MAQTANSHAQ TÍSHQAN
Bir tıshqan bir ura biyday taptı da, onıń bir
qaptalınan qazıp, óziniń inine jol shıǵardı. Uranıń
iyesiniń qabı joq pa, bolmasa ózi arqayınlaw
adam ba, uradan xabar almadı. Tıshqan uranı ózi
menshikledi. Óz múlkindey kórip, tawsılmaytuǵın
ǵáziynege iye bolǵanday sezdi. Qonaq shaqıradı,
basqa tıshqanlardı jıynap, sıylap toyǵızıp turdı. Sıy
-
lanǵan tıshqanlar bunıń ádebin tutıp, hár sózine
“lábbay” dep turatuǵın boldı. Bir kúni kór qonaq
shaqırdı. Hámme jıynalǵannan keyin xızmetkerine
biyday keltiriwdi buyıradı. Uradan biwday tappay
keldi. Ózi barıp kóredi, uranıń tek ózi bos tur.
– Haw, buǵan ne bolǵan!?
Biyday iyesiniń qabındaǵı ǵállesi tawsılıp, ish
-
kendey biyday alayın dep uranı ashsa, azayıp
qalıptı. “Uranı tıshqan alǵan eken” dep birotala
alıp basqa orınǵa jaylaǵan edi. Bay tıshqan qo
naqlarınıń aldında uyalıp qaldı.
“Háddińdi bilmey saǵan qonaq shaqırıwdı kim
qoyıptı” dep kúlip ketipti. Sol kúnnen baslap bay
tıshqannıń qasında heshkim qalmadı. Sózin hesh
kim maqullamaptı. Onnan sońǵı ómiri “átteń” dew
@edurtm_uz
21
menen ótipti. Demek, óziń miynetiń menen erispe
gen baylıqqa maqtanıw abıray bermeydi eken.
1-tapsırma.
Tekstti oqıp, sorawlar
ǵ
a juwap beriń.
1. Tıshqan qalay bay tıshqanǵa aylandı?
2. Basqa tıshqanlardıń oǵan “lábbay” dewi
ne ne sebep boldı?
3. Ol ne ushın birden doslarına kúlki boldı?
4. Shın doslar bolsa tıshqannıń ústinen kúl
geni durıs pa?
5. Tıshqannıń jalǵız qalıwına ne sebep boldı
dep oylaysız?
2-tapsırma.
Berilgen tekstti oqıń. Tıshqannıń ózin
bay tıshqanday tutqan háreketine pikir bildiriń.
Tıshqan uranı ózi menshikledi. Óz múlkin dey
kórip, tawsılmaytuǵın ǵáziynege iye bolǵanday
sezdi. Qonaq shaqıradı, basqa tıshqanlardı jıynap,
sıylap toyǵızıp turdı. Sıylanǵan tıshqanlar bunıń
ádebin tutıp, hár sózine “lábbay” dep turatuǵın
boldı.
@edurtm_uz
|
