|
Mavzu: Qurilish meyorlari va qoidalari
|
| Sana | 14.05.2024 | | Hajmi | 404,92 Kb. | | #232330 |
Bog'liq bINO INSHOATI
MAVZU: Qurilish meyorlari va qoidalari
Ko'p qavatli uylarni qurish ishlarida binoning birinchi qavatidagi xonadonlardagi elektr tarmoqlarini montaj qilish ishlari belgilangan tartibda bajarilmayotganligi kuzatildi. Bog’lovchi moddalarning bundan 4-5 ming yil avval sun’iy yo’l bilan hosil qilinganligi tarixdan ma’lum.
Misrdagi hashamatli yodgorliklardan fir’avn qabrlari, Xeops piramidasi, Karnakedagi Amona ibodatxonasi kabi ulkan noyob yodgorliklar eramizdan ikki-to’rt ming yil avval xarsang tosh elementlari vositasida qurilgan.
Vatanimizda bog’lovchi moddalar (asosan, ahak va gips) ishlab chiqarish sanoati tosh materiallarni inshootlarda qo’llab kelinganligi asosida vujudga keldi. Masalan shahar devorlari, minoralar, masjid va qasrlar, Buxoro, Samarqand, Xiva yodgorliklari kabi inshootlarning qurilish materillariga bo’lgan extiyojini oshirgan. Xorazm chor atrofi qalin devorlar bilan o’rab chiqilgan to’rtta tsilindr minoradan iborat edi. Minoraning usti tep-tekis qilib ishlangan. Bunday inshootlarni qurishda qo’shilmalar bilan ishlangan ganch qorishmasi va giltuproqdan pishirilgan yapaloq g’ishtlar hamda tabiiy toshlar ishlatilgan.
Markaziy Osiyoda bundan bir necha ming yil muqaddam sirlangan sopol buyumlar tayyorlash sopol san’atining muhim tarmoqlaridan biri edi. Kulollar gildan turli-tuman buyumlar yasab, ularni xar xil chidamli ranglar bilan bezaganlar. X asarda Farg’ona va Samarqandda yasalgan sopol buyumlardan bir necha nusxasi topilgan. Ularda gilli naqshlar va ranglar to’la saqlangan. Bundan 6 ming yil muqaddam Turkistoning janubidagi (Kaaxka to’xtash joyi yaqinida) qadimgi qishloqda o’tkazilgan qazish ishlari natijasida sopol tosh va mis buyumlar topilgan.
X-XV asrlarda va undan keyin O’rta Osiyo xalqlari xashamatli inshootlar qurishda rangli g’isht, xar xil rangda sirlangan sopol tax tachalarni dekorativ qoplamlar sifatida ishlatganlar. X asrda qurilgan Buxorodagi Ismoil Somoniyning maqbarasi, XI asrda Buxorodagi, balandligi 50 metrli pishiq g’ishtdan qurilgan minorai Kalon, Samarqanddagi Temur va SHohi- Zinda maqbaralari (XV-asr) va boshqalar o’sha davrning mashhur memorchilik yodgorliklaridir.
XIX-asrning birinchi yarmiga qadar asosiy qurilish materiali sifatida yog’och ishlatilar edi. Markaziy Osiyo sharoitida yog’och materiallar sifatida, asosan, terak, qayrag’och, tol, yong’oq, tut va archa ishlatilgan. Zilzilabardosh yog’och sinchli binolardan xozirga qadar buzilmay turganlari juda ko’p. Yog’ochga o’yib ishlangan ajoyib naqshdor ustunlar eshik va raxlar xozirga qadar sharq san’atini boyitib turibdi.
Qurilish qorishmalari tayyorlashda, asosan, mineral bog’lovchi moddalardan gil, ohak, gips, ganch, tog’ mumi (ozorokerit), tog’ jinsi, trepel, opoka qo’shilgan ohak (ohak-puts holat bog’lovchi modda) kabi materiallar ishlatilgan. Qorishma tayyorlashda o’zbek quruvchilari xilma-xil qo’shilmalardan keng foydalanganlar. Jumladan, vulqon shishasi, oq gil (kaolin), hayvon qoni, tuxum sarig’i, suyak yelimi va shirasi qorishma moddalar mustahkamligi va chidamliligini oshirish vazifasini o’tagan. Samarqandddagi Ulug’bek madrasasini, Qo’qondagi Xudoyorxon saroyini qurishga bunday qorishmalar bilan ganch-g’isht qorishmasidan va ohak-g’isht qorishmasidan iborat betonlar ko’p ishlatilgan.
Keyingi yillarda qurilish materiallarini ishlab chiqarish bir necha marta ortdi. Mahsulotning sifati yaxshilandi, assortimenti ko’paydi va yangi texnologik usullar ishga tushirildi. Xozirgi qurilish materiallari korxonalari Vatanimizda ishlab chiqarilgan yuqori unumli mashinalar bilan ta’minlangan.Ishlab chiqarishdagi deyarli hamma texnologik bosqichlar mexanizatsiyalashtirilgan.
Qurilish materiallari ishlab chiqarish sanoatining eng muhim vazifalari mahalliy xom ashyodan keng foydalanish va buyum ishlab chiqarishni rivojlantirish, ularning sifatini oshirish va qurilishning tannarxini kamaytirishdir.
Xozirgi zamon sintetik polimerlar va detallar ishlab chiqarish qurilish materiallari sohasida tub burilish yasadi. Sintetik materiallarni qurilishda ishlatishning afzalligi shundaki, qurilish qurilmalari yengillashadi va uni tayyorlash uchun kam mehnat sarflanadi, yog’och, tsement,rangli metallar va boshqa qurilish materiallari tejaladi.
O’zbekistondagi qurilish materiallarini o’rganish va ularni ishlab chiqarish texnologiyasini takomillashtirishda ko’pgina ilmiy tekshirish institutlari va tajribaxonalari hamda markaziy institutlarining o’rni juda ham katta.
Qurilish materiallari texnologiyasini rivojlantirishda va ularni ishlab chiqarish nazariyasini o’rganishda Respublika olimlaridan M.O’razboev, K.Axmedov, A.Ashrabov, Yu.Toshpulatov, F.Tojiev va boshqa olimlar o’z hissalarini qo’shdilar.
Akademiklar X.A.Abdullaev, D.S.Belyankina, G.O.Mavlonov va boshqa olimlar juda ko’p yangi tabiiy qurilish materiallari topishga muyassar bo’ldilar.
Gidravlik bog’lovchi moddalarning qotish nazariyasiga asos solgan A.R.SHulyachenko g’oyalarini boyitishda va bir necha xil element yaratishga akademik A.A.Baykov, prof. V.A.Kind, V.N.Yung, P.P.Budnikov, M.A.Rib’ev, B.G.Skramtaev, B.A.Kro’lov va ko’pgina olimlar salmoqli hissa qo’shdilar.
Beton tayyorlash texnologiyasini takomillashtirishda ko’pgina olimlarning olib borgan ishlari salmoqli o’rin tutadi. Beton qorishmasining tarkibini xisoblash nazariyasini professorlar N.M.Bel’yaev, N.A.Popov, B.G.Skramtaev va boshqalar ishlab chiqdilar.
O’zbekistonda qurilish materiallari sanoati o’tgan yillar ichida qoloq va mayda tarqoq hunarmandchilik ishlab chiqarish holatidan zamonaviy va to’la avtomatlashtirilgan og’ir industriyaga aylandi.
Respublikamizdagi qurilish materiallari ishlab chiqaruvchi zavodlar yuqori unumli mashina va agregatlar bilan jixozlangan.
O’zbekistonda Navoi, Quvasoy, Ohangaron, Bekobod va Angren tsement zavodlarida portlandtsementigina emas balki, gidrotexnika inshootlari uchun juda zarur va sul’fatga chidamli yuqori markali portlandtsement, yig’ma temir-beton va yo’l qurilishi uchun ishlatiladigan tez qotuvchi tsementlar ham ishlab chiqarmoqda.
Ko’pgina qurilish materiallari uchun Respublika Davlat standarti, ya’ni DAST ishlab chiqilgan. Ushbu standart davlat xujjati bo’lib, u qurilish materiallarini ishlab chiqaruvchi va bu materiallarni ishlatuvchi har bir vazirlik, boshqarma va korxonalar uchun majburiy qo’llanmadir. Har bir DAST o’zining raqamiga va tasdiqlangan yiliga ega. Masalan, oddiy g’ishtning standarti DAST 530-91 bo’lsa, bunda birinchi son standartning tartib raqamini, ikkinchisi esa uning tasdiqlangan yilini ko’rsatadi.
DAST lar fan va texnika sohasida erishilayotgan eng yangi yutuqlarga asoslanib ishlab chiqiladi. Berilgan materialning standarti hali tasdiqdan o’tmagan bo’lsa, tegishli texnikaviy shartlar (TU) dan foydalanishga to’g’ri keladi. Qurilish materiallari va detallariga, sifatiga bo’lgan talablar, ularni tanlash va ishlatishga oid ko’rsatmalar «Qurilish me’yorlari va qoidalari» (QMQ) da batafsil bayon qilinadi.
QMQ - bu qurilish materiallari, qurilishdagi va loyihalashdagi jamlanma me’yoriy xujjatlar majmuasi bo’lib, barcha tashkilotlar uchun majburiy qo’llanmadir. Loyihalashda, qurilish buyumlarini tayyorlashda va inshootlarni qurishda o’lchamlarni standartlashtirishning uslubiy asosi – bu qurilishdagi o’lchamlarni yagona modul asosida muvofiqlashtirishdir.
Yagona modul sistemasi (YaMS) DAST larning asosini tashkil etadi: barcha o’lchashlar bir bazada bo’lib, 1M deb belgilanib, u 100 mm ga tengdir. YaMS ning qo’llanilishi qurilishda bir xil yagona o’lcham bo’lishini ta’minlaydi. Inshootlarning sifati, uzoq muddatga chidamliligi va tannarxi ko’pincha materialni to’g’ri tanlash va qo’llashga bog’liqdir
YaMS talablari bo’yicha tayyorlangan bir xil turdagi detallar va buyumlarni turli maqsaddagi inshootlarda ishlatish mumkin.
Oʻzbekiston isteʼmolchilar huquqlarini himoya qilish jamiyatlari federatsiyasi joylarda qurilib foydalanishga topshirilgan va qurilishi davom etayotgan bino va inshootlarda jamoatchilik nazorati tartibida kuzatuv ishlarini davom ettirmoqda, deb xabar beradi federatsiya axborot xizmati.
Jumladan, Fargʻona viloyatining Uchkoʻprik tumanida qurilib foydalanishga topshirilgan va bugungi kunda qurilish ishlari davom ettirilayotgan (bino, inshoot, turarjoy, yengil turdagi va vaqtinchalik qurilmalar) qurilish obyektlarining qurilish norma va qoidalari, shaharsozlik toʻgʻrisidagi qonun hujjatlariga mosligini oʻrganish boʻyicha jamoatchilik nazorati tartibida ishchi guruh tomonidan oʻtkazilgan oʻrganish ishlari qator oʻrinlarda kamchiliklar mavjudligini koʻrsatdi.
“Far Kenagas” KMK MCHJ Mullazoir dahasidagi ikkita besh qavatli uyni qurish ishlarida band boʻlgan ishchilarni maxsus kiyimlar va maxsus bosh kiyim (kaska), himoya kamarlari bilan taʼminlamagan. Bu holat tuman hududida qurilish ishlarini olib borayotgan “Kenagas mukammal qurilish” xususiy firmasi, “Dangʻara maxsus suv pudrat” xususiy firmasi, “Qoʻqon agro qurilish” MCHJ, “Uch-Binokor” MCHJ, “Vodiy savdogar parvozi” MCHJ, “Fargʻona Difin” xususiy korxonasiga qarashli obyektlarda ham kuzatildi.
Amaldagi tartib-qoidalarga koʻra, aholi foydalanishi uchun barpo etiladigan bino va inshootlarga barcha birdek kirib chiqishi uchun sharoit yaratish, xususan, nogironlar uchun maxsus yoʻlak (pandus) ham avvalboshdan qurilish ishlari loyihasiga kiritilishi lozim. Lekin oʻrganish ishlari bilan qamrab olingan hamda bugungi kunda qurilish ishlari olib borilayotgan “Far Kenagas” KMK MCHJ, “Kenagas mukammal qurilish” xususiy firmasi, “Qoʻqon agro qurilish” MCHJ, “Vodiy savdogar parvozi” MCHJ, “Fargʻona Difin” xususiy korxonalari tomonidan olib borilayotgan qurilish obyektlarida maxsus yoʻlak (pandus)larning loyihada ham nazarda tutilmaganligi kuzatildi.
“Kenagas mukammal qurilish” xususiy firmasi tomonidan Mullazoir massivida olib borilayotgan koʻp qavatli uylarni qurish ishlarida binoning birinchi qavatidagi xonadonlardagi elektr tarmoqlarini montaj qilish ishlari belgilangan tartibda bajarilmayotganligi kuzatildi.
“Dangʻara maxsus suv pudrat” xususiy firmasi tomonidan 11-maktabgacha taʼlim muassasasi binosini mukammal taʼmirlash ishlarini bajarish jarayoni kuzatilganda binoning texnik holati boʻyicha Qurilish vazirligi huzuridagi Fargʻona viloyati qurilish sohasida hududiy nazorat inspeksiyasi tomonidan xulosa berilganligi, unga koʻra, binoning QMQ 2.01.03-96 (qurilish meʼyoriy qoidalari) zilzilaviy xududlarda qurilishning 3.5-bandi talablariga javob berishi zarurligi koʻrsatilgan boʻlsada, hozirgi binoning demontaj ishlarida seysmik boylamlari yoʻqligi kuzatildi. Qoʻshimcha qurilayotgan binolarning asos qismidagi beton qoplamalarni quyishdan oldin bajariladigan saqichli namlikdan himoyalash qoplamalari yotqizilmagan.Uchkoʻprik tumani Navroʻzshoh koʻchasi pochta boʻlimi roʻparasida fuqaro Faxriddin Karimov tomonidan uch qavatli, hozir faoliyat turi nomaʼlum boʻlgan bino qurib bitkazilmoqda. Binoning qurilishida tegishli tashkilotlar tomonidan beriladigan hujjatlar rasmiylashtirilmagan, yaʼni noqonuniy ravishda amalga oshirilmoqda.“Nurli davr” MCHJ Mullazoir dahasi hududida joylashgan tuman zaxira yer maydonlari hisobidan 2021-yilda aholining uy-joyga muhtoj qatlamini uy-joy bilan taʼminlash uchun toʻrtta besh qavatli 160 xonadondan iborat turarjoy binosi qurilishi uchun jami 0,50 gektar yer maydoni ajratilgan. Turarjoylarni qurish ishlari boshlanib, beton qismi quyilgan boʻlsa-da, hozirgi kunda ishlar toʻxtatilganligi kuzatildi.Oʻrganish ishlari doirasida qurilish obyektlari masʼullariga va fuqarolarga har bir fuqaro qulay hayot faoliyati muhitiga boʻlgan huquqqa ega ekanligi, atrof-muhitni muhofaza qilish, ekologik xavfsizlik talablariga, yongʻinga qarshi hamda sanitariya qoidalariga, normalariga va gigiyena normativlariga rioya etilishi, shaharsozlik faoliyati sohasidagi jamoatchilik nazorati jamoatchilik muhokamasi, jamoatchilik ekspertizasi shakllarida va qonun hujjatlariga zid boʻlmagan boshqa shakllarda amalga oshirilishi mumkinligi toʻgʻrisida tushuntirishlar berildi.
|
| |
