Международный научный журнал № 8(100), часть
«Научный импульс» Март , 2023
13
BOSHLANG‘ICH SINF “ONA TILI VA O’QISH SAVODXONLIGI” DARSLARIDA O’YINLI
TEXNOLOGIYALARDAN FOYDALANISH
Sotvoldiyeva Muxlisaxon
Farg‘ona davlat universiteti talabasi
Annotatsiya: Ushbu maqolada boshlang‘ich sinflarda ona tili va o‘qish savodxonligi
darslarini samarali tashkil etish xususida fikr yuritiladi, ya’ni dars davomida o’quvchilarni
dars jarayoniga turli didaktik o’yinlar yordamida jalb qilishning bir necha usullari ko’rib
chiqiladi.
Kalit so’zlar: zamonaviy pedagogik texnologiyalar, o’yinli texnologiyalar, “Kim so’z
topadi” o‘yini, “So‘z top” o‘yini, “So‘zlar zanjiri” o‘yini, “Palindrom” o‘yini.
Respublikamizning xalq ta’limi oldida turgan asosiy vazifasi
har tomonlama kamol
topgan sog‘lom, qobiliyatli, o‘z Vatani va xalqiga sodiq insonlarni tarbiyalash va ularni
voyaga yetkazishdan iboratdir . Bu ulug‘ maqsadni ro‘yobga chiqarish xalq ta’limi tizimiga
qarashli barcha xodimlar va o‘qituvchilar ommasidan o‘z ishiga ijodiy yondashish,
har bir
ishda yuksak samaradorlikka erishish xilma-xil metodik usullarni o‘ylab topish hamda uni
maktab hayotiga tadbiq etishni talab qiladi. Bugun maktablarda ta’lim olayotgan
o‘quvchilar ilm-fan, texnika taraqqiyoti erishgan bir qator yutuqlardan bahramand bo‘lgan
ma’lum darajada bilimli kishilardir. O‘quvchiga bilim berish,
har bir dars mazmunini
boyitish, qiziqarli mashg‘ulotlarni dars jarayoniga singdirishni talab qiladi. Psixologlarning
aniqlashicha bolalar o‘qituvchining oddiy tushuntirishi orqali egallab olgan ma’lumotlarga
qaraganda turli xil ruhiy kechinmalar orqali o‘zlari mulohaza yuritib mustaqil bajargan
ishlari vositasida o‘zlashtirilgan bilimlarini uzoq esda saqlab qoladilar. Chunki o‘quvchi
mustaqil mashqlarni bajarishda faoliyat ko‘rsatib, ilgari olgan bilimlariga tayangan holda
ko‘plab o‘quv materiallarini hayolidan o‘tkazadi. O‘xshash hodisalarni taqqoslaydi. O‘zicha
mulohaza yuritib mustaqil hukm chiqaradi.
Dars jarayonida ko‘proq
pedagogik texnologiyaning o‘yin texnologiyalari turidan
foydalaniladi. Hozirgi kunda zamonaviy o‘qituvchi dars jarayonida aktyor emas,
balki
“rejissyor” bo‘lishi zarur. U o‘z o‘quvchilarini fanga ijodkorlik bilan qarashlarini tashkil etish,
ularda izlanuvchanlik xususiyatlarini shakllantirish, shuningdek zamonaviy pedagogik
texnologiyalardan foydalangan holda darsni tashkil etishi kerak. Buning uchun esa
o‘qituvchi yangi ta’lim usullari
va metodlarini bilishi, dars jarayonida ulardan samarali
foydalanishi maqsadga muvofiq. 2023-yil ham bejizga “Insonga e’tibor va sifatli ta’lim yili”
deb nomlanmagan.
Dars jarayonida zamonaviy pedagogik texnologiyalardan foydalanish nima uchun
kerak? Zamonaviy pedagogik texnologiyalar ortiqcha ruhiy va jismoniy kuch sarflamay,
qisqa vaqt ichida yuksak natijalarga erishish maqsadini nazarrda tutadi.
Zamonaviy
pedagogik texnologiyalardan biri bo‘lgan o‘yinli texnologiyalar – ta’lim oluvchilarni