O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
O’ZBEKISTON RESPUBLIKASI MADANIYAT VAZIRLIGI
O‘ZBEKISTON DAVLAT KONSERVATORIYASI
“Tasdiqlayman”
O‘ZDK rektori
__________________
«___» _______2019 yil
|
“Kelishildi”
O‘zbekiston Respublikasi
madaniyat vazirligi
____________________
«___» ________2019 yil
|
IJODIY (KASBIY) IMTIHONLAR DASTURI
VA BAHOLASh MEZONLARI
“MUSIQASHUNOSLIK ASOSLARI” FANI
5150201 – San’atshunoslik: musiqashunoslik
ta’lim yo‘nalishi uchun
Toshkent – 2019 yil
Dastur O‘zbekiston davlat konservatoriyasi o‘quv-uslubiy kengashida ko‘rib chiqilgan va ma’qullangan. 2019 yil 31 maydagi 7-sonli majlis bayoni.
Tuzuvchilar: O‘zDK, “Musiqa tarixi va tanqid” kafedrasi
professori, s.f.n. I.G.Galushenko
O‘zDK, “O‘zbek maqomi tarixa va nazariyasi” kafedrasi
mudiri v.v.b., katta o‘qituvchi A.Zokirov
Kirish
Bakalavriat bosqichiga kiruvchi abiturienlar uchun tuzilgan mazkur dastur - bakalavriat ta’lim yo‘nalishining 5150201 – San’atshunoslik: musiqashunoslik ixtisosligi bo‘yicha ijodiy (kasbiy) imtihonlar tarkibiga kiradi.
Fanning maqsadi va vazifalari
“Musiqa adabiyoti” fanidan sinovlar dasturining maqsadi - abituriyentlar musiqa san’atiga oid fan tarmoqlarining tizimi haqida, ularning tub xususiyatlarini idrok etish, shakllanishi va taraqqiyot yo‘lini kuzatib o‘rganish, xalq musiqasi, mumtoz-an’anaviy, bastakorlik va kompozitorlik musiqa ijodiyotining ilmiy asoslari haqida chuqur tasavvurga ega bo‘lganliklarini namoyish etishlari zarur.
“Musiqa adabiyoti” fanini o‘zlashtirishdan kelib chiqadigan vazifalar - abituriyentlar turli yo‘nalishlarda bilimlarga ega bo‘lganliklarini namoyish etishlaridan iboratdir. “Musiqa adabiyoti” fani yuzasidan abituriyentlar ilmiy yo‘nalishlarning yuzaga kelish sabablari, atamalarning ilmiy jihatdan birdan-bir to‘g‘ri talqinlari, tayanch tushunchalar, musiqashunoslikning rivoj topish yo‘llari hamda shu kunga qadar qo‘lga kiritilgan yutuqlar va amalga oshirilgan muhim tadqiqotlar haqida bilim va ko‘nikmalaraga ega bo‘lishlari lozim. Bundan tashqari abituriyent o‘zining kelajakdagi mutaxassis faoliyatining turli ilmiy yondoshishlarini o‘rganib, shu jumladan ilmiy ishni tashkil qilish usullarini, ilmiy tadqiqotning uslubiyati va texnikasi, adabiyot, nota va boshqa manbalar bilan ishlash uslubi musiqashunoslikda qo‘llaniladigan boshlang‘ich axborot texnologiyalar bilan tanish bo‘lishlari zarur.
Musiqashunoslik fakultetiga kiruvchi abituriyentlar quyidagi bilimlarga ega bo‘lishlari lozim:
1. O‘rta maxsus musiqa maktablari va kasb-hunar kollejlariining talabi hajmida jahon xalqlari musiqa adabiyotini, jahon xalqlari musiqiy madaniyatining ko‘zga ko‘ringan hodisalari va bosqichlarini, O‘zbek musiqa adabiyotini, musiqa madaniyati va ijodiyoti namoyandalari (bastakorlar va kompozitorlar) va sohaga oid taniqli chet el va o‘zbek mutaxassislarining ilmiy ishlari va maxsus adabiyotlardan xabardor bo‘lishi kerak. Shuningdek, abituriyent oldiga qo‘yiladigan yana muhim talablardan biri ijtimoiy-siyosiy masalalarda aniq va savodli fikr yurita olish, san’at va madaniyat sohalarida kechayotgan jarayonlardan boxabar bo‘lishi, mustaqil ravishda aniq musiqiy asarni puxta tahlil qila olishi shart.
«Musiqa adabiyoti» bo‘yicha imtihon o‘zbek va rus tillarida ko‘p ballik tizim asosida baholanadi. Imtihon yozma va og‘zaki shakldan iborat.
Abituriyent bilimiga qo‘yiladigan talablar
Abituriyent “Musiqa adabiyoti” fanidan o‘quv dasturi doirasida to‘laqonli bilimga ega bo‘lgan holda og‘zaki ma’lumotlarni mantiqan to‘g‘ri bajarganda, muayyan davr, namoyanda yoki asar xususida to‘laqonli fakrlar bayon etganda shuningdek, fan bo‘yicha bilimlari yuqori badiiy darajada bo‘lganida qo‘yiladi. Talabaning musiqiy tarixiy va tahliliy ma’lumotlarni yorqin, asosli va tushunarli gapirib berish mahorati namoyon bo‘lishi kerak.
Yozma
Abituriyentga jahon musiqa adabiyoti va o‘zbek musiqa adabiyotidan 4 ta mavzu taqdim etiladi. Ulardan birini tanlab, uni mazmun-mohiyatini ochib berish talab etiladi. Yozma matnda abituriyent musiqa adabiyoti fanidan tarixiy bilimlarni namoyon etib, yozish qobiliyatiga ham ega bo‘lishi shart. Taxminan tavsiya etiladigan mavzularga misol:
1. I.S. Bax va zamonoviylik.
2. Verdi. Rigoletto.
3. Navoiy va musiqa
4.M.Burxonovning ijodiy qiyofasi.
Yozma ishda abituriyent kompozitor ijodini yoki biron musiqa asarining badiiy, estetik va tarixiy ahamiyatini hamda uslubiy jihatlarini ochib berishi kerak. Musiqa akademik litseylari va kollejlari dasturi hajmida musiqa adabiyoti fanidan olingan bilim bo‘yicha barcha vositalardan foydalanish tavsiya etiladi – 63.0 ball. Yozma ishni bajarish bo‘yicha asosiy talablar:
1. Musiqiy materialni o‘zlashtirganlik darajasi;
2. Darslikdan tashqari musiqashunoslik adabiyotlardan foydalanishi;
3. Yozma ish ravon, savodli adabiy tilda bajarilishi;
4. Mustaqil fikrlash qobiliyati mavjudligi;
5. Ishning tarkibida: kirish, asosiy qism va xulosalar bayoni;
6. Ishning hajmi, dastxatda to‘rt betdan kam bo‘lmasligi lozim. Bajarish muddati – 3 soatgacha.
Ijodiy imtihon abituriyent tomonidan bajariladigan amaliy ish (og’zaki savol-javoblar) quyidagi mezon asosida baholanadi:
Og‘zaki
№
|
Savollar mazmuni
|
To‘liq javob uchun ball
|
1.
|
Chet el musiqa adabiyoti
|
15
|
2.
|
Rus musiqa adabiyoti
|
15
|
3.
|
O‘zbek xalq va an’anaviy musiqa merosi
|
15
|
4.
|
O‘zbek kompozitorlik ijodiyoti
|
15
|
Jami
|
60
|
“Musiqa adabiyoti” bo‘yicha abituriyentlarning to‘plash mumkin bo‘lgan maksimal ball- 123 ball.
Ixtisoslik fanidan ijodiy imtihonlarda qatnashmagan abiturientlar keyingi sinovlarga kiritilmaydi.
Apellyatsiya tartibi
Abituriyentlar tomonidan kasbiy (ijodiy) imtixon natijalari bo‘yicha konservatoriya qabul komissiyasining apellyatsiyalar bilan ishlash hay’atiga natijalar e’lon qilingan kunidan boshlab 24 soat davomida murojaat qilishlari mumkin. Murojaat mazmunida faqat o‘zining ballari haqida bo‘lsa qabul qilinadi. Lekin boshqa abituriyentlar xaqida yozilgan shikoyat arizalari qabul qilinmaydi.
|