175
Mobil aloqa tizimlari va bulutli texnologiyalar ishlab chiqarish
samaradorligini oshirishi mumkin, ammo ular qoʻshimcha xavf
tugʻdiradi. Bunda Resurslarni himoya qilish uchun foydalanuvchilarni,
ilovalarni, qurilmalarni va tarmoqdagi tahdidlarni kuzatishingiz va
boshqarishingiz kerak. Cisco ASA 5500-X seriyali tarmoqlararo
ekrani kerakli tarmoq koʻrinishini, rivojlangan tahdidlar va zararli
dasturlardan yuqori darajada himoyani va xarajatlarni kamaytirish va
infratuzilmani
soddalashtirish
uchun
yuqori
darajadagi
avtomatlashtirishni ta'minlaydi.
Cisco ASA tarmoqlararo ekrani imkoniyatlari, uning ishlashi va
uni oʻrnatish va sozlash haqida gapirishdan oldin, tarmoqlararo ekran
texnologiyasining oʻzi qanday ishlashini koʻrib chiqish lozim.
Tarmoqlararo ekran - bu kiruvchi va chiquvchi tarmoq trafigini
kuzatuvchi va xavfsizlik qoidalarining belgilangan toʻplamiga
asoslanib, ma'lum trafikka ruxsat berish yoki berkitishga qaror
qiladigan tarmoq xavfsizligi qurilmasi (15.1-rasm).
