Loyihani bajarish tartibi
Kurs loyihasi topshiriqni o'rganishdan boshlanadi. Kinematik sxema o'rganilgach talaba quyidagi tartibda ishni bajarishga kirishadi:
Elektrodvigatel talab etilgan quvvat bo'yicha tanlanadi. Buning uchun berilgan aylanma kuchdan talab etilgan quvvat topiladi va F.I.K qiymatlari inobatga olinadi.
Yuritma uzatish soni tanlanadi va uzatmalarga taqsimlanadi.
So'ngra yuritmalardagi barcha uzatmalar hisoblanadi. Uzatma hisobi asosiy geometrik o'lchamlarni aniqlash va reduktor detallarining eskizini chizish bilan yakunlanadi.
Kompanovkaning eskizi hisoblashlarning va geometrik o'lchamlarni kamchiliklarini ko'rsatish uchun xizmat qiladi.
Barcha geometrik o'lchamlar aniqlangach, ta'sir etuvchi kuchlar topiladi.
Ta’sir etuvchi burovchi moment asosida vallarning taxminiy hisobi, podshipnik tanlash va korpus elementlarining o'lchamlarini aniqlash bajariladi.
Kompanovka (yig'ish) ning birinchi bosqichida tishli g'ildiraklar, vallar, podshipniklar va korpus devorining qalinligi chiziladi. Kompanovka podshipniklar orasidagi masofani aniqlash va hisoblash uchun val sxemasini tayyorlash uchun xizmat qiladi.
Vallarning hisobini sxemasi tuziladi, tayanchlardagi reaktsiya kuchlari hisoblanadi va podshipniklar tanlanadi. Vallar mustaxkamligini hisoblanadi. Val diametri bo'yicha shponkalar tanlanadi.
Davlat standarti talablari bo'yicha loyihalanayotgan uzel chizmasi yaratiladi.
Yuritmaning umumiy ko'rinishi ikki yoki uch proektsiyada chiziladi.
To'la hisob dastxati bajariladi va loyiha chizmalari rasmiylashtiriladi.
