|
Şəxsiyyətin natamamlıq və səriştəsizlik kompleksinin korreksiyası
|
bet | 1/5 | Sana | 01.10.2023 | Hajmi | 38.53 Kb. | | #85947 |
Bog'liq XXXII MƏŞĞƏLƏ ŞƏXSİYYƏTİN KORREKSİYASI XXXI MƏŞĞƏLƏ ŞƏXSİYYƏTİN KORREKSİYASI 1
Şəxsiyyətin natamamlıq və səriştəsizlik kompleksinin korreksiyası
Şəxsiyyətin psixoloji problemlərinin həlli üçün istifadə edilən korreksiya metodları konkret psixoloji vəzifələrin həlli ilə bağlı olaraq müəyyənləşir. Problemin həlli müxtəlif yollarla həyata keçirilə bilər. Müəyyən bir metodun konkret şəraitdə həyata keçirilməsi hərəkətlərin mənimsənilməsi ilə təyin edilir. Məsələn, kiminsə özü ilə bağlı düşüncələrinin dəyişdirilməsi üçün onun baxışlar sistemində yeni baxışların yaradılması lazım gəlir. Bu proses yeni baxışla əvvəlki arasında nə dərəcədə ziddiyyət təşkil etməsindən asılı olaraq müxtəlif üsullarla həyata keçirilir. Prosesin qurulmasında yalnız metodun özü, onun səmərəliliyi əsas şərt deyildir. Bu vəzifəni həll edən psixoloqun peşəkarlığı, eləcə də kliyentin korreksiyaya hazır olması və özünüreallaşdırma marağı da nəticələrə təsir göstərir. Şəxsiyyətin natamamlıq və səriştəsizlik kompleksinin korreksiyası da bir sıra mərhələlərlə həyata keçirilir.
Nümunə 3
Bu istiqamətdə müraciət edənlərdən biri rayon sakinlərindən idi. Narahatlığının səbəblərini həyatdan zövq ala bilməmək, hər şeyə qarşı biganəlik, həyatın “dadsız” olması kimi ifadə edirdi. Ali təhsilli mühəndis, 28 yaşında, ailəli, 2 övladı var.
I mərhələ
Əvvəlcə diaqnostikaya başladıq.
С.Ravenin “İntellektin proqressiv matrisası” .
K.Yunqun “Şəxsiyyət sorğusu”.
“Daxili resursların müəyyənləşdirilməsi” testi.
“Yağışda adam” və “Mövcud olmayan varlıq” proyektiv testləri.
Nəticələr:
İntellektin proqressiv matrisası üzrə yaşa görə yaxşı nəticə - 128 bal.
K.Yunqun “Şəxsiyyət sorğusu” üzrə - introvert.
“Daxili resursların müəyyənləşdirilməsi” testi üzrə - öz potensialını qiymətləndirmədə çətinliklər, onları aşkaretmə marağının olmaması.
Leonqardın “Xarekterin aksentuasiyası” şkalası.
“Yağışda adam” testi üzrə-sosial mühitədən özünütəcridetmə, gərəksizlik və dəyərsizlik hissi.
“Mövcud olmayan varlıq” testi üzrə - sosiallaşmaya maraqsızlıq, özünümüəyyənləşdirmədə çətinliklər, həyat yolunu düzgün müəyyənləşdirə bilməmək, bacarıqsızlıq və natamamlıq hissi.
|
| |