9
UNIVERSITY OF GEOLOGICAL SCIENCES
Lekin, olingan namunaning o’lchami juda kichik (uzunligi-70 mm, diametri-30 mm) bo’lganligidan kolonkali dolota bilan olinadigan kern o’rnini bosa olmaydi va o’rganilayotgan qatlam jinslari to’g’risida to’liq ma’lumot bermaydi. Jinslarning neft-gazga to’yinganlik ehtimoli geofizik metodlar orqali aniqlansa , kesimning ushbu intervallarini yanada mufassalroq o’rganish zarur bo’ladi. Buning uchun burg’ilash tugagandan so’ng quduq devoridan jins namunalari olinadi.
Hozirgi vaqtda amaliyotda otuvchi yonlanma namuna olgichlardan keng foydalanilmoqda. Namuna nihoyatda tez olinishi bilan birga u ko’pincha bo’laklarga bo’linib yoki maydalanib, kukun xoliga kelib qolishi yoki kattaligi juda kichik bo’lishi mumkin. Bunday namuna olgichlar qo’llanganda kern chiqishi 50 % ga yetadi.
10
UNIVERSITY OF GEOLOGICAL SCIENCES
Yumshoq (qum-gilli) jinslardan kern chiqishi 100 % ga yetishi va o’z navbatida qattiq (zich qumtosh, zich ohaktosh, angidrit va b.) jinslardan namunani olib bo’lmasligi mumkin. Shuningdek, parmalovchi yonlanma namuna olgichli snaryadlar ham ishlab chiqarilgan.
Tayanchva parametrik quduqlardan olingan kern omborda doimo saqlanadi. Umumlashtirilgan yoki etalon (namuna) kesimni tuzishda foydalanilgan kern va shlam namunalari har doim saqlanadi. Izlash va razvedka quduqdan olingan kern kon zahirasi Davlat Zahira komissiyasi tasdig’idan o’tgunga qadar saqlanadi.
11
UNIVERSITY OF GEOLOGICAL SCIENCES
Burg’ilash jarayonida olingan kern maxsus jihozlangan kern omborida saqlanishi zarur. Markaziy kern omboriga alohida tadqiqotlar uchun zarur bo’lgan namunalar, shuningdek tayanch, parametrik va alohida izlov quduqlaring hamma kernlari jo’natiladi. Qolgan kern ishlarni tugallagung qadar vaqtinchalik kern omborlarida qoladi, undan keyin markaziy kern omboriga o’tkaziladi. Kern materiallari emal bo’yoq bilan markerlanadi (ba’zan yorliq yelimlanadi). Yashikning qopqog’i va yon tomoniga qizil bo’yoq bilan tuzilma, uchastka yoki maydonning nomi, ish bajarilgan yil va oy, quduqning tartib raqami, kern olish oralig’i ko’rsatiladi. Yashiklar tartib bilan raqamlanadi.
|
