) Istiqamətləndirici sistemlərin elektrodinamikası. Elketromaqnit sahəsi və onun vektorları. Maddə ilə elektromaqnit sahəsinin oxşarlığı

Müasir fizika elmində çoxlu hadisələrə baxılan zaman maddə ilə yanaşı sahə anlayışından da istifadə edilir. Bunlara, günəşin qravitasiya elektromaqnit, nüvə qüvvəsinin, kosmosda şüalanma və s kimi sahələr daxildir. Deməli materiya maddə və sahə kimi 2 formadan ibarətdir. Maddə ilə elektromaqnit sahəsi müxtəlif formalara məxsus olmasına baxmayaraq onların 1 sıra xassələri oxşardır. Maddə ayrı-ayrı hissəciklərdən ibarətdir. Bu hissəciklərə molekullar, atomlar, elementar zərrəciklər (protonlar, elektronlar, neytronlar və s) daxildir. EMS materiyanın xüsusi növü olub, dolmuş zərrəciklərə güclü təsir göstərir və materiyanın xassələrindən olan enerjiyə sürətə, kütləyə və impulslara malikdir. Sahə fəzada fasiləsiz paylanması ilə (elektromaqnit dalğaları) fərqlənir ki, buna da diskret zərrəciklərin və ya fotonların seli kimi baxmaq olar. Maddədən fərqli olaraq EMS sükunət kütləsinə malik deyildir. Elektromaqnit dalğaları (EMD) qravitasiya qüvvələrinin təsirinə məruz qalır. Məlumdur ki, böyük kütləyə malik olan günəşin qravitasiya qüvvəsinin təsiri nəticəsində işıq dalğaları əyilir. EMD-larının impulsları təzyiq nəticəsində yaranır və onlar maddi cisimlərə təsir göstərir. O biri tərəfdən də EMS-nın xarakterik xassələrindən olan difraksiya və interferensiya maddi zərrəciklərə məs: elektronlara təsir göstərir.