MÖVZU 26 Hərəkət tərkibinin, o cümlədən, özü

Hərəkətin təhlükəsizliyini qorxu altına alan nasazlıqları olan hərəkət tərkibinin, o cümlədən özü hərəkət edən xüsusi hərəkət tərkibinin istismara buraxılması və qatarlarda hərəkət etməsinə yol verilməsi, eləcə də vəziyyəti daşınan yüklərin saxlanışını tə'min etməyən yük vaqonlarının qatarlara qoşulması qadağandır.

Elektropnevmatik tormozunda, istilik sistemində, elektrik avadanlıqlarında, ventilyasiyalarında nasazlıqları və sərnişinlə- rin normal daşınma şəraitlərini pozan digər qüsurları olan sərnişin vaqonlarını qatarlara qoşmaq qadağandır.

Hərəkət tərkibinin texniki vəziyyətinə mövcud tələbləri, eləcə də onun tə’miri və texniki xidmət qaydalarını ADDY müəyyən edir.

Hərəkət tərkibinə texniki xidmət və tə'mir sistemini, tə’mirarası qaçış normalarını və tə’mirə qoyma qaydalarını ADDY müəyyən edir.

Hərəkət tərkibinin və xüsusi hərəkət tərkibinin texniki xidmətinin və tə'mirinin keyfiyyətlə aparılmasına, hərəkətin təhlükəsizliyinə görə bilavasitə texniki xidməti və tə'miri icra edən işçilər, ustalar və müvafiq zavodların, depoların, o cümlədən xüsusi hərəkət tərkibləri üçün depoların, yol-maşın stansiyalarının distansiyaların,e'malatxanaların və texniki xidmət məntəqələrinin rəhbərləri cavabdehdirlər.