| Nazorat qilinayotgan ob’ektni yoritib ko‘rishga tayyorlash. Nazorat qilishdan avval buyum sinchiklab ko‘zdan kechirilishi va zarur bo‘lganda shlakdan, iflosliklardan tozalanishi kerak. Tashqi nuqsonlarni yo‘qotish zarur, chunki, ularning suratlardagi tasviri ichki nuqsonlarni tasvirini qoraytirib, ko‘rsatmay qo‘yishi mumkin. Payvand birikma nazorat qilish uchastkalariga bo‘linib, ular yoritib ko‘rilgandan so‘ng aniqlangan ichki nuqsonlarning joylashuvini aniq ko‘rsatish mumkin bo‘lishi uchun markalanadi.
Kassetalar va unga joylanadigan radiografik plyonkalar nazorat qilinayotgan tegishli uchastkalar kabi tartibda markalanishlari kerak. Tanlangan plyonka kassetaga joylanadi, shundan so‘ng kasseta buyumga maxkamlanadi, nurlanish manbai tomonidan esa sezgirlik etaloni o‘rnatiladi. Bunday o‘rnatish imkoni bo‘lmagan hollarda, masalan, quvurlarni ikki devori orqali yoritib ko‘rishda etalonni detektor (plyonkali kasseta) tomonidan joylashtirishga ruxsat etiladi.
|
