OʻZBEKISTON RESPUBLIKASI
MAKTABGACHA VA MAKTAB TAʼLIMI VAZIRINING
BUYRUGʻI
2022-2023-oʻquv yilida umumiy oʻrta taʼlim muassasalarida
oʻquvchilarning yakuniy davlat attestatsiyasini tashkil etish va oʻtkazish
toʻgʻrisida
Umumiy oʻrta taʼlim muassasalarida 2022-2023-oʻquv yilida oʻquvchilarning
yakuniy nazorat imtihonlarini tashkil etish va oʻtkazish maqsadida buyuraman:
1.
Oʻzbekiston Respublikasi Vazirlar Mahkamasining 2017-yil 15-martdagi
140-son qaroriga muvofiq
umumiy oʻrta taʼlim muassasalarida oʻquv mashgʻulotlari
25-mayga qadar davom etishi maʼlumot uchun qabul qilinsin
.
2. Quyidagilar:
yakuniy nazorat imtihonlari oʻtkaziladigan fanlarning roʻyxati va imtihon
oʻtkazish shakllari 1-ilovaga muvofiq;
xorijiy tillarni bilish darajasini baholovchi xalqaro tan olingan sertifikatlar
roʻyxati 2-ilovaga muvofiq tasdiqlansin.
3. Umumiy oʻrta taʼlim muassasalari oʻquvchilarining davlat taʼlim standartlari
asosida egallashi lozim boʻlgan malaka talablariga muvofiq bilimlarini sinovdan
oʻtkazish maqsadida 9- va 11-sinflar uchun yakuniy (bitiruv) nazorat imtihonlari
(keyingi oʻrinlarda - imtihonlar) 1-ilovada keltirilgan fanlardan tashkil etilsin.
4. 2022-2023-oʻquv yilida umumiy oʻrta taʼlim muassasalari oʻquvchilarining
bosqichli nazorat imtihonlarini oʻtkazish bekor qilinsin.
5. Imtihonlar 2023-yil 26-maydan 15-iyungacha amalga oshirilsin (Jismoniy
tarbiya fani bundan mustasno).
6. Belgilab qoʻyilsinki, umumtaʼlim fanini bilish darajasi toʻgʻrisida davlat
namunasidagi sertifikat hamda 2-ilovada keltirilgan chet tili fanlari boʻyicha kamida B1
darajadagi milliy yoki unga tenglashtirilgan mos darajadagi xalqaro tan olingan
sertifikatga ega boʻlgan oʻquvchilar imtihonidan muayyan fandan ozod qilinadi.
7. Umumiy oʻrta taʼlim muassasalarining 9-sinf oʻquvchilari uchun Jismoniy
tarbiya fanidan imtihonlar 2023-yil 1-6-may kunlari malakali tibbiyot xodimlarining
nazorati ostida oʻtkazilsin (jismoniy yoki psixik rivojlanishida nuqsoni boʻlgan bolalar
uchun ixtisoslashtirilgan maktab, maktab-internatlar hamda skolioz bilan kasallangan
bolalar uchun sanatoriy turidagi maktab-internatlar bundan mustasno).
8. Koʻzi ojiz, zaif koʻruvchi va tayanch-harakat apparatida nuqsoni boʻlgan
bolalar uchun ixtisoslashtirilgan maktab va maktab-internatlarda imtihonlar
umumtaʼlim muassasalariga qoʻyilgan talablar asosida oʻtkazilsin (Jismoniy tarbiya
fani bundan mustasno).
9. Kar,
zaif
eshituvchi
bolalar
uchun
ixtisoslashtirilgan
maktab
va maktab-internatlarida imtihonlar Ona tili va adabiyot fanidan bayon va Matematika
fanidan yozma nazorat ishi shaklida amalga oshirilsin.
10. Aqli zaif bolalar uchun ixtisoslashtirilgan maktab va maktab-internatlarda
faqat Texnologiya fani boʻyicha imtihonlar oʻtkazilsin hamda imtihonlarni oʻtkazish
muddati maktabning Pedagogik kengashi tomonidan belgilansin.
11. Taʼlim sifatini baholash, litsenziyalash va akkreditatsiyalash departamenti
(S.Radjabov), Umumiy oʻrta taʼlim tashkilotlari faoliyatini muvofiqlashtirish
boshqarmasi (E.Murodov), Qoraqalpogʻiston Respublikasi maktabgacha va maktab
taʼlimi vaziri, Toshkent shahar va viloyatlar maktabgacha va maktab taʼlimi
boshqarmalari boshliqlariga:
imtihonlarga puxta tayyorgarlik koʻrishlari uchun sharoitlar yaratish;
imtihonlarni shaffof, adolatli, xolis oʻtkazilishini taʼminlash;
imtihonlarning oʻz muddatlarida oʻtkazilishini nazoratga olish;
12. Tabiiy va texnogen sabablarga koʻra belgilangan muddatlarda imtihon
oʻtkazilishining imkoniyati boʻlmagan umumiy oʻrta taʼlim muassasalarida
imtihonlarni tuman (shahar) maktabgacha va maktab taʼlimi boʻlimlari bilan kelishgan
holda boshqa kunda oʻtkazishga ruxsat berilganligini maʼlumot va ijro uchun qabul
qilish;
imtihonlarning
natijalari,
ularni
oʻtkazish
yuzasidan
taklif
va mulohazalarni umumlashtirib, 2023-yilning 3-iyuliga qadar Respublika taʼlim
markaziga taqdim etish vazifalari topshirilsin.
13. Respublika taʼlim markaziga 2023-yilning 31-martiga qadar:
umumiy oʻrta taʼlim maktablarida taʼlim beriladigan barcha tillarda imtihonlar
oʻtkaziladigan fanlar boʻyicha, shuningdek, koʻzi ojiz, zaif koʻruvchi, kar, zaif
eshituvchi hamda aqli zaif bolalar uchun ixtisoslashtirilgan maktab va maktab-
internatlarning bitiruvchi sinf oʻquvchilari uchun namunaviy imtihon materiallarini
hamda baholash mezonlarini tayyorlash.
Bunda, umumtaʼlim maktablari oʻquvchilari uchun kreativ va mantiqiy
fikrlashga yoʻnaltirilgan topshiriqlar kiritilishi inobatga olinsin;
aqli zaif bolalar uchun ixtisoslashtirilgan maktablar va maktab-internatlarning
bitiruvchi sinflari oʻquvchilari uchun Texnologiya fanidan imtihon oʻtkazish boʻyicha
tegishli tavsiya va mezonlar ishlab chiqish;
umumtaʼlim muassasalarida 2022-2023-oʻquv yilini yakunlash, bitiruv sinflarida
yakuniy
davlat
attestatsiyasi
natijalari
boʻyicha
tahliliy
maʼlumotni
2023-yil 1-avgustgacha Taʼlim sifatini baholash, litsenziyalash va akkreditatsiyalash
departamentiga taqdim etish vazifalari yuklatilsin.
14. Axborot texnologiyalarini joriy etish va raqamlashtirish boʻlimi
(R.Musurmonov), Jamoatchilik va ommaviy axborot vositalari bilan ishlash
boshqarmasi (D.Sobirova) bilan birgalikda 2023-yil 1-aprelga qadar imtihon
materiallarini vazirlikning rasmiy veb-sayti (uzedu.uz) va eduportal.uz axborot taʼlim
portaliga joylashtirsin.
15. Ushbu buyruqning bajarilishini nazorat qilish vazirning birinchi oʻrinbosari
U.Sharifxodjayev zimmasiga yuklatilsin.
Vazir
X.Umarova
Toshkent sh.,
2023-yil 6 - mart,
46 - son
IJRO.GOV.UZ тизими орқали ЭРИ билан тасдиқланган, Ҳужжат коди: KU33690352
IJRO.GOV.UZ тизими орқали ЭРИ билан тасдиқланган, Ҳужжат коди: KU33690352
|
