OAK-D-POE kamerasi orqali chuqurlikdagi
odamlarni kuzatish (hisoblash)
Kamera haqida
Luxonis kompaniyasining OAK-D-POE kamerasi atrof muhitni kuzatish uchun ishlab chiqilgan.Oddiy kameralardan farqli ravishda tasvirdagi inson harakatlarini aniqlay oladi va tarmoq protokollari orqali ma’lumotlarni jonli tarzda yubora oladi. Kamera tasvirga olinayotgan shaxs anonimligini (mavhumligini) saqlaydi. Loyihadan maqsad kameraning ushbu funksiyasidan foydalangan holda, kamera o’rnatilgan hududda odamlarni, harakat yo’nalishi bo’yicha sanash.
rasm. OAK-D-POE kamerasi.
Kamera qanday ishga tushuriladi ?
Kamerani Poe (Cat5e yoki undan yuqori) LAN kabeli bilan quvvatlantirish mumkin. Kabel orqali, WiFi routerga ulangan Poe switch va kamera bir-biriga ulanadi (2-rasm). Muaffaqiyatli ulanish hosil qilinganda kameraadgi led lampa o’chib yonadi(milltillaydi).
2-rasm. Kamera va Poe switch ulanishi.
Kamera davomiy ishlab turishi uchun Raspberry Pi qurilmasi kerak bo’ladi (3-rasm). U ham Poe switch ga LAN tarmoq kabeli orqali ulanadi.
3-rasm. Raspberry PI qurilmasi.
Kamera qayerga o’rnatiladi ?
Kameraning ishlash prinsipi kamera va undan ma’lum bir uzoqlikda joylashgan odamning harakatini aniqlashdan iborat. Shuning uchun kamerani inshoatlarning yuqori qismiga o’rnatgan ma’qul. Kamera o’rnatilgandan so’ng unga ortiqcha jisimlar xalaqit bermayotganiga ishonch hosil qiling. Quyida kameraning to’g’ri o’rnatilishiga misollar keltirilgan.
4 -rasm. Kamera aniqlanayotgan maydonning yuqorisiga o’rnatilishi kerak.
5-rasm. Kameraning tasvirga olish jarayoniga ortiqcha jismlar xalaqit bermasligi kerak.
6-rasm. Quyosh nurlari yoki boshqa yorug’lik manbalariga ahamiyat bering.
| 