Mühazirə Optik telekommunikasiya sistemlərinin qurulma prinsipləri Hal-hazırda ots-ləri idarəetmə, informasiyanın ötürülməsi sahəsində, hərəkət edən nəqliyyat növlərində quraşdırılan vasitələrdə və s kimi sahələrdə tətbiq olunur

Download 155,12 Kb.
bet	2/2
Sana	13.06.2024
Hajmi	155,12 Kb.
	#263436
Turi	Mühazirə

1 2

Bog'liq
Mühazirə 2

a)

b)
Şəkil 1.3. İki OS-ı birləşdirilərək bir OL üzrə yayılma prosesinin sadə variantı

Şəkil 1.3,a-dan göründüyü kimi elektrik siqnalları multipleksirləşdirilən zaman A və B girişlərindən daxil olan iki impuls seriyası multipleksorun (1) köməyi ilə müəyyən olunmuş ardıcıllıqla bir-birini əvəzləyə bilən bir qrup siqnalı şəklində birləşdirilir. Qruplaşdırılmış siqnal OV-də (2) optik daşıyıcını modulyasiya edir. Modulyasiya olunmuş siqnal OS-a çevirilir və OL (3) üzrə ötürülərək OQ-yə (4) daxil olur. Burada OS yenidən elektrik siqnalına çevirilərək demultipleksora (5) verilir. Bu elektrik siqnalı demultipleksor (5) tərəfindən girişdəki siqnalların eyni olan iki impuls ardıcıllığına ayrılaraq OQ-yə (6), (7) daxil olur, oradan isə və impulsları şəklində çıxışa ötürülür.

Şəkil 1.3,b-dən göründüyü kimi OS multipleksasiya olunan zaman A və B girişindən iki seriyalı elektrik impulsları bir blokda yerləşdirilmiş OV-yə, yəni (1) və (2) blokuna daxil olur. Burada uyğun olaraq, λ₁ və λ₂ DU-larına malik olan optik daşıyıcı siqnallar modulyasiya olunur. OL paylayıcısı (3) monoxromatik işıq selini qruplaşdırır və OL-ə göndərir. Bir qrupda toplanmış işıq şüası OL üzrə yayılaraq OQ 6 və 7 bloklara daxil olur. OQ blokun tərkibində demultipleksor (5) yerləşdirilmişdir. Demultipleksor (5) bir qrupda toplanmış işıq şüalarını DU-ları λ₁və λ₂ olan iki monoxromatik optik siqnala ayırır. OQ 6 və 7 bloklarında OS iki elektrik impulslarına çevirilir.
Şəkil 1.1-də verilən struktur sxemi araşdıraraq aşağıdakı nəticəyə gəlmək olar. OLRX-nin vəzifəsindən, onun uzunluğundan, informasiyanın veriliş sürətindən və xarakteristikalarından asılı olaraq, struktur sxemdə istifadə olunan elementlər bu və ya digər səbəbdən dəyişdirilə bilər. Beləki, impuls rejimində işləyən YKL-dən, İD-dan və bərk cisimdən olan lazerdən istifadə edildikdə modulyatordan istifadəyə ehtiyac qalmır.
ŞTŞ-də stansiyalararası və nisbətən qısa uzunluğa malik olan magistral OLRX-lərində optik XR quraşdırmaq lazım gəlmir. Prinsipcə belə magistral xətlərdə, böyük itkiyə və dispersiyaya malik ORK tətbiq edilə bilər. Bu halda da informasiyanın veriliş sürətini artırmaq mümkündür. İnformasiyanı uzaq məsafəyə ötürmək üçün magistral OLRX quraşdırılan zaman vacib şərtlərdən biri XR-lar arasındakı məsafəni artırmaq və onların sayını azaltmaqdan ibarətdir. Bir çox hallarda OLRX-ləri ilə yayımlanan informasiya sadə ikili kod siqnaları (1 və 0) ilə deyil, daha mürəkkəb rəqəmli siqnalarla ötürülür. Bunun üçün xüsusi olaraq işlənmiş OTS-lərindən istifadə edilir. OL üzrə ötürülən OS-ın kodunun növünü seçərkən kodun maneədavamlılığını və onun texniki cəhətlərini nəzərə almaq lazımdır. Girişə verilən rəqəmli siqnalı koda və əksinə kodu rəqəmli siqnala çevirən zaman kod çeviricisindən istifadə olunur.
OTS-lərində əsasən optik daşıyıcı siqnalın intensivliyinin modulyasiyası üsulundan istifadə olunur ki, bu zaman OS-nın gücü elektrik siqnalının amplitudasından asılıdır. OTS-ləri üçün intensivliyin modulyasiya üsulunun seçilməsi siqnalın veriliş və qəbulunun realizasiyasının sadə olması ilə müəyyənləşdirilir. Siqnalların modulyasiya və demodulyasiya üsullarından asılı olmayaraq OTS-nin digər struktur sxemi şəkil 1.4-də verilmişdir.

Şəkil 1.4. OTS-nin struktur sxemi

Prinsip etibarı ilə optik diapazondan istifadə olunması çox böyük veriliş sürəti əldə etməyə imkan verir, lakin müəyyən səbəblərdən həmin veriliş sürətini məhdudlaşdırmaq zəruriyyəti meydana çıxır. Bu məhdudiyyətlər veriliş traktının elementləri tərəfindən yaradılır və başqa telekommunikasiya sistemlərində olduğu kimi, optik telekommunikasiya sistemlərinin də rabitə xətlərindən çoxqatlı istifadəsinə gətirib çıxarır.

Download 155,12 Kb.

1 2

Download 155,12 Kb.