jaqsı
55-70 ball -orta.
Paydalanılǵan ádebiyatlr
Internet saytlar
Arxiv.uz
Ziyonet.uz
Edu.uz
Refer.uz
|
| |
