292
Axborotni himoyalashning apparat vositasi – axborotni ishlovchi texnik
vositasi komplekti tarkibiga kiruvchi maxsus himoyalovchi qurilma yoki moslama.
Axborotni huquqiy himoyalash – axborotni himoyalash bo’yicha subyektlar
munosabatini rostlovchi qonuniy va me’yoriy xujjatlarni (aktlarni) ishlab chiqishni,
hamda ularning bajarilishini nazorat qilishni o’z ichiga oluvchi axborotni xuquqiy
usullar yordamida himoyalash.
Axborotni ishlovchi himoyalangan texnik vosita – himoyalash vositalari va
usullari ishlab chiqish va tayyorlash bosqichida amalga oshirilgan axborotni
ishlovchi texnik vosita.
Axborotning buzilishi – tashqi ta’sirlar (halallar), apparatura ishlashidagi
buzilishlar, yoki xizmatchi xodimning bilimsizligi natijasida texnik vositalarida
ishlanuvchi axborotning tasodifiy ruxsatsiz modifikatsiyalanishi.
Bot - oddiy foydalanuvchi interfeysi orqali avtomatik tarzda va/yoki berilgan
jadval bo’yicha qandaydir harakatlarni bajaruvchi maxsus dastur. Kompyuter
dasturlari muhokama qilinganida bot atamasi asosan Internetga qo’llash bilan
ishlatiladi.
Botnet - ishga tushirilgan botlarga ega bir qancha sonli xostlardan tashkil
topgan kompyuter tarmog’i. Odatda kompyuterlarga bo’ladigan tarmoq xujumlarini
(spamni tarqatish, foydalanuvchilarning shaxsiy ma’lumotlarini o’g’irlash,
masofadagi tizimda parollarni saralash, xizmat qilishdan voz kechishga undash
hujumlari va x.) koordinatsiyalash uchun ishlatiladi (inglizcha robot va network
so’zlaridan olingan.).
Buferning to’lib – toshishi hujumi – buferdagi oldindan aniqlangan
hajmdagi makonni qaytadan yuklash usuli bo’lib, xotiradagi ma’lumotlarni qayta
yozishi va shikastlashi mumkin.
