|
Mövzu: Müəyyən inteqral və fırlanmadan alınan fiqurların həcmi Standart
|
| bet | 1/4 | | Sana | 27.01.2024 | | Hajmi | 1.31 Mb. | | #146923 | | Turi | Dərs |
Bog'liq 7a planlaşdırma|
Azərbaycan Dövlət Pedaqoji Universitetinin SABAH qrupları fakültəsinin Rİ-501S qrup tələbəsi Rəhimova Nübarın Nərimanov rayon 193 nömrəli tam orta məktəbin 11c sinfində “Müəyyən inteqral və fırlanmadan alınan fiqurların həcmi” mövzusunda 27.04.2023 tarixində keçəcəyi sınaq dərsin planlaşdırılması
Mövzu: Müəyyən inteqral və fırlanmadan alınan fiqurların həcmi
Standart: 2.2.7. Müəyyən inteqralın köməyi ilə fırlanmadan alınan cisimlərin həcmini hesablayır
Məqsəd: 1. Verilən əyrinin əhatə etdiyi müstəvi hissəsinin fırlanmasından alınan üçölçülü fiquru təsvir edir
2. Fırlanma nəticəsində alınan üçölçülü fiqurun həcmini hesablayır
İnteqrasiya: Texnologiya
İş forması: Kollektivlə iş, qruplarla işi, fərdi iş
İş üsulu: Beyin həmləsi, müəllimin şərhi, müzakirə, təqdimat
Resurslar: qrup tapşırıqları verilmiş iş vərəqləri
Dərsin Mərhələləri
Motivasiya. Problemin qoyuluşu - 10 dəq.
Tədqiqatın aparılması - 9 dəq.
Məlumat mübadiləsi - 5 dəq.
Məlumatın müzakirəsi və təşkili - 3 dəq.
Nəticə və ümumiləşdirmə - 5 dəq.
Yaradıcı tətbiqetmə - 10 dəq.
Qiymətləndirmə və refleksiya - 3 dəq.
Ev tapşırığının verilməsi
Dərsin Gedişi
Motivasiya. Şagirdlərlə birlikdə A4 vərəqdən istifadə etməklə müxtəlif müstəvi fiqurlar hazırlayırıq, məsələn düzbucaqlı üçbucaq, yarımdairə, düzbucaqlı, trapesiya. Daha sonra bu müstəvi fiqurları müəyyən bir ox ətrafında fırladaraq müxtəlif fəza fiqurları əldə edirik. Bu fəza fiqurlarının adları şagirdlərdən soruşulur. Bu fiqurların həcminin necə hesablanacağı barədə şagirdlərin fikirlərini öyrənirik. Onlara əyrixətli trapesiyanın sahəsinin necə hesablandığını xatırladırıq və bu iki situasiya arasında əlaqə qurmağı təklif edirik.
|
| |
