COMPEX SRX1216 Dual Speed Switch 16 port 10/100 MBit/S (16UTP) RM

Kонцентраторлар – Концентратор – Hub

Концентраторлар бир неча тармоқ қисмларини бирлаштириб бир бутун тармоқ ҳосил қилишга хизмат қиладилар. Концентраторларни актив ва пассивга ажратиш мумкин. Пассив концентраторлар конструктив жиҳатидан бир неча репитерларни ўз таркибига олган бўлади. Улар репитерлар бажарадиган вазифаларини ўзини бажарадилар. Бундай концентраторларнинг алоҳида олинган репитерларга нисбатан афзаллиги ҳамма уланиш нуқталари бир жойга йиғилганлигидир. Бу тармоқ тузилишини ўзгартиришга қулайлик туғдиради, тармоқни назорат қилиш ва носозликларни топишни осонлаштиради. Шунингдек ҳамма репитерлар сифатли ва бир нуқтадан электр манбаига уланадилар. Актив концентраторлар анча мураккаб вазифаларни бажарадилар, масалан, улар алмашув протоколларини ва ахборотни ўзгартиришни амалга оширадилар.

Taрмоқ картаси - Network Card - Сетевая карта

Тармоқ карталарини турли адабиётларда яна контроллер, адаптерлар, платалар, интерфейслар, NIC – Network Interface Card номлар билан атайдилар. Бу қурилмалар маҳаллий тармоқнинг асосий қисми, уларсиз тармоқ ҳосил қилиш мумкин эмас. Тармоқ адаптерларининг вазифаси – компютерни (ёки бошқа абонентни) тармоқ билан улаш, яна қабул қилинган қоидаларга риоя қилган ҳолда компьютер билан алоқа канали ўртасидаги ахборот алмашинувини таъминлашдир.

Tрансиверлар – Трансивер - Transceiver

Трансиверлар ёки узатиш ва қабул қилиш қурилмалари, улар адаптер билан тармоқ кабели ўртасидаги ахборотни узатиш учун хизмат қиладилар ёки тармоқнинг икки қисимлари (сегмент) ўртасидаги ахборот узатишни амалга оширадилар. Трансивер сигнални кучайтириш, сигнал қийматларини ўзгартириш ёки сигнал кўринишини ўзгартириш (масалан, электр сигналини ёруғлик сигналига ва тескарига) ишларини бажаради. Кўпинча адаптер платасига ўрнатилган қабул қилиш ва узатиш қурилмаси трансивер деб ҳам юритилади.