ERTEGIM ERTE BOLDÍ
Ertegim erte boldı,
Qulagim kelte boldı.
Bar eken de joq eken,
Ash eken de toq eken.
Ala ǵarǵa azanshı eken,
Qara ǵarǵa qazanshı eken.
Qara kópek qawınshı eken,
Sarı pıshıq sawınshı eken.
Qara qaplan qarawıl deydi,
Jolbarıslar jasawıl deydi.
Túlkiler kátip bolıptı,
Ishkeni qatıq bolıpti.
Qasqırlar asker bolıptı,
Saǵallar lashker bolıptı.
Qozılar kábap bolıptı,
Patshaǵa awqat bolıptı.
Tulparlar elshi bolıptı,
Sunqarlar tilshi bolıptı.
Hákkeler kúnshil bolıptı,
Qırǵıylar sınshıl bolıptı.
@edurtm_uz
12
1-tapsırma.
Berilgen qus hám haywanlardıń at
ların oqıń hám ol haqqında bilgenlerińizdi aytıp
beriń.
Ala ǵarǵa, qara ǵarǵa, qara kópek, sarı pıshıq,
qara qaplan, jolbarıslar,túlkiler, qasqırlar, saǵallar,
qozılar, tulparlar, sunqarlar, hákkeler, qırǵıylar.
2-tapsırma.
Berilgen sózlerdiń mánisin aytıp beriń.
Azanshı, qazanshı, qawınshı, sawınshı, qarawıl,
jasawıl, ásker, láshker, kábap, awqat.
ERTEKTEGI HAYWANLAR
1-tapsırma.
Súwretlerdegi haywanlardıń tiyislisin
kóp noqattıń ornına qoyıń hám ne ushın ekenli
gin aytıp beriń.
Hiyleker (...), shaqqan (...), sum (...), ash (...),
aqıllı (...), juwas (...),
2-tapsırma.
Tekstti oqıń. Erteklerdiń hárqıylı bas
lanıwı haqqında aytıp beriń.
Erteerte ertede, el ómiri keltede, xalıqtı xan
biy lepti, xalıq zar áylepti.
Áyyemgi zamanlarda sol zamannıń qádiminde,
bir bay bar eken. Onıń bir shopanı bolıptı.
Burınǵı ótken waqıtta bes qala soramında bir
patsha bolǵan eken.
@edurtm_uz
13
Bir bar eken, bir joq eken. Ash eken de, toq
eken, ala ǵarǵa azanshı, qara ǵarǵa qazanshı
eken. Áyyemgi zamanda bir xan bolıptı.
|
