Moyli xom ashyoning asosiy turlari

Moyli xom ashyolar deb, sanoat miqyosida moy ishlab chiqarilganda iqtisodiy samara beradigan moyli urug‘larga aytiladi. Moyli xom ashyolar quyidagi turlarga bо‘linadi:

1. Faqat moy olish maqsadida о‘stiriladigan о‘simliklar urug‘i (kungaboqar, raps, kunjut).

2. Faqat moy olish maqsadida emas, balki boshqa maqsadlar uchun ham о‘stiriladigai о‘simliklar urug‘i:

a) tо‘qimachilik sanoati uchun (paxta, kanop); b) atir-upa sanoati uchun (koriandr-kashnich); v) eng qimmatbaho qismi oqsil va uglerod bо‘lgan о‘simliklar (soya, gorchisa, yeryong‘oq).

1.3.1-jadval.

Moyli urug‘larni kimyoviy tarkibi: (xarakateristikasi)

3. Meva, sabzavot va poliz ekinlarini urug‘i ham ikkinchi darajali moy olinadigan xom ashyolar hisoblanadi:

a) boshqa ishlab chiqarish korxonalarining chiqindisi (makkajо‘xori, guruch va bug‘doy kurtaklari), b) tarkibida moy bо‘lgan oziq-ovqat sanoati chiqindisi (о‘rik, shaftoli, olcha, olxо‘ri, uzum danaklari, qovun, tarvuz, pomidor urug‘lari).

О‘simlik urug‘i ya’ni moy olish mumkin bо‘lgan xom ashyolar 2 guruhga bо‘linadi:

1) pо‘stloqli; 2) pо‘stloqsiz.

Kungaboqar, paxta chigiti, soya, yeryong‘oq pо‘stloqli urug‘lar jumlasiga kiradi, ular qayta ishlanganda albatta chaqiladi va mag‘iz pо‘stloqdan ajratiladi. Raps, zig‘ir, kunjut pо‘stloqsiz urug‘larga kiradi. Bu urug‘lar chaqilmasligiga sabab, ularning pustlog‘i yupqa va mag‘izga yopishgan holda bо‘ladi. Agar biz ishlab chiqarishda, ya’ni urug‘larni qayta ishlaganda chaqsaq, moyni chiqishi kamayib ketgan bо‘lar edi, chunki chaqilganda pо‘stlog‘i bilan birgalikda mag‘iz ham о‘tib ketib, isrofgarchilikka olib keladi [15,16,18].

Urug‘lar moyliligiga qarab uch turga bо‘linadi:

1) sermoy urug‘lar; 2) о‘rtacha moyli urug‘lar; 3) kam moyli urug‘lar.

Sermoy urug‘larga: kunjut, kanakunjut,kungaboqar, zig‘ir kiradi. Ularning mag‘zi tarkibida 56-75% moy bо‘ladi. О‘rtacha moyli urug‘larga: chigit, yeryong‘oq, raps kiradi. Ularning mag‘izi tarkibida 36-55% moy bо‘ladi.

Kam moyli urug‘larga: loviya va shunga о‘xshash о‘simliklarning urug‘lari kiradi. Ular mag‘zi tarkibida 15-35% gacha moy bо‘ladi.

Yog‘-moy korxonalarida pomidor sharbati va pastasi ishlab chiqarishdagi chiqindi hisoblangan pomidor urug‘i (moy miqdori 26-28%), vino va sharbat ishlab chiqarish chiqindisi - uzum urug‘i (moy miqdori 15-16%), shuningdek tarvuz, tamaki, choy urug‘laridan ham moy olinadi.

1.3.2-jadval.

Meva tarkibi.

Saqlash davomida xom ashyoda rо‘y beradigan biokimyoviy о‘zgarishlar. Kritik namlik tushunchasi. Anaerob va aerob holatlar. Urug‘larning nafas olishi. О‘z-о‘zidan qizish holati.Moyli urug‘larni saqlash - tayyorlov tizimidagi korxonalarning va yog-moy sanoati korxonalari ishining asosiy bosqichidir. Moyli urug‘larni saqlashda ularning biologik xususiyatlari bir qator noqulayliklar kelib chiqishga sabab bо‘ldi. Tо‘g‘ri saqlashni tashkillashtirmasaq, moyli urug‘larning sifatiga ta’sir etuvchi asosiy omillarni bilmay saqlash moyli urug‘larni buzilishiga olib keladi. Bu buzilish urug‘larni va ular tarkibidagi moy miqdorini kо‘p miqdorda yо‘qolishiga olib keladi.

Yog‘ korxonalariga kelayotgan moyli urug‘larning sifati bir qancha omillarga: ekilgan urug‘ning о‘sish, hosilni yig‘ish sharoitiga, paxta punktlarida saqlash va ularni yog‘ korxonalariga tashish sharoitlariga bog‘liq.

Moyli xom ashyo saqlash davrida bir qancha biokimyoviy о‘zgarishlarga uchrashi mumkin.Bunda fermentlar ta’siri ostida urug‘larning tarkibi о‘zgarib boradi. Fermentlar chigitningnamligi va harorati meyordan oshgan vaqtda mag‘iztarkibini buzib, uchglisirid, oqsil, karbonvodorod, gossipol va boshqa murakkab qо‘shilmalarning parchalanishiga sabab bо‘ladi. Natijada chigitningmag‘zi tо‘q sariq yoki qora rangga aylanib, tarkibida erkin yog‘ kislotalari, aldegid, keton va boshqa badbо‘y hidli moddalar paydo bо‘ladi. Bunday chigitlar «kuygan», «buzilgan» chigitlar deyiladi. Chigit «buzilgan»da uning mag‘zi tarkibi о‘zgaradi, ishqorda eriydigan oqsil moddalar kamayadi. Kuygan chigitlardan kislota soni yuqori bо‘lgan sifatsiz moy chiqadi.

Urug‘ xujayralarida erkin suv hosil qiluvchi va xujayraning nafas olishini tezlashtiruvchi namlik kritik namlik deb ataladi. Shuning uchun moyli urug‘larni saqlashda, ularni buzilishini oldini olish maqsadida, moyli urug‘larning namligini kritik namlikdan past mikdorda ushlab turiladi.

Kritik namlik kattaligi urug‘larning kimyoviy tarkibiga bog‘liq. Urug‘da yog‘ miqdori qancha kо‘p bо‘lsa, ularning kritik namligi shuncha past bо‘ladi.

V_kr= 14,5(100- M)/ 100 (1.3.1.)

bu yerda, V_kr – urug‘ning kritik namligi, %

M –urug‘niig moy miqdori, %

Moyli urug‘ning moyliligiqancha yuqori bо‘lsa, ularni shuncha past namlikda saqlash talab qilinadi. Moyli urug‘larni kritik namlikdan yuqori bо‘lgan namlikda saqlansa, urug‘ning nafas olish tezlashadi va atrofga kо‘p miqdorda suv va issiqlik ajraladi.

Urug‘ni toza, quruq holatda, namligi kritik nuqtadan 1-2 foiz kamroq bо‘lgan holda saqlansa, urug‘ juda yaxshi saqlanadi. Uzoq muddat saqlanadigan urug‘larning namligi quyidagichabо‘lishi kerak: kungaboqarniki-6-7%; paxta chigitiniki-9%; loviyaniki – 12%; zig‘ir, kunjut, indovniki – 8%. Urug‘larni saqlashda doim harorat nazorat qilib turiladi. Agar u oshib ketsa, sovutish, tozalash, quritish, shabadalashtirish kerak [19, 20,21].

Moyli urug‘lar о‘ziga xos bir tirik organizmdir. Ularda ham tо‘xtovsiz modda almashinish jarayoni davom etadi. Urug‘dagi oddiy moddalarga uglevodlar (glyukoza) kiradi. Bu moddalar havodagi kislorod bilan birikib suv va karbonat angidrid gazini hosil qiladi.

С₆H₁₂O₆ + 6O₂→6CO₂+6H₂O+2872 kJ

Bu reaksiyada hosil bо‘lgan suv va SO₂ urug‘larni buzilishiga olib keladi. Bu keltirilgan formula nafas olishning (achishning) kimyoviy balansini ifodalaydi. Agar nafas olishda kislorod mо‘l-kо‘l bо‘lsa, bu jarayon «Aerob» jarayon deyiladi. Kislorod kamligida borsa, «Anaerob» jarayon deb ataladi va molekulalarning parchalanishi natijasida boradi.

С₆H₁₂O₆→2C₂H₅O|H + 2CO₂+ 234 kJ

Harorat, namlik va havoning ta’siri nafas olish jarayoniga asosiy ta’sir etuvchi belgilardir.

Iflos aralashmalar namligi qanchalik yuqori bо‘lsa, nafas olish jarayoni shunchalik tez boradi, hattoki xona haroratida ham borishi mumkin.

Namlik 15%, harorati 20⁰ C dan 49⁰ C ga kо‘tarilganda CO₂ ni ajralib chiqishi 4 martaga oshadi. Urug‘larning rivojlanish jarayoni fermentlar yordamida boradi. Bularga asosan 2 gruppa fermentlari kiradi [25,27].

1) Oksidaza, urug‘dagi oksidlanish jarayonini tezlashtiradi;

2) Gidrolaza, urug‘dagi organik moddalarni gidroliz reaksiyasini tezlashtiradi.

Nafas olish jarayonining aerob va anaerob sharoitidagi rivojlanishi.

1.3.3-jadval.

Urug‘ ajratgan CO₂ miqdori.

№	Namlik: %	150g urug‘ ajratgan CO2 mikdori, mg
		Aerob jarayonida	Anaerob jarayonida
1	9,84	2,08	0,07
2	11,93	6,00	0,65
3	14,04	10,67	1,47
4	16,00	21,15	1,96
5	19,50	29,82	3,25

Mikrofloralarning ta’siri. Urug‘larga asosan mikroorganizmlar xо‘jaliklar dalalarida hosilni yig‘ishtirayotgan vaqtda yoki saqlaganda tushib qoladi. Moyli urug‘lar mikroorganizmlar uchun juda yaxshi oziqlanadigan sharoit yaratib beradi. Asosan moyli urug‘larda bakteriyalar va «Mog‘or»lar borligi aniqlangan. Bu mikroorganizmlar urug‘larning buzilishiga, chirishiga sabab bо‘ladi. Mog‘or chigit pо‘stlog‘ini gidroliz jarayoniga uchrata oladi, natijada bu zararlangan pо‘stloq orqali urug‘ni ichki qismiga, ya’ni mag‘izga boshqa mikroorganizmlar kirishiga yо‘l ochib beradi. Bunday zararlangan urug‘larni tezda tozalash kerak, chunki bu mikroorganizmlar urug‘dagiga nisbatan iflos aralashmalarda kо‘p bо‘ladi. Bu mikroorganizmlarni rivojlanish jarayonini о‘sishini quyidagi belgilardan bilamiz:

- urug‘larni rangi о‘zgarishidan;

- dog‘lar paydo bо‘lishidan;

- mog‘or hidi kelishidan;

- haroratni oshishidan.

Iflos aralashmalardan tozalanmagan moyli urug‘lar о‘z – о‘zidan qizib ketib yong‘in chiqishi mumkin.

Moyli urug‘larni saqlashda о‘z-о‘zidan qizib ketishi. Sizga ma’lumki, nafas olish jarayonida issiqlik va suv ajraladi. Urug‘larni issiqlik о‘tkazuvchanligi yomon bо‘lganligi sababli issiqlik tо‘planib boradi. Qayerda namlik yoki iflos aralashmalar kо‘p bо‘lsa, о‘sha joyda о‘z-о‘zidan qizish jarayoni boshlanadi. О‘z-о‘zidan qizish natijasida harorat 65-75°S ga kо‘tarilib ketadi, moyli urug‘larning rangi о‘zgaradi, mog‘or xidi kо‘tariladi, moyning kislotalar soni (K.S.) oshadi. О‘z-о‘zidan qizish natijasida yong‘in chiqishi mumkin. Buni oldini olishning asosiy usullaridan biri urug‘larni toza va quruq holda saqlashdir. Tashqarida saqlanayotgan urug‘larda ham, havo ta’sirida о‘z-о‘zidan qizish jarayoni rо‘y berishi mumkin. Shuning uchun saqlanayotgan moyli urug‘larni holati doim nazorat qilib turiladi [30, 31].

Moyli urug‘larni saqlash tartiblari. Asosan quyidagi saqlanish tartiblari ishlatiladi.

1. Quruq holda saqlash.

2. Sovitilgan holda saqlash.

3. Havosiz joyda saqlash.

Saqlashning qо‘shimcha tartiblariga quyidagilar kiradi.

a) aralashma va iflosliklardan tozalash;

b) aktiv ventillyasiyalash;

v) kimyoviy konservasiyalash.

Urug‘larni quruq holda saqlash. Moyli urug‘larni bu holda saqlash juda keng tarqalgan bо‘lib, eng arzon va oson usuldir. Ma’lumki, quruq holda saqlanayotgan xom ashyo namligi kritik namlikdan iloji boricha past bо‘lishi lozim. Past namlik bilan saqlanayotgan xom ashyo tarkibida oksidlanish jarayoni sust, nafas olish nihoyatda sekin, mikroorganizmlarning ta’siri juda kam bо‘ladi, chunki past namlikda saqlanayotgan xom ashyo yarim anabioz holda bо‘ladi.

Urug‘larni sovitilgan holda saqlash. Hamma tirik komponetlar ma’lum haroratda rivojlanadi. Optimal haroratdan past xaroratda urug‘larning ham, mikroorganizm-larning ham hayotiy rivojlanishi susayadi. Bu 10°S dan past haroratda kuzatiladi. Moyli urug‘larning kam issiqlik va harorat о‘tkazuvchanligini xisobga olib, ularni saqlashdan oldin bir marotaba sovitib olinsa, bu holat о‘zoq muddat saqlanib turishi mumkin. Lekin bu usulda saqlash uchun omborxonalar deyarlik germetik bо‘lishi va maxsus sovutish moslamalari bilan jihozlangan bо‘lishi lozim. Bu esa albatta juda qimmat turadi [35,38].

Havosiz joyda saqlash tartibi. Yuqorida о‘rganilgan ma’lumotlardan ma’lumki, xom ashyo havosiz joyda saqlansa unda fakatgina anaerob nafas olish jarayoni bо‘ladi. Bu esa о‘z yо‘lida xom ashyoni nisbatan uzoqroq vaqt saqlash imkonini beradi. Lekin havosiz joyda saqlash uchun omborxona nihoyat germetik bо‘lishi shart. Bunday omborxonalarni qurish nihoyatda katta mablag‘ talab qiladi.

Turli moyli urug‘larning saqlanish xususiyatlari. Barcha turdagi moyli urug‘lar uchun ishlatilayotgan omborxonalar quruq bо‘lishi kerak, pol yer osti suvlaridan izolyasiyalangan bо‘lishi, devorlar oqlangan yoki bо‘yalgan bо‘lishi lozim. Tom yomg‘ir va qor suvlarini о‘tkazmasligi, eshiklar zich yopilishi kerak. Omborxona urug‘ tashlanishidan oldin barcha chiqindilardan, har xil kemiruvchilardan tozalanishi va mumkin bо‘lgan pereparatlar bilan dizenfeksiya qilinishi kerak. Asosiy talab shundan iboratki, omborxoia toza, quruk va yaxshi ventillyasiyalanadigan bо‘lishi lozim. Saqlashning asosiy usullari yirik о‘lchamli urug‘lar uchun tо‘kib saqlanish, mayda о‘lchamli urug‘lar uchun esa qoplarda, maxsus konteynerlarda yoki siloslarda bajariladi.

1. Kanakunjut (keleshivina) saqlanishi. Bu urug‘ning namligi 6% gacha bо‘lganda omborxonaga tо‘kilib, urug‘ning qalinligi 5m gacha bо‘lgan qalinlikda saqlanishi mumkin. Agar namligi 6% dan yuqori bо‘lsa, unda saqlanayotgan urug‘ning qalinligi 3m gacha kamaytirilishi kerak.

2. Kanop, indov – bu urug‘lar о‘lchamlari mayda bо‘lishiga qaramasdan namligi 8% gacha bо‘lganda, tо‘kish yо‘li bilan saqlash mumkin. Namligi yuqori bо‘lganda uzoq saqlamasdan qayta ishlash lozim.

3. Gorchisa urug‘i – bu urug‘ saqlanishidan oldin imkon boricha tо‘la tozalanishi lozim, aks holda tez buziladi. Saqlanayotgan gorchisa urug‘ining namligi 8%dan oshmasligi kerak.

4. Soya urug‘i – tarkibida 50% gacha oqsil modda bо‘lganligi sababli, u nihoyatda gigroskopik xususiyatga ega. Shuning uchun soya urug‘i saqlash jarayonida tez buziladi. Uzoq muddatga saqlanayotgan urug‘ namligi 11% dan oshmasligi kerak.

5. Kungaboqar urug‘i – moyliligi yuqori bо‘lganligi sababli kritik namligi ancha past, shuning uchun uzoq muddatga mо‘ljallab saqlanayotgan kungaboqar urug‘i namligi 6-7 % dan oshmasligi kerak. Kungaboqar va soya urug‘lari silos tipidagi yer omborxonalarida saqlanishi lozim.

6. Paxta chigiti (о‘rta tolali) – ustida 4,5% dan oshiq bо‘lmagan lint qoplami bо‘lganligi tufayli bu urug‘ning oquvchanligi juda past, shuning uchun paxta chigiti poli tekis yoki qiya bо‘lgan usti yopiq omborlarda saqlanadi. Uzoq muddatga (2 oydan oshiq) mо‘ljallab saqlanayotgan chigit namligi 1-3 navlar uchun 9% dan oshiq bо‘lmasligi kerak. Namligi 9% dan oshiq bо‘lgan va 4-nav chigitlari birinchi navbatda saqlanmasdan ishlatilishi lozim. Omborxonalarning hajmi yotishmagan hollarda о‘rta tolali paxta chigiti ochiq maydonchalarda ham piramida shaklida saqlanishi mumkin [39,40].

Ingichka tolali paxta chigiti ustidagi lint qavati 4,5% dan kam bо‘lib, asosan yopiq poli kiya bо‘lgan omborxonalarda saqlanadi.

Urug‘larni saqlash omborlari. Omborxonalarning turlari.

1. Elevatorli yoki selosli omborxonalar metall konstruksiyadan yoki temir beton konstruksiyadan iborat bо‘lib silindrik formada, balandligi 24 yoki 30 m, diametri 6 m yoki 12 m bо‘ladi. Silindrlar orasidagi bо‘shliq «yulduzcha» lar ham xom ashyo saqlanishi uchun ishlatilishi mumkin. Bu tipdagi omborxonalar keng qо‘llamda tarqalgan bо‘lib, oquvchanligi yaxshi bо‘lgan urug‘lar uchun ishlatiladi.

2.Mexanizasiyalashtirilgan omborxonalar. Bu tipdagi omborxonalarniig poli qiya qurilgan bо‘lib, urug‘ning pastki galareyaga transport vositasiga uzatish uchun qulaylik yaratadi. Bunday omborxonalarning eni 8-32 metrgacha, balandligi 15 m gacha, uzunligi turlicha bо‘ladi.

3. Chayla tipidagi omborxonalar. Bu omborxonalarning poli tekis bо‘lib, turli xildagi urug‘lar va shu jumladap paxta chigiti saqlanishi mumkin.

Xulosa.

1. 
   Adabiyotlardagi manbaalarni tahlil qilishdan aytish mumkinki O’zbekistonda yog’-moy sanoati juda yaxshi rivojlangan.
   
2. 
   Moyli xom ashyosining bir necha turlari mavjud.
   
3. 
   Moyli o’simliklar yetishtirish O’zbekiston aholisini moy mahsulotlariga bo’lgan talabini to’la qoplaydi.
   
4. 
   Yorug’lik oqimi intensivligining turli moylarda susayishi qonuniyati o’rganildi;
   
5. 
   Iste’moldagi moylarga xos kritik nuqtalar aniqlandi.