Fanning ishlab chiqarishdagi o’rni

O’zbekiston mustaqillikka erishgandan so’ng respublikamiz qishloq xo’jaligining hamma sohalarida keskin ijobiy o’zgarishlar sodir bo’lmoqda. Bu o’zgarishlar ayniqsa qishloq xo’jaligidagi dolzarb masalalarni ham to’la qamrab olgan. So’ngi yillarda respublikamizda qishloq xo’jaligini rivojlantirish maqsadida mulkchilikning yangicha shakllarini ta’minlash, bozor iqtisodiyotiga o’tish borasida islohotlarni chuqurlashtirishga e’tibor berilmoqda.

O’zbekiston Respublikasi sharoitida dehqonchilikning ahamiyati juda katta. Ilmiy asoslangan dehqonchilik qonunlari va meliorativ tadbirlarni keng qo’llamasdan turib, qishloq xo’jalik ekinlaridan muntazam ravishda yuqori hosil olish va rentabellikni oshirishga erishish mumkin emas. Shu sababdan ushbu fan asosiy ixtisoslik fani bo’lib, sug’oriladigan dehqonchilikning ajralmas qismi hisoblanadi.