143
•
Intranet o’ziga xos taqsimlangan dasturiy, axborot va aloqa
muhitini o’zida mujassamlantirgan;
•
Axborot oqimi matn, tasvir, audio, video ko’rinishida bo’lgani
uchun
guruhiy faoliyatlar tele-, video-konferentsiyalar asosida yo’lga
qo’yilishi oson;
•
Intranet avvalgi tarmoq turlariga nisbatan iqtisodiy samarali, uni
mavjud turli-tuman vositalar, Aloqa kanallari asosida xam tez yo’lga
qo’yish mumkin. Bu investitsiyalarni iqtisod qilishga imkon beradi.
Intranetdan
yuridik
shaxslar
quyidagi
yo’nalishlarda
foydalanadilar:
•
Yuridik shaxs xujjatlarini elektron nashr qilib turish. Intranet
serverlarida ishlab chiqarilayotgan mahsulotlar, aksiyalar ro’yhati, ichki
ma’lumotnomalar,
standartlar, qoidalar va umuman yuridik shaxsning
e’lon qilinadigan xar qanday xujjati Web - sahifalar tarzida chiqarib
turiladi. Shunday qilib yuridik shaxsning barcha xodimlari va
mexmonlar uchun zarur axborot Web -sahifalarda yuritilib boriladi.
•
Yuridik
shaxsning
ma’lumotlar
bazasi(jamgarmasi)dan
foydalanish. Intranetdan foydalanuvchi brauzer
vositasida serverdagi
ma’lumotlar bazasi bilan tula ishlay oladi: server bazasidagi
ma’lumotlarni uzgartish, ulardan foydalanish uchun uning HTML
shaklini
olib ishlab, sungra serverga qaytarish kifoya. Server tegishli
uzgarishlarni ma’lumotlar bazasiga o’zi kiritib qo’yadi.
•
Xat-xabar, xujjatlar bilan almashish. Buning uchun E-mail va
UseNet xizmatlarini ishga tushirib qo’yish kifoya.
•
Interaktiv (o’zaro faol) ishlash. Buning uchun interaktiv
munosabatlarni amalga oshiruvchi Web -sahifalarni
tegishli dasturlar
bilan ta’minlab qo’yish kifoya.
•
Yuridik shaxsni avtomatlashtirish tizimi. Xozirgi kunda xujjatlar
oqimini Intranet asosida yo‘lga ko‘yishda marketing, buxgalteriya, reja
bo‘limi, moliya bo’limi omborxona ishlari va boshqa bo’limlar
ishini
avtomatlashtirishda Intranet texnologiyalari keng qo’llanilmoqda.
•
Ta’lim va malaka oshirish. Yuridik shaxsni ta’lim va ilmiy-texnik
axborot bilan ta’minlashda Intranetga muqobil yechim topish qiyin.
Universitet, kollej, ilmiy muassasalarning talaba, professor – o’qituvchi
va boshqa xodimlari uchun Intranet muhitining qulayliklari haqida
ortiqcha so’zga xojat xam yo’q.
Intranet texnologiyasi yuridik shaxsning mavjud maxalliy(lokal) yo
mintaqaviy (keng makonli - global) kompyuter tarmog’i negizida tez va
eng kam sarf-xarajatlar evaziga Intranet hosil qilish imkonini beradi.
