Súwrette qanday ámelden paydalanıw kózde tutılmaqta?
Súwrette qanday ámelden paydalanıw kózde tutılmaqta?
Súwrette qanday ámelden paydalanıw kózde tutılmaqta?
Súwrette qanday ámelden paydalanıw kózde tutılmaqta?
Súwrette qanday ámelden paydalanıw kózde tutılmaqta?
Juwapları: 1) teń. 2) teń emes. 3) kishi. 4) úlken.
5) kóbeytiw. 6) bóliw. 7) shama menen.
b). Aldıńģı sabaqta ótilgen wordta formulalar jazıwdı oqıwshılardıń ámeliyatta qollana biliwdi qanshelli dárejede ózlestirgenligin anıqlaw ushın, hárbir oqıwshıdan jeke túrde kompyuterde berilgen tapsırmalardı jazıp beriw beriwi talap etiledi.(jeke tártiptegi islesiw)
Úyge tapsırma boyınsha berilgen tapsırmalar:
1).  , 2).  , 3).  , 4).  ,
5).  , 6).  , 7).  , 8).  ,
9).  , 10). , 11).  , 12).  ,
13).  , 14).  , 15).  , 16).  ,
Oqıwshılarģa kompyuterde orınlaw boyınsha berilgen máselelerdi kompyuterde islew procesinde belsendilik kórsetken oqıwshılar, durıs sheshim tapqan oqıwshılar oqıtıwshı tárepinen xoshametlenedi. Oqıtıwshı sorawlarģa oqıwshılar tárepinen juwaplar hám kompyuterde orınlanģan tapsırmalardıń orınlanıwı nátiyjesi arqalı oqiwshılardıń aldıńģı sabaqta ótilgen Wordta formulalar jazıw túsinigin qanday dárejede ózlestirgenligin, usı Wordta formulalar jazıw túsinigin ózlestiriwde orın alģan boslıqlardı anıqlaydı.
Anıqlanģan boslıqlardı saplastırıw ushın úyge berilgen tapsırma bekkemlenedi.
(Bekkemlew procesi kompyuter hám proektor járdeminde kórsetilgen halda awızeki túsindiriledi)
Taza tema: (kishi lekciya). Wordta hújjetti basıp shıǵarıw.
Taza tema oqıtıwshı tárepinen 6-klass Informatika hám xabar texnologiyaları sabaqlıģı 72 betinde keltirilgen Wordta hújjet basıp shıǵarıw boyınsha berilgen túsinikler hám usı túsiniklerge sáykes túrde mısallar menen túsindiriledi.
Kewilli minut (printer qurılması menen tanısıw)
Húrmetli oqıwshılar! Mine búgin sizler menen wordta hújjetti baspaǵa shıǵarıwdı úyreniwimiz kerek. Bunıń ushın biz mınaw turǵan qurılma menen tanısıwımız kerek. (printer qurılması kórsetiledi)
Bul qurılma ózi aq sizler mnen tanısqısı kelip turıptı. (oqıwshılar birgelikte atqaradı)
Meniń atım PRINTER,
Jazǵanıńdı tez tekser.
Baspaǵa shıǵaraman,
Qaǵazıńdı tez jetker.
Tema mazmunı.
Hújjetti basıp shıǵarıw parametrlerin ózgertiw ushın Fayl menyuinıń Basıp shıǵarıw (Печать) bólimi tańlanadi. Nátiyjede ekranǵa Basıp shıǵarıw (Печать) aynası shıǵadı. Basıp shıǵarıw aynası Printer (Принтер), Betler (Страницы), Nusqalar (Копии), Masshtab (Масштаб), Qamtıw (Включить), Basıp shıǵarıw (Напечатать) bántlerinen ibarat.
Betler bántinde barlıǵı (все), hárekettegi (текущая), tártip nomerleri (номера) hám ajıratıp alınǵan bólim (выделенный фрагмент) kórsetpeleri bolıp, olardıń birewi tıshqan járdeminde tańlanadı.
Barlıǵı kórsetpesi tańlansa, hújjet tolıǵı menen (barlıq bet) shıǵarıladı. Hárekettegi kórsetpesinde hárekettegi bet (júrgish turǵan bet) shıǵarıladı. Tártip sanı kórsetpesi tańlansa, oǵan tiyisli ayna tezlesedi. Bul aynaǵa shıǵarılıwı kerek bolǵan betlerdiń tártip nomerleri jazıladı. Ajıratıp alınǵan bólimniń kórsetpesin tek ǵana teksttiń qandayda bir bólimi belgilengende ǵana tańlaw múmkin. Bunday jaǵdayda hújjettiń belgilengen bólimi basıp shıǵarıladı.
Nusqalar bántinde nusqalar sanı (число копий) hám nusqalar boyınsha ajıratıw (разобрать по копиям) kórsetpeleri bar. Îlar hújjet qansha nusqada hám qanday tártipte shıǵarılatuǵının kórsetedi. Qanday da bir hújjetti 3 nusqada shıǵarıw kerek bolsın. Îl jaǵdayda nusqalar sanı aynasına 3 sanı jazıladı. Nusqalar boyınsha ajıratıw kórsetpesi belgilengen bolsa, hújjettiń birinshi nusqası tolıǵı menen shıǵarıladı, keyin ekinshi nusqası, sońınan úshinshi nusqası shıǵarıladı. Eger bul kórsetpe belgilenbegen bolsa, dáslep hújjettiń birinshi beti 3 nusqada shıǵarıladı, keyin ekinshi beti 3 nusqada shıǵarıladı hám taǵı basqalar.
Masshtab bántinde qaǵazdıń bir betine hújjettiń neshe beti shıǵarılatuǵını kórsetiledi. Bunıń ushın qaǵazdaǵı betler sanı (число страниц на листе) aynasında usınıs etilgen 1 bet (1 страница), 2 bet (2 страницы), 4 bet (4 страницы) hám basqa da kórsetpelerden biri tańlanadı.
Qamtıw bántinde barlıq betler (Все страницы диапазона), taq sanlı betler (Нечетные страницы), jup sanlı betler (Четные страницы) kórsetpelerinen biri tańlanadı. Barlıq betler kórsetpesi tańlansa, hújjet yamasa onıń belgilengen bólimi tolıǵı menen qaǵazǵa basıp shıǵarıladı. Taq sanlı betler kórsetpesi tańlansa, hújjettiń tek taq sanlı betleri shıǵarıladı. Jup sanlı betler kórsetpesi tańlansa, hújjettiń tek jup sanlı betleri shıǵarıladı.
(taza temanı túsindiriw procesi waqıttan nátiyjeli paydalanıwdı támiyinlew ushın kompyuter hám proektor járdeminde kórsetilgen hálda túsindiriledi.)
Taza temanı bekkemlew.
Búgingi sabaqta nelerdi bilip aldıńız?
Qanday bilimge iye boldıńlar?
Taza temanı bekkemlew ushın, sabaqta ótilgen wordta hújjetti baspaǵa shıǵarıw temasın oqıwshılardiń qanday dárejede ózlestirgenligin anıqlaw maqsetinde oqıwshılar menen birgelikte ámeliy shınıģıwlar ótkeriledi.
Oqıwshılar menen birgelikte kompyuterde printerden baspaǵa shıǵarıw ámeliyatı oqıtıwshı menen birgelikte úyreniledi. (kórgizbeli birge islesiw)
Oqıwshılardan printerden baspaǵa shıǵarıw ámeliyatın jeke túrde kórsetip beriwi talap etiledi.(jeke tártiptegi islesiw)
Oqıwshılar bilimin bahalaw:
(Bahalaw belsendilik kórsetken oqıwshılarģa xoshametlew biletlerijárdeminde tiyisli ballardıń qoyılıwı hám jámi esaplanıp barılıwı nátiyjesine qarap alıp barıladı).
Úyge tapsırma: 6-klass Informatika hám xabar texnologiyaları sabaqlıgı, 72-betinde keltirilgen wordta hújjetti baspaǵa shıǵarıw temasın oqıw, «Meniń doslarım» temasında tekst tayarlap, kelesi sabaqta baspadan shıǵarıw.
|
