|
Kompyuter tarmoqlari qurilmalari
|
| bet | 1/5 | | Sana | 10.11.2023 | | Hajmi | 3.73 Mb. | | #96739 |
Bog'liq 9-sinf 11-mavzu Kompyuter tarmoqlari 7-sinf Kimyo, ,,,,,,,я, 74, 1, web, Диссертация расмий макет, 1 mavzu “SOLIQLAR VA SOLIQQA TORTISH” FANIGA KIRISH FOYDA SOLIG‘I, Методы коррекционной работы с детьми с ОВЗ, 2-grafik ish, 16- mavzu, Mavzu Rezistorlar, turlari va qo’llanilishi. Diod va fotodiodla, 1-mavzu 25-mavzu. Fotoenergetikaning fizik asoslari, 6.Internet ilovalar. Xajibayev Baxtiyor, Akromova Sadoqat Hamdamovna 9-sinf 11-dars
Kompyuter tarmoqlari, odatda, mintaqaviy tarmoq turi sifatida tasvirlanadi. Siz eng koʻp duch keladigan tarmoq turlari lokal tarmoq (LAN – Local Area Network), mintaqaviy tarmoq (WAN – Wide Area Network) va simsiz lokal tarmoqdir (WLAN – Wireless LAN). LAN bir-biriga bevosita yaqin joylashgan bir nechta kompyuter guruhini tarmoqqa birlashtirish imkonini beradi. Odatda, lokal tarmoqdan maktabda, ofisda va uyda foydalaniladi. LAN oʻz tarkibidagi kompyuterlarga fayl, printer, oʻyin va shu kabi manbalardan birgalikda foydalanish imkoniyatini berishi bilan afzal hisoblanadi
WAN tarmoq, odatda, nisbatan kengroq geografik hududlarni qamrab olish maqsadida LAN tarmoqlarni oʻziga birlashtiradi. Odatda, WAN tarmoq shahar, mamlakat yoki bir nechta mamlakatni oʻzaro bogʻlaydi. Internet WAN tarmoqqa misol boʻladi; u butun dunyo boʻylab lokal tarmoqlarni oʻzaro bogʻlaydi. Bir nechta shaharda ofislarga ega tashkilotni koʻz oldingizga keltiring; tabiiyki, ularning har birida har bir binoga LAN tarmoq oʻrnatilgan, keyin ularning barchasi WAN tarmoqqa ulanadi.
WLAN, LAN tarmog‘i kabi, qisqa masofalarni qamrab oladi. U anʼanaviy tarmoq kabellari oʻrniga, radio yoki infraqizil signaldan foydalanib, simsiz tarzda ulaydi.
Router Router (ba’zida “marshrutizator” deb ham yuritiladi) ikki yoki undan ortiq tarmoq oʻrtasidagi aloqani taʼminlaydi, router maʼlumotlar paketlarini toʻgʻri manzilga yoʻnaltirish uchun birgalikda ishlaydi. Ular bu aloqani aqlli tarzda taʼminlashi aytiladi, chunki barcha routerlar: • tarmoq oʻrtasida xabar uzatilishi kerakligi yoki yoʻqligi haqida qarorlar qabul qiladi; • xabar formatini yangi tarmoq uchun moslaydi; • xabar haqidagi maʼlumotni oʻqish va nafaqat xabar qayerga borishi, balki uning manzilga yetib borishi uchun tanlanishi mumkin boʻlgan eng yaxshi yoʻnalish boʻyicha ham qaror qabul qiladi.
Bir-biriga oʻxshamaydigan ikkita tarmoqni birlashtirish vazifasini bajargani uchun routerdan koʻpincha tarmoq va internet oʻrtasidagi aloqani taʼminlash maqsadida foydalaniladi.
|
| |
