“Tasdiqlayman”
Uzun tuman xalq ta’limi
bo‘limiga qarashli 6-sonli umumiy
o‘rta ta’lim maktabi direktori
___________ Z.Tursunova
24-avgust 2022-yil
Uzun tuman xalq ta’limi bo‘limiga qarashli 6-sonli umumiy o‘rta ta’lim maktabida navbatdan tashqari o‘tkazilgan yig‘ilish
BAYONI
,,Malandiyon” MFY
Yig‘ilish raisi : Z.Tursunova -maktab direktori
MMIBDO’: X.Xudoyqulov
O’TIBDO’: A.Aliqulov
Psixolog: SH.Boyev
Qatnashdilar : Maktab o‘qituvchi va ishchi xodimlari
KUN TARTIBIDAGI MASALA:
O‘zbekiston Respublikasi Xalq ta’limi vazirligining 2022-yil 28-iyuldagi “Umumiy o‘rta ta’lim muassasalarining ichki tartib va odob-axloq qoidalarini tasdiqlash to‘g‘risida”gi 246-sonli buyrug‘i ijrosini ta’minlash va ishlab chiqish to‘g‘risida.
Yig‘ilishni maktab direktori Z.Tursunova ochdi va olib bordi.
Yig‘ilishni ochar ekan, u o‘z so‘zida bugungi kunda axborot-kommunikatsion texnologiyalari jamiyat hayotiga shiddat bilan kirib kelmoqda va o‘z ta’sirini tobora kengroq ko‘rsatmoqda. Bu esa o‘z navbatida yosh avlodga zamonaviy ta’lim berish bilan birga ularni umuminsoniy va milliy qadriyatlar, yuksak insoniy fazilatlar ruhida tarbiyalash, ongi va qalbini mafkuraviy, ma’naviy va axborot tahdidlaridan ishonchli himoya qilish, ularda g‘oyaviy immunitetni shakllantirish masalalariga alohida e’tibor berish lozimligini aytib o‘tdi. Shuning bilan bir qatorda barcha maktablarda o’qituvchi pedagoglarning darslarni tashkil etishlari kuzatish bo’yicha nazoratni kuchaytirgan holda sinfxonalarga kuzatuv kameralari o’rnatilgani va bu holat doimiy ravishda nazoratda bo’lishi haqida ta’kidlandi.Dars jarayonlari yuqori saviyada tashkil qilinishi va bu samara berishi lozimdir.
Yosh avlodni past saviyadagi «Ommaviy madaniyat» ta’sirlaridan, milliy o‘ziga xosligimiz, dunyoqarash va tafakkurimizga mutlaqo yot bo‘lgan g‘oyalar, sun’iy «qadriyat va an’ana»lardan, bir so‘z bilan aytganda, ma’naviy tahdidlaridan asrash lozimligiga to‘xtaldi .
Bu boradagi ishlarni avvalo, maktabining ichki tartib va odob-axloq qoidalarini takomillashtirishdan boshlash kerakligini aytib o‘tdi .
O‘quvchi ma’naviyatini shakllantirishda ta’lim-tarbiya jarayoni, targ‘ibot ishlari va ibrat ko‘rsatish kabi pedagogik jihatlar bilan birga o‘quvchilar foydalanyotgan o‘quv qurollarining mazmun-mohiyati, bezatilishi, sifati masalalari ham muhim o‘rin tutishini ta’kidladi . Jumladan:
Maktabda kiyinish odobi muhimligi saqlanib qolmoqda. Ilm dargohlarida bir xil libos o‘qituvchilarda ko‘p jihatdan tenglik hissini uyg‘otib, ularning e’tiborini turli ortiqcha ko‘rinishlardan saqlaydi.
Yuqoridagilarni inobatga olib, O‘zbekiston Respublikasi Xalq ta’limi vazirligining 2022-yil 28-iyuldagi “Umumiy o‘rta ta’lim muassasalarining ichki tartib va odob-axloq qoidalarini tasdiqlash to‘g‘risida”gi 246-sonli buyrug‘i qabul qilinganligini takidlab, yangi tahrirdagi umumiy o‘rta ta’lim muassasalarining ichki tartib va odob-axloq qoidalarini o‘qib eshittirdi.
Masala yuzasidan maktabning maktab ma’naviy - ma’rifiy ishlar bo‘yicha direktor o‘rinbosari X.Xudoyqulov so‘z navbati berildi. X.Xudoyqulov o‘z so‘zida umumiy o‘rta ta’lim muassasasining ichki tartib va odob-axloq qoidalari O‘zbekiston Respublikasining Konstitutsiyasi, “Ta’lim to‘g‘risida”, “Yoshlarga oid davlat siyosati to‘g‘risida”, “Bola huquqlari kafolatlari to‘g‘risida”, “Voyaga yetmaganlar o‘rtasida nazoratsizlik va huquq-buzarliklarning profilaktikasi to‘g‘risida”, “Axborot erkinligi prinsiplari va kafolatlari to‘g‘risida”gi Qonunlari hamda Vazirlar Mahkamasining “Barkamol avlodni tarbiyalashda oila instituti va fuqarolarning o‘zini o‘zi boshqarish organlarining ta’lim muassasalari bilan o‘zaro hamkorligini yanada rivojlantirish chora-tadbirlari to‘g‘risida”gi qarori va umume’tirof etilgan ma’naviy-axloqiy tamoyillar asosida ishlab chiqilganligi, “Har bir nuroniy – o‘smir yoshlarning g‘amxo‘r murabbiyi” tamoyili asosida tarbiyasi og‘ir o‘quvchilar mahallada katta hurmatga ega bo‘lgan nuroniylarning tarbiyasiga biriktirilishi , о‘quvchilarni milliy va umuminsoniy qadriyatlarga sodiqlik ruhida tarbiyalash, ularning ongi va dunyoqarashini ijobiy tomonga o‘zgartirish maqsadida “Namunali maktab direktori”, “Namunali muallim”, “Namunali o‘quvchi” va “Namunali ota-ona”ning ma’naviy qiyofasi va tarbiya mezoni yaratish hamda maktab ta’limi tizimiga joriy etish lozimligini ta’kidlab o‘tdi.
Yangi tahrirdagi ichki tartib va odob- axloq qoidalariga ko‘ra farzandi tarbiyasiga mas’uliyatsizlik bilan yondashayotgan ota-onalar (ularning o‘rnini bosuvchi shaxslar)ning ish joyiga yoki mahalla fuqarolar yig‘iniga ma’lumot yuboriladi hamda muassasaga biriktirilgan inspektor-psixolog tomonidan tegishli ma’muriy javobgarlik choralarini qo‘llash mumkinligi haqida to‘htalib o‘tdi.
Maktabda sog‘lom ma’naviy va ijtimoiy-psixologik muhitni shakllantirish, yosh avlodga zamon talablari asosida bilim, milliy g‘oya va qadriyatlar hamda umuminsoniy fazilatlarga mos tarbiya berish, o‘quv-tarbiya jarayonining sifati va ma’naviy-ma’rifiy ishlar samaradorligini oshirishga sharoit yaratish, o‘qutuvchi va xodimlar orasida odob-axloqni buzishga, shu jumladan zo‘ravonlik, hayosizlik va shafqatsizlikni tashviqot qilishga qaratilgan har qanday xatti-harakatlarning oldini olish, jumladan, yoshlarni ichkilikbozlik va giyohvandlik illatlaridan, boshqa turli halokatli tahdidlar hamda biz uchun yot bo‘lgan diniy va ekstremistik ta’sirlardan, past saviyali «Ommaviy madaniyat» hurujlaridan himoya qilishga ko‘maklashish har bir pedagogning, har bir ota – onaning vazifasi ekanligini aytib o‘tdi .Masala yuzasidan maktabning tajribali o‘qituvchilaridan B.Tog’oymurodova , N.SHayhidinova ham o‘z fikrlarini bildirdilar. Yuqoridagilarni tinglab yig‘ilish
|
