|
Nazariy qism Texnologik qism
|
| bet | 1/9 | | Sana | 26.06.2023 | | Hajmi | 81.33 Kb. | | #75821 |
Bog'liq Pascal Диплом иш Pedagogik muloqot, Matn muharrirlari va Word matn protsessori, 1702135071, жбии
MUNDARIJA
Kirish
Nazariy qism
Texnologik qism
Jihozlash qismi
Iqtisodiy qism
Mehnat muhofazasi qismi
Xulosa
Foydalanilgan adabiyotlar rо‘yxati
Ilova
Kirish
Mustaqillik yillarida Respublikamizda yangi zamonaviy o`rta-maxsus, kasb-hunar ta`lim muassasalarini qurish, ularni eng zamonaviy moddiy-texnik vositalar bilan jihozlash va yoshlarni jahon standartlari talablari asosida bilim olishlari uchun barcha shart-sharoitlar yaratib berildi. Bunday ijobiy ishlar eng avvalo mamlakatimizning iqtisodiyotini yanada rivojlantirish va jahon hamjamiyatida o`zining munosib o`rnini egallashi uchun raqobatbardosh kadrlar tayyorlash tizimini sifat jihatdan yangi bosqichga ko`tarish bilan bevosita bog’liqdir.
Bu borada o`rta maxsus, kasb-hunar ta`lim muassasalarida innovatsion ta`lim texnologiyalarini joriy etish muhim ahamiyatga ega. Hozirgi o`quvchi o`qituvchidan fransformatsiya qilingan bilimlarni olishi bilan birga, ularni o`zi yangi bilimlarni mustaqil egallash malakalariga ham ega bo`lishi kerak. Buning uchun o`quvchini fanlar bo`yicha bosmali adabiyotlar bilan ta`minlash etarli bo`lib qolmay, ularning mustaqil bilim olishini tashkil etish jarayonida axborot-kommunikatsiya texnologiyalarining keng imkoniyatlaridan foydalanishini hamda mavjud axborot ta`lim resurslaridan foydalangan holda o`quvchilarda mustaqil ravishda bilim olish ko`nikmalarini shakllantirish talab etaladi.
Demak, fanlar bo`yicha davlat ta`lim standarslarida belgilangan vazifalardan kelib chiqqan holda, shuningdek axborot-kommunikatsiya texnologiyalarining keng imkoniyatlarini hisobga olgan holda o`quvchilarni elektron o`quv-uslubiy vositalar bilan ta`minlash va komp’yuter texnologiyachlari asosida mashg’ulotlarni loyihalash va ularni axborotlashgan jamiyat talablariga mos ravishda tashkil etish –davr talabidir.
Bitiruv malakaviy ishda aynan ushbu dolzarb vazifalardan kelib chiqqan xolda, kasb-hunar kollejlarida o`qitiladigan “Dasturlash” fanidan “Turbo-Paskal’” dasturlash tilini o`rganish bo`yicha elektron o`quv –uslubiy ko`rsatmalarni ishlab chiqish va uni ta`limda joriy etish masalalari bayon etilgan.
Bitiruv malakaviy ishda o`rta-maxsus, kasb-hunar ta`lim muassasalarida “Dasturlash” fanidan o`qitishning interfaol usullarini joriy etish, o`quvchilarning mustaqil bilim olishlari uchun axborot-ta`lim muhitini ishlab chiqish va ulardan foydalanishni ta`minlash, shuningdek o`quvchilarning dasturlash bo`yicha axborot madaniyatini shakllantirish masalalari asosiy vazifa etib belgilangan. Bunday o`rgatuvchi dastur komp’yuterli o`qitish texnologiyalarining bir turi bo`lib, fan bo`yicha o`quv materiallarni mustaqil o`zlashtirish hamda bilimlarni nazorat qilish imkonini beradi.
Bitiruv malakaviy ish kirish qismidan tashqari, uchta bobdan, shuningdek xulosa, adabiyotlar hamda ilova qismlaridan iborat.
Bitiruv malakaviy ishning birinchi bobida KHK larda komp’yuterli o`qitish texnologiyalarini joriy etishning nazariy asoslari xususida ma`lumotlar keltirilgan.
Bitiruv malakaviy ishning ikkinchi bobi “Turbo-Paskal’” dasturlash tilini o`rgatuvchi elektron o`quv-uslubiy ko`rsatmalarni ishlab chiqish va unday foydalanish texnologiyalari bayon etilgan.
Bitiruv malakaviy ishning uchinchi bobi mehnat muhofazasi masalalariga bag’ishlangan bo`lib, unda komp’yuter sinflarida yoritilganlik darajasiga qo`yilgan gigienik talablar, shuningdek
komp’yuter sinflarida optimal mikroiqlimni ta`minlash bo`yicha mulohazalar va takliflar bayon etilgan.
Malakaviy ishda ko`rilgan masalalar ta`lim tizimini axborotlashtirish vazifalaridan kelib chiqqan holda bajarilgan bo`lib, u muayan fan doirasida pedagogik maqsadlarga erishishda xizmat qilishi bilan birga, ta`lim sifatini oshirishga, shuningdek o`quvchilarning dasturlash madaniyatini shakllantirishga xizmat qiladi. Shuning uchun bitiruv malakaviy ishda ko`rilgan masalalarni amaliy xarakterga ega bo`lgan ish sifatida baxolash mumkin va uning natijalarini “Dasturlash” fanidan “Turbo-Paskal’” algoritmik tilini mustaqil o`rganish jarayonida foydalanish mumkin.
|
| |
