ILOVALAR:
1. Ўқув фаннинг долзарблиги ва олий касбий таълимдаги ўрни
Ушбу фан республикамизнинг техник-иқтисодий ва социал тараққиётини жадал суръатлар билан ривожланишида алоҳида аҳамиятга эга бўлиб, пайвандлаш жараёнларининг физикавий мохияти, электр ёй назарияси, физик-кимёвий элементлари ва пайвандлашда металлургик жараёнлар масалаларини ўз ичига қамраб олган.
“Пайвандлаш жараёнларининг назарияси” фани ихтисослик фанлари блокига киритилган бўлиб 3-курсда ўқитилиши мақсадга мувофиқ. Мазкур фан бўлажак мутахассисларга пайвандлаш жараёнларининг физикавий мохияти, электр ёй назарияси, физик-кимёвий элементлари ва пайвандлашда металлургик жараёнлар масалаларини назарий ва амалда қўлланилиш соҳаларини ўрганишда замин бўлиб хизмат қилади.
2. Ўқув фаннинг мақсади ва вазифаси
Фани ўқитишдан мақсади - талабаларга пайвандлаш жараёнларининг физикавий моҳияти, электр ёйи, физикавий кимиёнинг элементлари ва пайвандлашда металлургик жараёнлар асослари бўйича билим, кўникма ва малакани шакллантиришдир.
Фаннинг вазифалари –– талабаларни пайвандлаш усулида таъмирлаш ва қоплама беришнинг асосий турлари, пайвандлаш жараёнларининг физикавий – кимёвий мохияти масалаларини ўргатишдан иборат.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:
фан ривожининг тарихи ва истиқболи ҳақида тасаввурга эга бўлиши;
термодинамиканинг бирламчи бошланиши ва реакцияларнинг иссиқлиқ эффектларини;
оксидланиш жараёнининг термодинамик ҳисобларини;
пайвандлашда металлургик жараёнларни;
метални оксидсизланишини;
пайвандлаш шартида кристаллизацияланиш узлуклилигини билиши ва улардан фойдалана олиши;
ёйли қопламада газли фаза таркибини ҳисоблаш кўникмаларига эга бўлиши керак;
хар ҳил фазовий жойлашишдаги ёйли дастакли пайвандлаш малакаларига эга бўлиши керак.
|
